ມ.ຊ ຈະສຶກສາ ແນວຄິການເມືອງໃຫ້ພະນັກງານ ແລະ ນັກສຶກສາ ເພື່ອແກ້ໄຂ ປະກົດການ ຫຍໍ້ທໍ້ .

ມະຫາວິທະຍາ​ໄລ​ແຫ່ງ​ຊາດ(ມ.ຊ) ຈະ​ສຶກສາ​ແນວ​ຄິດການ​ເມືອງ​ ໃຫ້​ພະນັກງານ ​ຄູ​-ອາຈານ​ໃຫ້​ ເຊື່ອມ​ຊຶມ​ມະຕິ IX ຂອງ​ພັກ ​ຢ່າງ​ເລິກ​ເຊິ່ງ​ໂດຍ​ສະ​ເພາະ​ແມ່ນ 4ບຸກທະລຸ, ການ​ພັດທະນາ​ຊັບພະຍາກອນ​ມະນຸດ​ ດ້ວຍ​ການ​ສືບຕໍ່​ປະຕິບັດ​ນະ​ໂຍບາຍ​ຕໍ່​ຄູ​ອາຈານ​ ແລະ ພະນັກງານ ​ຢ່າງ​ສອດ​ຄອງ ສ້າງ​ແຜນ​ສອນ​ດີ ສອນ​ເກັ່ງ  ສ່ວນ​ນັກ​ສຶກສາ​ ຈະ​ປັບປຸງ​ຄືນ​ ລະບົບ​ອາຈານ ​ປະຈຳ​ຫ້ອງ​ ຫລື​ ຄູປະຈຳ​ຊັ້ນ​ ໃນ​ລະດັບ​ຄະນະ​ວິຊາ , ວິທະຍາ​ໄລ , ສູນ ພ້ອມ​ທັງ​ ມີ​ລະບອບ​ນະ​ໂຍບາຍ​ ທີ່​ເໜາະ​ສົມ​ຕໍ່​ຄູ​ອາຈານ​ປະຈຳ​ຫ້ອງ, ປັບປຸງ​ວິທີ​ການ​ ປະຖົມ​ນິ​ເທດ ​ແລະ ​ໃຫ້​ຫລາຍ​ຮູ​ບການ​ໃນ​ການ​ເຟິດອົບຮົມ​ ແນວ​ຄິການ​ເມືອງ ​ແລະ ລະບຽບວິ​ໄນ​​ໃຫ້​ນັກ​ສຶກສາ​ໃຫ້​ທົ່ວ​ເຖິງ  ​ເພື່ອ​ແກ້​ໄຂ ​ປະກົດ​ການ ຫ​ຍໍ້​ທໍ້​ ພາຍ​ໃນ​ມະຫາວິທະຍາ​ໄລ​ດັ່ງກ່າວ.

ເມື່ອ​ວັນ​ທີ 5 ກໍລະກົດ ທີ່​ຜ່ານ​ມາ ມະຫາວິທະຍາ​ໄລ​ແຫ່ງ​ຊາດ ​ໄດ້​ຈັດ​ກອງ​ປະຊຸມ​ສຳ​ມະ​ນາ​ການ​ສະກັດ​ກັ້ນ​ ແລະ ກ້​ໄຂ​ປະກົດ​ການ ​ຫຍໍ້​ທໍ້​ ໃນ​ຂົງ​ເຂດ​ ສະ​ຖາ​ບັນ​ດັ່ງກ່າວ ​ໂດຍ​ພາຍ​ໃຕ້​ການ​ ເປັນ​ປະທານ​ ຂອງ ທ່ານ ສຈ. ດຣ ສຸກ​ກົງ​ແສງ​  ​ໄຊ​ຍະ​ເລີດ ກຳມະການ​ສູນ​ກາງ​ພັກ, ອະທິການ​ບໍດີ ມ. ຊ ​ເຊິ່ງມີ​ບັນດາ​ ຄະນະບໍດີ , ຫົວໜ້າ​ພາກ​ວິຊາ , ຫົວໜ້າ​ສູນ, ສະ​ຖາ​ບັນ ​ແລະ ພະນັກງານ-ຄູ​ອາຈານ ​ເຂົ້າ​ຮ່ວມ.

