ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

​ອີງ​ຕາມ​ຂໍ້​ມູນ​ຈາກ​ເວັບ​ໄຊ໊​ສະ​ໂມ​ສອນ ອັສສຳ​ຊັນ ທົນບູຣີ ຢູ​ໄນ​ເຕັດ ທີ​ມ​ໃນ​ການ​ແຂ່ງຂັນ​ເຕະບານ ດີ​ວິ​​ຊັນ 4 ຂອງ​ປະ​ເທດ​ໄທ ລະບຸ​ວ່າ: ​ເມື່ອ​ວັນ​ທີ 9 ສິງຫາ ຜ່ານ​ມາ ທີ່​ສະໜາມກິລາວິທະຍາ​ໄລອັສສຳ​ຊັນ ​​ທົນ​ບູລີ ປະ​ເທດ​ໄທ ​ໄດ້​ມີ​ການ​ແຂ່ງຂັນ​ເຕະບານອຸ່ນ​ເຄື່ອງ ລະຫວ່າງ ທີ​ມຊາດ​ລາວ ຊຸດກະກຽມ​ເຂົ້າ​ຮ່ວມງານ​ມະຫະ​ກຳ​ກິລາ​ຊີ​ເກ​ມ ຄັ້ງ​ທີ 29 ທີ່​ປະ​ເທດ​ມາ​ເລ​ເຊຍ ​ເປັນ​ເຈົ້າພາບ ພົບ​ກັບ ສະ​ໂມ​ສອນ ອັສສຳ​ຊັນ ທົນບູຣີ ຢູ​ໄນ​ເຕັດ ທີ​ມ​ໃນ​ການ​ແຂ່ງຂັນ​ເຕະບານ ດີ​ວິ​ຊັນ 4 ຂອງ​ປະ​ເທດ​ໄທ. ຜ່ານ​ການ​ແຂ່ງຂັນ ຜົນ​ປາກົດ​ວ່າ ລາວ​ເຮົາ ​ເສຍ​ໃຫ້ ​ເ​ຈົ້າບ້ານ ອັສສຳ​ຊັນ ຢູ​ໄນ​ເຕັດ ​ໄປ​ແບບ​ຫວຸດ​ຫວິດ 0-1 ປະຕູ. ​ເຊິ່ງປະຕູ​ດັ່ງກ່າວ ​ໄດ້​ມາ​ຈາກ ທະ​ນັດ​ພອນ​ສຸກ ມະລິ​ຊ້ອນ ​ໃນ​ນາທີ 77.

ສຳລັບທີມຊາດລາວຊຸດນີ້ ນຳພາໂດຍ ທ່ານ ປອ.ໄຊບັນດິດ ຣາຊະພົນ ຫົວໜ້າຄະນະ, ທ່ານ ຈັນທະວົງ ສິລິມະໂນທຳ ຜູ້ບໍລິຫານທີມ, ທ່ານ ໄມ ວອງ ຫົວໜ້າຄູເຝິກຊາວສິງກະໂປ, ທ່ານ ໂອເລ້ ບູສະອາດ ຜູ້ຊ່ວຍຄູເຝິກ, ທ່ານ ພຸດປະສົງ ແສງດາລາວົງ ຄູເຝິກປະຕູ ແລະ ທ່ານ ແສງອາລຸນ ກຽດສະຫວັນ ກາຍະພາບບໍາບັດປະຈຳທີມ. ສ່ວນນັກກິລາ ປະກອບມີ ຜູ້ຮັກສາປະຕູ: ສາຍມະໂນລິນ ປະເສີດ ຈາກລາວໂຕໂຢຕ້າ ແລະ ວິໄລພອນ ໄຊຍະລາດ ຈາກ ມຊ ເອັຟຊີ; ກອງຫຼັງ:ຄໍາພັນ ສົນທະນາໄລ, ປີຍະພົງ ປະຖໍາມະວົງ, ບຸນທະວີ ສີປະສົງ, ສອນສະຫວັນ ວັນນະໄຊ ຈາກລາວ ໂຕໂຢຕ້າ, ອານຸວັດ ພະພັກດີ ຈາກດີເຄ ເອັຟຊີ, ທິນນະກອນ ສຸລິຍະມາດ ແລະ ສັນຕິ ຊົມພູເພັດ ຈາກ ມຊ ເອັຟຊີ; ກອງ ກາງ: ລັດທະໄຊ ລຸນລາສີ, ພິທັກ ກອງມາທິລາດ, ທານິນ ພັນທະວົງ ຈາກລາວ ໂຕໂຢຕ້າ, ອາມີໄຊ ເກດຕະວົງ ຈາກ ມຊ ເອັຟຊີ, ພຸດທະໄຊ ໂຄຈະເລີນ ຈາກ ທິບ ສະຫວັນ, ພັດທະນາ ພົມມະເທບ ຈາກສະໂມສອນກາລະສິນ (ໄທ), ຄິດສາຄອນ ຈໍາປາທອງ ຈາກ ປກສ, ສີນວນ ຊາມຸນຕີ ຈາກ ປກສ ແລະ ຄໍາປະເສີດ ສີໂພວົງ ຈາກ ດີເຄ; ກອງໜ້າ: ສຸກຈິນດາ ນັດຜາສຸກ ປກສ ແລະ ສົມຈິດ ສີບຸນເຮືອງ ໄອດີຊີ ຈໍາປາສັກ ຢູໄນເຕັດ.

ຂະນະທີ່ ທັບນັກເຕະ ຢູ-23 ລາວ ແມ່ນໄດ້ອອກເດີນທາງໄປເກັບຕົວເຝິກຊ້ອມຢູ່ທີ່ ນະຄອນຫຼວງບາງກອກ ປະເທດໄທ ໃນວັນທີ 7 ສິງຫາ 2017 ໂດຍຈະມີການແຂ່ງຂັນທົດສອບທີມ 2 ນັດ. ຫຼັງຈາກນັ້ນ, ກໍ່ຈະເຂົ້າຮ່ວມ ກົວລາລຳເປີ ເກມ 2017 ໃນວັນທີ 12 ສິງຫາ 2017, ໃນນັ້ນ ມີ 11 ປະເທດ ເຂົ້າຮ່ວມ ແລະ ແບ່ງອອກເປັນ 2 ກຸ່ມ ແຕ່ລະກຸ່ມແຂ່ງຂັນພົບກັນໝົດຄັດເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ, ເຊິ່ງກຸ່ມ A ມີ ເຈົ້າພາບ ມາເລເຊຍ, ມຽນມາ, ສິງກະໂປ, ສປປ ລາວ ແລະ ບຣູໄນ. ສ່ວນກຸ່ມ B ໄທ, ຫວຽດນາມ, ອິນໂດເນເຊຍ, ກໍາປູເຈຍ, ຕີມໍ ເລສເຕ ແລະ ຟີລິບປິນ.

ສ່ວນໂປຣແກຣມການແຂ່ງຂັນຂອງທັບນັກເຕະທີມຊາດລາວ ນັດປະເດີມສະໜາມ ລາວ ພົບ ມຽນມາ ໃນວັນທີ 16 ສິງຫາ 2017 ເວລາ 20:45 ໂມງທີ່ສະໜາມ UITM STADIUM, ນັດທີ 2 ລາວ ພົບ ສິງກະໂປ ໃນວັນທີ 18 ສິງຫາ 2017 ເວລາ 16:00 ໂມງທີ່ສະໜາມ UM ARENA STADIUM, ນັດທີ 3 ລາວ ພົບ ບຣູໄນ ໃນວັນທີ 21 ສິງຫາ 2017 ເວລາ 16:00 ໂມງ ທີ່ສະໜາມ UM ARENA STADIUM, ນັດທີ 4 ລາວ ພົບ ມາເລເຊຍ ໃນວັນທີ 23 ສິງຫາ 2017 ເວລາ 20:45 ໂມງທີ່ສະໜາມ SHAH ALAM STADIUM.

ຊ້າງ​ນ້ອຍ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png