ແຂວງຜົ້ງສາລີ ກຽມຄັດເລືອກ ນັກກິລາ ເຂົ້າຮ່ວມ

ພະແນກສຶກສາທິການແຂວງຜົ້ງສາລີກຽມຄັດເລືອກ ນັກກິລາທີ່ເປັນນັກຮຽນເຂົ້າຮ່ວມການ ແຂ່ງຂັນ ກິລານັກຮຽ ນມັດທະຍົມສຶກສາທົ່ວປະເທດ ຄັ້ງທີ 4 ທີ່ແຂວງສະຫວັນນະເຂດ ເປັນ ເຈົ້າພາບ ໃນວັນທີ 1-9 ເມສາທີ່ຈະມາເຖີງນີ້ ເຊິ່ງການ ກະກຽມ ນັກກິລາເຂົ້າຮ່ວມຄັ້ງນີ້ ແມ່ນທາງແຂວງຜົ້ງສາລີ ບໍ່ສາມາດສົ່ງນັກກິລາ ເຂົ້າຮ່ວມ ໄດ້ຢ່າງເຕັມທີ່ ເພາະຍັງປະສົບກັບ ປັນຫາງົບປະມານໃນການເຂົ້າຮ່ວມການແຂ່ງຂັນຄັ້ງນີ້ ຈາກການໃຫ້ສຳພາດ ຂອງທ່ານສົມຈິດ ຈູມມະລີ  ວິຊາການຂະແຫນງພະລະ-ສີລະປະ ແຂວງ ຜົ້ງສາລີ ໄດ້ບອກກັບທີມຂ່າວ ພວກເຮົາ ໃນຕອນເຊົ້າວານນີ້ ( 20 ມັງກອນ ) ໃຫ້ຊາບກັນວ່າປັດຈຸບັນນີ້ ທາງພະແນກ ສຶກສາ ທິການ ແຂວງຜົ້ງສາລີພວກເຮົາກຳລັງ ກະກຽມການ ຄັດເລືອກນັກກິລາ ຢູ່ຕາມ ໂຮງຮຽນແລະຢູ່ຕາມເມືອງຕ່າງໆທີ່ຢູ່ພາຍໃນແຂວງຜົ້ງສາລີນີ້ ເພື່ອໃຫ້ ພ້ອມໃນການ ໄປເຂົ້າຮ່ວມການແຂ່ງຂັນກິລານັກຮຽນທົ່ວປະເທດ ຄັ້ງທີ 4 ຢູ່ທີ່ແຂວງສະຫວັນນະເຂດ ເປັນເຈົ້າພາບໃນເດືອນເມສາທີ່ຈະມາເຖີງນີ້ ໂດຍໃນການ ຄັດເລືອກຄັ້ງນີ້ ທາງ ພວກເຮົາ ຈະພະຍາຍາມຄັດເລືອກໃຫ້ໄດ້ໄວ້ທີ່ສຸດ ເພື່ອເຂົ້າໄປນອນ ສູນຝຶກຊ້ອມ ກັນພາຍໃນເດືອນມີນານີ້ ສ່ວນປະເພດກິລາທີ່ທາງ ພວກເຮົາຈະສົ່ງ ເຂົ້າຮ່ວມນັ້ນ ແມ່ນມີ 4 ປະເພດກິລາຄື: ຫນ້າເກັກ, ຫມາກຂ່າງ ,ເປຕັງແລະແລ່ນ-ລານໂດຍທີ່ ເບື້ອງຕົ້ນນັ້ນ ທາງພະແນກພວກເຮົາແມ່ນ ຂຶ້ນແຜນໄວ້ວ່າ ຈະສົ່ງປະເພດ ກິລາ ເຂົ້າຮ່ວມ 9 ປະເພດແຕ່ວ່າທາງຂັ້ນເທີງ ແມ່ນບໍ່ສາມາດ ອານຸມັດງົບປະມານໃຫ້ໄດ້ ທາງພະແນກສຶກສາພວກເຮົາກໍເລີຍຈຳເປັນຕ້ອງຕັດປະເພດກິລາອອກ ເພື່ອໃຫ້ມັນ ເຫມາະສົມກັບງົບປະມານທີ່ທາງຂັ້ນເທີງອານຸມັດໃຫ້ ສຳລັບງົບປະມານ ທີ່ຂຶ້ນແຜນ ໄປຄັ້ງນີ້ ແມ່ນປະມານ 100 ປາຍກ່ວາລ້ານກີບໂດຍ ທີ່ທາງພວກເຮົາຈະມີການ ຄັດເລືອກເອົານັກກິລາມາໄວ້ພຽງ 20 ຄົນເທົ່ານັ້ນ ສະເພາະ 3 ປະເພດກິລານີ້ ເຊິ່ງລວມທັງຫມົດຈຳນວນ ຜູ້ທີ່ຈະໄປຮ່ວມການແຂ່ງຂັນ ກິລານັກຮຽນຄັ້ງນີ້ ແມ່ນມີ 35 ຄົນ ດັ່ງນັ້ນ ການໄປໃນຄັ້ງນີ້ ທາງພວກເຮົາແມ່ນໄດ້ ຕັ້ງເປົ້າແລະຝາກຄວາມຫວັງ ເອົາໄວ້ ພຽງ 2 ປະເພດກິລາເທົ່ານັ້ນ ຄື: ຫມາກຂ່າງແລະຫນ້າເກັກ ໂດຍທີ່ຈະໃຫ້ໄດ້ ຫລຽນເງີນ ກໍພໍແຕ່ຖ້າເປັນໄປໄດ້ ກໍຢາກໄດ້ຮອດເຖີງຫລຽນຄຳ ແຕ່ມັນກໍຄົງຈະຂຶ້ນກັບ ຄວາມສາມາດ ຂອງນັກກິລາເຮົາ ແລະດວງຂອງໃຜດວງມັນເນາະ ”.

ຊ້າງນ້ອຍ

ຂ່າວທົ່ວໄປ ກິລາພາຍໃນ | Comments Off

Comments are closed.