ຫລວງພະບາງ ແລະ ຜົ້ງສາລີ ພ້ອມກັນມີໄຊ ຂຶ້ນນຳກຸ່ມຮ່ວມກັນ ເຕະບານ ຊີງ ຂັນພະນະ ທ່ານນາຍົກ 2012

p1ການແຂ່ງຂັນ ເຕະບານ ຮອບແບ່ງກຸ່ມ ຈາກ 3 ໂຊນ ທົ່ວປະເທດ ຊີງຂັນພະນະທ່ານນາຍົກລັດຖະມົນຕີ ແຫ່ງ ສປປ ລາວ ໃນກຸ່ມA ທີ່ແຂວງ ຫລວງພະບາງ ເປັນເຈົ້າພາບ ໄດ້ເປີດສາກ ລະເບີດ ຄວາມມັນຢ່າງເປັນທາງການ ເມື່ອວັນທີ26 ຕຸລາ ຜ່ານມາ ທີ່ສະໜາມກິລາແເທດສະບານ ເມືອງ ແລະແຂວງ ຫລວງພະບາງ ໂດຍມີບັນດາການນຳຈາກ 4 ແຂວງ ແລະຊາວເມືອງ ມໍລະດົກໂລກ ຕະຫລອດຮອດຊາວຕ່າງຊາດ ເຂົ້າຮ່ວມຊົມ 1000 ກວ່າຄົນ ແລະນັດປະເດີມສະໜາມເປັນການພົບກັນລະຫວ່າງ ຫລວງນ້ຳທາ ພົບກັບ ຜົ້ງສາລີ ແລະ ເຈົ້າຖິ່ນ ຫລວງພະບາງ ພົບກັບ ອຸດົມໄຊ ສຳລັບຄູ່ທີສອງ ຂໍຍົກໃຫ້ເປັນທີມເຕັງ 1-2 ຫລືຄູ່ເອກຂອງກຸ່ມດັ່ງກ່າວ ເພາະວ່ານັກເຕະ ທັງສອງ ເຖິງຈະເປັນນັກເຕະໜ້າໃໝ່ ແຕ່ກໍມີປະສົບການ ແລະ ຄວາມ ສາມາດສູງ

ສ່ວນຜົນການແຂ່ງຂັນ ຄູ່ລະຫວ່າງ ເຈົ້າພາບ ແລະອຸດົມໄຊ ພໍແຕ່ສຽງໜາກວີດຂອງອາຈານ ວິສິດ ແສງອຳພັນ ກຳມະການ ກາງສະໜາມ ເຊິ່ງຊາບວ່າ ອາຈານເພີ່ນຮັບຂ່າວດີ ໄດ້ສະມາ ຊີກ ຄອບຄົວໃໝ່ ທີ່ນະຄອນຫລວງວຽງຈັນ ກໍເປົ່າດັງຂຶ້ນ ທັງສອງທີມ ເປີດເກມບຸກແລກກັນ ທັນທີ່ ເຊິ່ງກໍເປັນ ເຈົ້າພາບ ໄດ້ໄຂບານ ແລະເນັ້ນບຸກໂຈມຕີ ຂຶ້ນບານດ້ານຂ້າງ ທັງປີກຊ້າຍ ແລະປີກຂວາ ຈົນເກືອບໄດ້ປະ ຕູ ຂຶ້ນນຳເຖິງ ສອງສາມ ຄັ້ງ ຈາກລູກໂມ່ງ ຂອງ ຍອດ ທີ່ລອຍຕົວ ໂມ່ງ ເຕັມໜ້າ ຝາກສົ່ງບານບຽດຄານ ອອກຫລັງ ຢ່າງໜ້າເສຍດາຍ ກ່ອນ ພູສະຫວາດ  ຫົວໜ້າທີມ ຈະໂມ່ງກົດບານ ດັກລົງພື້ນ ແຕ່ໄປຕຳເສົາເສຍ ກ່ອນ ຈາກນັ້ນ ກອງເຊຍ ເຈົ້າພາບ ກໍໄດ້ ມາເຮ່ກັນສະນັ່ນອີກຄັ້ງ ພອນປະເສີດ ຂຶ້ນເກມບຸກ ໂດດໂມ່ງບານ ບານພຸ້ງໄປຖືກທິດທາງໜີມື ບັນດິດ ແກ້ວ ປັນຍາ  ອະດິດນັກເຕະ ສະໂມສອນ ນະຄອນຫລວງ ປະຕູ ອຸດົມໄຊ ເຂົ້າໄປຢ່າງສວຍງາມ ໃນນາທີ11 ຈາກນັ້ນ ຫລວງພະບາງ ໄດ້ໃຈ ຂຶ້ນບຸກຢ່າງຕໍເນື່ອງ ຂະນະທີ່ ອຸດົມໄຊ ຫລັງຖືກນຳ ພະຍາຍາມຕັ້ງຫລັກ ແຕ່ຈັງຫວະຈົບສະກໍ ບໍ່ຄົມພໍ ຈິ່ງອາໃສ ການຍິ່ງໄກ ແລະເປັນ ກອງໜ້າຕົວເປົ້າ ວິໄລສັກ ຈັນທະລັງສີ ຍິ່ງບານມຸດດາດຄານອອກຫລັງໄປ ແຕ່ແນວໃດກໍດີ ເຈົ້າ ພາບ ຍັງຄົງ ຄອງເກມ ຈົນຈົບເຄິ່ງເວລາທຳອິດ

