ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ຕາມການໃຫ້ສຳພາດຂອງ ນາງ ຄູນ ສຸກສະຫວັດ ຕາງໜ້ານັກກິລາເປຕັງປະເພດທີມຊຸດຍິງ ທີມຊາດລາວ ໃນຕອນເຊົ້າວານນີ້ (9 ສິງຫາ) ໃຫ້ຮູ້ວ່າ: ກ່ອນຈະເຂົ້າແຂ່ງຂັນກິລາເປຕັງ ງານມະຫະກໍາກິລາຊີເກມ ຄັ້ງທີ 29 ທີ່ປະເທດມາເລເຊຍ ເປັນເຈົ້າພາບ ພວກນ້ອງທັງ 4 ຄົນ ໄດ້ມີການເກັບຕົວເຝິກຊ້ອມ 3 ເດືອນປາຍ ເລີ່ມຕັ້ງແຕ່ຕົ້ນເດືອນພຶດສະພາ ຜ່ານມາ ໂດຍແມ່ນຄູເຝິກໄດ້ເນັ້ນການເຝິກຊ້ອມຢ່າງເປັນລະບົບ, ຊ້ອມເທັກນິກທັກສະຍຸດທະວີທີຕ່າງໆ ແລະ ແລ່ນເອົາພະລະກຳລັງໃນແຕ່ລະວັນເຖິງ 3 ພາກ ຄື: ພາກເຊົ້າ, ບ່າຍ ແລະ ແລງ ຈົນມາເຖິງປັດຈຸບັນ ເຫັນວ່າພວກນ້ອງມີຄວາມເຂົ້າໃຈກັນຢ່າງເລິກເຊິ່ງ, ມີແບບແຜນໃນການລົງແຂ່ງຂັນຢ່າງລະອຽດ ແລະ ມີການພັດທະນາດີຂຶ້ນກວ່າເກົ່າ ສາມາດເວົ້າໄດ້ວ່າໃນເວລານີ້ ພວກນ້ອງພ້ອມຢ່າງເຕັມຮ້ອຍເປີເຊັນທີ່ຈະລົງສະໜາມແຂ່ງຂັນຕົວຈິງ. ເຖິງຢ່າງໃດກໍ່ດີ, ໃນການກະກຽມເຂົ້າຮ່ວມແຂ່ງຂັນກິລາຊີເກມ ຄັ້ງນີ້ ພວກນ້ອງ 4 ຄົນ ໄດ້ຖືກມອບໝາຍໃຫ້ລົງແຂ່ງຂັນປະເພດທີມຊຸດຍິງ ພຽງລາຍການດຽວ ຈາກການຊີງໄຊກັນທັງໝົດ 7 ຫຼຽນຄຳ. ສະນັ້ນ, ເພື່ອຮັບປະກັນຄວາມໄວ້ເນື້ອເຊື່ອໃຈຈາກຄະນະນຳກິລາສະຫະພັນເປຕັງແຫ່ງຊາດ ມອບໝາຍພັນທະໃຫ້ຂໍໃຫ້ຄຳໝັ້ນສັນຍາຈະພ້ອມກັນສ້າງຄວາມສາມັກຄີຮັກແພງເປັນຈິດໜຶ່ງໃຈດຽວ ເດັດດ່ຽວສູ້ຊົນຍາດເອົາຫຼຽນຄຳ ໃຫ້ທັບນັກກິລາລາວ ໃນການເຂົ້າຮ່ວມງານດັ່ງກ່າວ.

      ງານມະຫະກໍາກິລາຊີເກມ ທີ່ປະເທດມາເລເຊຍ ຄັ້ງນີ້ ທັບນັກກິລາເປຕັງທີມຊາດລາວ ໄດ້ສົ່ງເຂົ້າຮ່ວມແຂ່ງຂັນທັງໝົດ 16 ຄົນ, ຍິງ 8 ຄົນ ລົງແຂ່ງຂັນຄົບ 7 ລາຍການ ປະກອບມີ ປະເພດດ່ຽວຍິງ-ຊາຍ, ທີມຄູ່ຍິງ-ຊາຍ, ທີມຊຸດຍິງ-ຊາຍ ແລະ ທີມຄູ່ປະສົມ, ໃນນັ້ນ ສະເພາະທີມຊຸດຍິງທີມຊາດລາວ ປະກອບມີ ນາງ ຄູນຄຳ ສຸກສະຫວັດ, ນາງ ມີ່ມີ່ ວົງສະຫວັດ ແລະ ນາງ ຈັນສະໝອນ ວົງສະຫວັດ. ສ່ວນ ນາງ ຈິນດາວອນ ສີສະຫວັດ ແມ່ນເປັນນັກກິລາຕົວສຳຮອງ.

ໂດຍ ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png