ກອງ​ປະຊຸມ​ ສຳ​ມະ​ນານີ້ ຜູ້​ເຂົ້າ​ຮ່ວມ​ໄດ້​ຮັບ​ຟັງ​ບັນ​ປະກົດ​ການ​ຫຍໍ້​ທໍ້​ທີ່​ພົ້ນ​ເດັ່ນ​ເກີດ​ຂຶ້ນ​ໃນ​ມະຫາວິທະຍາ​ໄລ​ແຫ່ງ​ຊາດ,​ໃນ​ຖັນ​ແຖວ​ພະນັກງານ, ຄູ​ອາຈານ ​ແລະ ນັກ​ສຶກສາ  ​ເຖິງ​ແມ່ນ​ວ່າ​ທາງ​ມະຫາວິທະຍາ​ໄລ​ດັ່ງກ່າວ​ຈະ​ມີ​ແຜນການ​ສະກັດ​ກັ້ນ​ແລະ ​ແກ້​ໄຂ​ປະກົດ​ການ​ດັ່ງກ່າວ​ຢ່າງ​ເຂັ້ມງວດ​ກໍ​ຕາມ​ແຕ່​ເຊິ່ງຍັງ​ບໍ່​ປາສະຈາກ​ປົດ​ການ​ດັ່ງກ່າວ​ໄດ້ ທ່ານ ສຸກ​ກົງ​ແສງ ​ໄຊ​ຍະ​ເລີດ ​ໄດ້​ກ່າວ​ໃຫ້​ຮູ້​ວ່າ ​ໄດ້​ຈັບ​ຜູ້​ປອມ​ແປງ​ໃບ​ປະກາສະ​ນິຍະ​ບັດ ລະດັບ​ປະລິນຍາ​ຕີ​ໄດ້ 3 ຄັ້ງ  ຈຳນວນ 363 ​ໃບ ຈັບ​ນັກ​ສຶກສາ​ທີ່​ປ້ອມ​ແປງ​ບັດ​ອະນຸຍາດ​ເຂົ້າ​ມ.ຊ ​ໄດ້ 12 ຄົນ ຈັບພວກ​ກຸມ​ຄົນ​ບໍ່​ດີ ທີ່ລັກ​ລົດຈັກ 28 ຄັນ​ແລະ ຄອມ​ພິວ​ເຕີ ​ໂນ​ດບຸກ 14 ໝ່ວຍ ຈັບ​ນັກ​ສຶກສາ​ຕີ​ກັນ ​ແລະ ຫລິ້ນການ​ພະນັນ​ໃນ​ຫໍ​ພັກ , ສຳ​ລວດ​ອາຈານ ທີ່ຂຽນ​ບົດ​ຈົບ​ຊັ້ນ​ໃຫ້​ນັກ​ສຶກສາ ​​ໂດຍ​ໃຫ້​ພັກສອນ​ເປັນ​ເວລາ 1 ປີ.

