ຊຸດອົບຮົມ ທິດສະດີ ການເມືອງ ການປົກຄອງ ກະຊວງ ສ.ສ.ກ ໄປຢ້ຽມຢາມ ສ.ມ.ປ.ຊ

ເພື່ອເປັນການຕ້ອນຮັບມື້ໄຂສົກຮຽນໃໝ່ 2012-2013 ໃນວັນທີ່ 1 ກັນຍາ ປີນີ້ໃຫ້ມີບັນຍາກາດ ເບີກບານ ມວ່ນຊື່ນເປັນຂະບວນຟົດຟື້ນ, ທັງເປັນການ ລົງໄປເບີ່ງ ພາກສະໜາມ ຕົວຈິງ ຈາກສະຖາບັນການເມືອງ ການປົກ ຄອງແຫ່ງ ຊາດ  ຊຶ່ງເປັນ ສະຖາບັນແຫ່ງທຳອິດໃນການສິດສອນ ແລະ ຝຶກອົບ ຮົມ ດ້ານທິດ ສະດີການ ເມືອງການປົກຄອງຂອງ ສ.ປ.ປ ລາວ ໃຫ້ແກ່ບັນດາພະນັກງານຫລັກແຫລ່ງ ແລະ ການນຳ ທຸກຂັ້ນ ຂອງລາວ.
1
ໃນຕອນ ແລງວັນສຸກ ວັນທີ່ 31 ສິງຫາ 2012 ຜ່ານມາ ພະນັກງານ ຫລັກ ແຫລ່ງ ຂອງກະຊວງສຶກສາ ທິການ ແລະ ກິລາ ( ສສກ) ໂດຍສະເພາະ ແມ່ນພະນັກງານໃນຊຸດ ຝຶກອົບອົບ ທິດສະດີ ການ ເມືອງ ການປົກ ຄອງ ໄລຍະສັ້ນ 45 ວັນ ຊຸດ ທີ່ 3 ພ້ອມດ້ວຍ ຄະນະຈັດ ຕັ້ງຮັບຜິດຊອບ ຊຸດຝຶກອົບຮົມດັ່ງກ່າວນັ້ນ ໄດ້ພ້ອມ ກັນ ເດີນທາງໄປຢ້ຽມຢາມ ເພື່ອແລກປ່ຽນບົດຮຽນ ແລະ ຮ່ວມກິດ ຈະກຳ ຫລິ້ນກິລາ ນຳບັນດາ ຄູອາຈານ ຂອງ ສະຖາບັນ ການເມືອງ ການປົກຄອງ ແຫ່ງຊາດ ( ສມປຊ) ທີ່ທ່າງ່ອນ ເມືອງໄຊທານີ ນະຄອນຫລວງວຽງຈັນ. ໃນການເດີນທາງ ໄປຢ້ຽມ ຢາມ ຄັ້ງນີ້ ໄດ້ຮັບການຕ້ອນຮັບເປັນຢ່າງດີ ຈາກຄະນະສະ ຖາບັນ ການເມືອງການປົກຄອງແຫ່ງຊາດ ຊຶ່ງມີ ທ່ານ ອາຈານ ຄຳພັນ ນັນທາ ຮອງຫົວໜ້າຫ້ອງການ ແລະ ທ່ານ ອາຈານ ພູວົງ  ອຸ່ນຄຳ ແສນ  ຫົວໜ້າ ຄະນະວິຊາ ລັດທິສັງຄົມ ນິຍົມ ວິທະຍາສາດ ສ.ມ.ປ.ຊ ໄດ້ສະເໜີໃຫ້ຮູ້ປະຫວັດຄວາມເປັນມາ ແລະ ບາດກ້າວ ການເຕີບ ໃຫຍ່ ຂະຫຍາຍຕົວໃນແຕ່ລະຂັ້ນຕອນ ຂອງ ສະຖາບັນການ ເມືອງການປົກຄອງແຫ່ງຊາດ. ພ້ອມທັງແກ້ໄຂ ບັນຫາ ທີ່ສົນໃຈ ແລະ ການສັກຖາມຂອງນັກສຳມະນາກອນຈາກ ສສກ ແບບ ກົງໄປກົງມາ ດ້ວຍບັນຍາກາດ ອັນອົບອຸ່ນ ແລະ ເປັນກັນເອງ. ຫລັງຈາກນັ້ນ ທ່ານ ສົມໝາຍ ໄຊຍະລິນ ຮອງຫົວໜ້າກົມກິລາມວນຊົນ ກະຊວງ ສສກ ໄດ້ຕ່າງ ໃຫ້ໜ້ານັກສຳມະນາກອນ ກ່າວສະແດງ ຄວາມຂອບອົກ ຂອບໃຈ ພ້ອມທັງໄດ້ມີການ ມອບຂອງຂັວນທີ່ລະນຶກ ແລະ ປື້ມ ຕຳລາເກົ່າຈຳນວນໜື່ງຊຶ່ງລວມມີປຶ້ມພາສາລາວ, ຝຣັ່ງ, ອັງກິດ , ຣັດເຊຍ ແລະ ຫວຽດນາມ ໃຫ້ທາງ ສະຖາບັນ ການເມືອງ ການປົກຄອງ ແຫ່ງຊາດ ໄດ້ເກັບຮັກສາໄວ້ໃນຫ້ອງສະມຸດ ເພື່ອໝູນໃຊ້ໃນ ການສຶກສາ ຄົ້ນຄວ້າ ປະກອບຕຳລາ ສິດສອນ ຕໍ່ໄປ ! ຊຶ່ງປຶ້ມຕຳລາດັ່ງກ່າວນັ້ນ ແມ່ນທາງ ນັກສຳມະນາ ກອນ ໄດ້ຮັບການ ປະກອບ ສວ່ນສະໜັບສະໜູນຈາກ ຫ້ອງການ ປະສານ ງານ ອົງການ ອຸ່ຍແນດສະໂກ ກະຊວງສສກ. ນອກນັ້ນ ພາຍຫລັງຈົບ ການສົນທະນາແລກປ່ຽນບົດຮຽນແລ້ວ ເພື່ອເປັນສ້າງຄວາມ ສາມັກຄີຮັກແພງ ກໍໄດ້ຈັດກິດຈະກຳ ແຂ່ງຂັນກິລາລະຫວ່າງ ນັກສຳມະນາກອນ ແລະ ບັນດາຄູອາຈານພາຍ ໃນສະຖາ ບັນການເມືອງ ການປົກ ແຫ່ງຊາດ ຊຶ່ງມີສອງ ປະເພດກິລາ ທີ່ກຳລັງ ນິຍົມ ທົ່ວສັງຄົມ ຄື: ເຕະບານ ແລະ ໂຍນໝາກ ເປຕັງ ຊຶ່ງມີການ ແບ່ງປັນກັນເຊັ່ນ: ຄູອາຈານເອື້ອຍນ້ອງຍີງ ແມ່ນຫລິ້ນ ກິລາເປຕັງ ພາກສ່ວນລະສາມທີມ , ສ່ວນປະເພດຊາຍ ແມ່ນເຕະບານ. ຜົນຂອງການແຂ່ງຂັນ ແມ່ນ ເຈົ້າພາບ ຊຶ່ງເປັນ ເຈົ້າສະໜາມ ເອົາຊະນະລວດ ແບບບໍ່ເກງໃຈ ທັງສອງປະເພດຄື: ກິລາເປຕັງ ທີມເຈົ້າພາບຊະນະທັງສາມທີມ ແລະ ບານເຕະ ເຈົ້າພາບຊະນະ 5-1 ປະຕູ. ພາຍຫລັງ ຈົບການແຂ່ງຂັນກິລາທັງສອງປະເພດແລ້ວ ເຖິງວ່າຈະປຣາໄຊລວດ ແຕ່ທາງນັກ ສຳມະ ກອນຈາກ ກະຊວງ ສຶກສາທິການ ແລະ ກິລາ ກໍຍັງໃຈ ໃຫຍ່ຢູ່ ມອບອຸປະກອນ ກິລາ ຈຳນວນໜື່ງ ຊຶ່ງ ປະກອບມີ ໝາກບານ ເຕະ ແລະ ໝາກບານສົ່ງ ໃຫ້ແກ່ທາງ ສະຖາບັນການເມືອງການປົກຄອງແຫ່ງຊາດ ອີກດ້ວຍ.
ໂດຍ: ເຈັດໜຸ່ມ
2

ຂ່າວທົ່ວໄປ ກິລາຕ່າງປະເທດ, ກິລາພາຍໃນ, ຂ່າວສສກ, ຂ່າວສັງຄົມ, ທ່ອງທ່ຽວບັນເທິງ, ສະກຸບພິເສດ, ຮູບພາບ, ເບີ່ງຂ່າວທັງໝົດ | Comments Off

Comments are closed.