ແລະກັບມາ ແຂ່ງຂັນກັນຕໍ່ໃນເຄິ່ງເວລາທີສອງ ທັງສອງ ທີມໄດ້ມີການປັບປ່ຽນຕົວຜູ້ຫລິ້ນ ແຕ່ ເກມຄວາມໄດ້ ປຽບຍັງຕົກເປັນຂອງເຈົ້າພາບ  ແລະມາຮອດນາທີ48 ຈັນທະລາ ໂຍນບານໃຫ້ ບຸນທະວີ ພາບານເຂົ້າໃນ ເຂດອັນ ຕະລາຍ ແຕ່ງ ເຂົ້າຊາຍ ຍັດເຕັມຂໍ່ ບານພຸ້ງແຮງຈົນເຮັດໃສ່ ມືບັນດິດ ແກ້ວປັນຍາ ຮັບບໍ່ຢູ່ ບານລອດ ກ້ອງຫວ່າງຂາເຂົ້າປະຕູ ໃຫ້ ຫລວງພະບາງ ຂຶ້ນນຳ 2-0 ຈາກນັ້ນ ຫລວງພະບາງ ມາໄດ້ປະຕູ ຂຶ້ນ ນຳ ຫ່າງ 3-0 ນາທີໆ60 ຈາກການເປີດບານທີ່ສວຍງາມຂອງ ແສງອາລຸນ  ກອງກາງ ເຖິງ ບຸນທະວີ ມີເວລາແຕ່ງ ສອງສາມ ຈັງຫວະ ແລະແປຫລິ້ນ ແບບໃຈເຢັນໆ ໜີມືປະຕູ ອຸດົມໄຊເຂົ້າໄປ ສ່ວນ ອຸດົມໄຊ  ຫລັງເສຍ 3 ປະຕູ ບໍ່ມີຫຍັງຈະເສຍ ກໍເສີມຕຳແໜ່ງ ຕົວບຸກ ລົງຊ່ວຍເກມ ເພື່ອຫວັງຕີໄຂແຕກ ແຕ່ສຸດທ້າຍ ກອງໜ້າ ຍັງບໍ່ຄົມພໍ ຄົບເວລາ 90 ນາທີ ຫລວງພະບາງ ມີໄຊ ນັດແຮກ ເກັບ 3 ແຕ້ມຂຶ້ນນຳກຸ່ມ ຮ່ວມກັບ ຜົ້ງສາລີ ທີ່ເອົາ ຊະນະ ຫລວງນ້ຳທາມາເຊັນກັນ 3 ປະຕູຕໍ່ 0

ໂດຍ ອ້ວນດຳ ລາຍງານຈາກແຂວງ ຫລວງພະບາງ

ຂ່າວທົ່ວໄປ ກິລາຕ່າງປະເທດ, ກິລາພາຍໃນ, ຂ່າວສສກ, ຮູບພາບ, ເບີ່ງຂ່າວທັງໝົດ | Comments Off

Comments are closed.