ແນວ​ໃດ​ກໍ​ຕາມ ທ່ານ  ອະທິການ​ບໍດີ ຍັງ​ໄດ້​ກ່າວ​ເຖິງ ​ທິທາງ​ແກ້​ໄຂ​ປະກົດ​ການ​ຫຍໍ້​ທໍ້​ໃນ​ມະຫາວິທະຍາ​ໄລ​ແຫ່ງ​ຊາດ ວ່າ ຈະ​ສຶກສາ​ແນວ​ຄິດ​ການ​ເມືອງ​ໃຫ້​ພະນັກງານ​ຄູ​ອາຈານ ​ໃຫ້​ເຊື່ອມ​ຊຶມ​ມະຕິIX ຂອງ​ພັກ​​ໃຫ້​ເລິກ​ເຊິ່ງ ​ໂດຍ​ສະ​ເພາະ​ແມ່ນ 4 ບຸກທະລຸ ​ການ​ພັດທະນາ​ຊັບພະຍາກອນ​ມະນຸດ ,  ສືບຕໍ່​ປະຕິບັດ​ນະ​ໂຍບາຍ​ຕໍ່​ຄູ​ອາຈານ ​ແລະ ພະນັກງານ​ຢ່າງ​ສອດ​ຄອງ​ສ້າງ​ແຜນ​ສອນ​ດີ ສອນ​ເກັ່ງ .ສືບ​ຕໍ່ ກວດກາ​ຕິດຕາມ ຄູ​ອາຈານ ພະນັກງານ ​ແລະ ປະຊາ​ຊົນ​ທີ່​ຢຶດຈອງ​ດິນ ລັດ ​ເພື່ອ​ລາຍ​ງານ​​ໃຫ້​ຂັ້ນ​ເທິງ​ຊາບ​ແຕ່ລະ​ໄລຍະ ,​ເອົາ​ໃຈ​ໃສ່​ຕິດຕາມ​ພວກ​ປອມ​ແປງ​ໃບ​ປະກາສະ​ນິຍະ​ບັດ ມ.ຊ ​ໂດຍ​ສົມທົບ​ກັບ​ເຈົ້າ​ໜ້າ​ທີ່​ໃນ​ທຸກ​ລະດັບ, ​ໃຫ້​ຂັ້ນ​ເທິງ​ຈັດຕັ້ງທີ​ມງານ​ກ່ຽວ​ກັບ​ບັນຫາ​ດັ່ງກ່າວ ຢ່າ​ງ​ເໝາະ​ສົມ ຂະນະ​ທີ່​ການ​ແກ້​ໄຂ​ປະກົດ​ການ​ຫຍໍ້​ທໍ້ ​ໃນ​ກຸມ​ນັກ​ສຶກສາ ​ແມ່ນ​ຈະ​ປັບປຸງ​ຄືນ​ລະບົບ​ອາຈານ​ປະຈຳ​ຫ້ອງ ຫລື ປະຈຳ​ຊັ້ນ ​ໃນ​ລະດັບ​ຄະນະ​ວິຊາ .ວິທະຍາ​ໄລ , ສູນ ພ້ອມ​ທັງ​ມີ​ລະບອບ​ນະ​ໂຍບາຍ​ທີ່​ເໜາະ​ສົມ​ຕໍ່​ຄູ​ອາຈານ​ປະຈຳ​ຫ້ອງ​ຫລື​ປະຈຳ​ຊັ້ນ ປັບປຸງ​ວິທີ​ການ​ປະຖົມ​ນິ​ເທດ ​ແລະ ​ໃຊ້​ຫລາຍ​ຮູບ​ການ​ໃນ​ການ​ເຝິກອົບ​ຮົບ​ດ້ານ​ແນວ​ຄິດ​ການ​ເມືອງ ​ແລະ ດ້ານ​ລະບຽບວິ​​ໄນ​ໃຫ້​ນັກ​ສຶກສາ​ໃຫ້​ທົ່ວ​ເຖິງ  , ຈັດຕັ້ງການ​ກວດກາ​ລະບຽບ​ວິ​ໄນ​ພ້ອມ​ທັງ​ມີ​ຮູບ​ການ​ຍ້ອງຍໍ​ນັກ​ສຶກສາ​ທີ່​ດີ​ເດັ່ນ ​ແລະ ​ເຂັ້ມງວດ​ຕໍ່​ການ​ປະຕິບັດ​ລະບຽບວິ​ໄນ ຕໍ່​ຜູ້​ຝ່າຝືນ​ຕໍ່​ລະບຽບ​ວິ​ໄນ , ​ເອົາ​ໃຈ​ໃສ​ຄຸ້ມ​ຄອງ ​ແລະ ລະດົມ​ນັກ​ສຶກສາ​ທີ່​ມາ​ຈາກ​ຕ່າງ​ແຂວງ​ຕ້ອງ​ເຂົ້າ​ນອນ​ຫໍ​ພັກ​ບ້ານ​ຊີ​ເກ​ມ. ປັບປຸງ​ກາ​ຈັດຕັ້ງ ​ແລະຊັບຊ້ອນ​ພະນັກງານ​ໃສ່​ວຽກ​ງານ​ຄຸ້ມ​ຄອງ​ນັກ​ສຶກສາ​​ໃຫ້​ພຽງພໍ , ຄູ​ອາຈານ ທຸກ​ຄົນ​ຕ້ອງ​ເປັນ​ເຈົ້າ​ການ​ສຶກສາ​ອົບຮົມ​ນັກ​ສຶກສາ​ໃນ​ດ້ານ​ແນວ​ຄິດ​ການ​ເມືອງ ​ແລະ ລະບຽບວິ​ໄນ​ໃຫ້​ນັກ​ສຶກສາ​ຢ່າງ​​ເປັນ​ປະຈຳ .

ຂ່າວທົ່ວໄປ ກິລາຕ່າງປະເທດ, ກິລາພາຍໃນ, ຂ່າວສສກ, ຂ່າວສັງຄົມ, ທ່ອງທ່ຽວບັນເທິງ, ສະກຸບພິເສດ, ຮູບພາບ, ເບີ່ງຂ່າວທັງໝົດ | Comments Off

Comments are closed.