ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

          ອີງ​ຕາມການ​ໃຫ້​ສຳພາດ​ຂອງ​ທ່ານ ປີຊາ ວົງ​ເດືອນ​ເພັງ ​ຄູ​ເຝິກ​ກິລາຣັກບີ້ຍິງທີມຊາດລາວ ຊຸດ​ຊີ​ເກ​ມ ຄັ້ງ​ທີ 29 ​ໃນ​ວັນ​ທີ 9 ສິງຫາ ຜ່ານ​ມາ ​ໃຫ້​ຊາບ​ວ່າ : ປັດຈຸບັນ​ພວກ​ເຮົາ​ແມ່ນ​ມີ​ຄວາມ​ພ້ອມແລ້ວຮອບດ້ານ ບໍ່ວ່າຈະເປັນທາງດ້ານຮ່າງກາຍ, ຈິດໃຈ, ພະລະກຳລັງ ແລະ ຍຸດທະວິທີການແຂ່ງຂັນ ກ່ອນເດີນທາງ​​ເຂົ້າ​ຮ່ວມ​ແຂ່ງຂັນກິລາຣັກບີ້ ປະເພດທີມຍິງ​ ໃນງານ​ມະຫະ​ກຳ​ກິລາ​ຊີ​ເກ​ມ ຄັ້ງ​ທີ 29 ທີ່​ປະ​ເທດ​ມາ​ເລ​ເຊຍ ​ເປັນ​ເຈົ້າພາບ ລະຫວ່າງ​ວັນ​ທີ 19-31 ສິງຫານີ້. ພ້ອມ​ຫວັງ​ສ້າງ​ຜົນງານໃຫ້​ກັບ​ວົງ​ການຣັກບີ້​ລາວ ດ້ວຍການ​ຄວ້າ​ຫຼຽນ​ໃດ​ຫຼຽນ​ໜຶ່ງ​ຕິດ​ມື​ກັບ​ມາສູ່ ສປປ ລາວ ​ໃຫ້​ໄດ້ ​ແລະ ຂໍ​ຝາກ​​ເຖິງ​ປະຊາຊົນ​ລາວ​ທຸກ​ຄົນ ຊ່ວຍຕິດຕາມ ​ແລະ ສົ່ງ​ກຳລັງ​ໃຈ​ໃຫ້​ ​ເພື່ອ​ເປັນ​ແຮງ​ບັນ​ດານ​ໃຈ​ ​ໃຫ້​ກັບ​ທີມຣັກບີ້​ລາວ​ເຮົາ ໃນການ​ເຂົ້າ​ຮ່ວມ​ແຂ່ງຂັນ​ຄັ້ງ​ນີ້.

          ທ່ານ​ຍັງ​ໄດ້​ກ່າວ​ຕື່ມ​ອີກ​ວ່າ: ການ​ແຂ່ງຂັນຣັກບີ້ ຊີ​ເກ​ມ ຄັ້ງ​ນີ້ ​ແມ່ນ​ຈະ​ມີ​ການຖ່າຍ​ທອດ​ສົດ​ທຸດນັດ ​ເຊິ່ງສາມາດ​ຕິດຕາມ​ໄດ້​ທີ່​ເຟສບຸກຂອງ​ສະຫະພັນ​ກິລາຣັກບີ້​ແຫ່ງ​ຊາດ​ລາວ (Lao Rugby Federation).

          ສຳລັບ ລາຍ​ຊື່​ຄະນະ​ຄູ​ເຝິກ ​ແລະ ນັກ​ກິລາ ຣັກບີ້​ສາວ​ລາວ ​ໃນ​ການ​ເຂົ້າ​ຮ່ວມ​ຄັ້ງ​ນີ້ ປະກອບ​ມີ ທ່ານ ປີຊາ ວົງເດືອນເພັງ ຄູ​ເຝິກ​ໃຫຍ່​, ທ່ານ ສະ​ເຕ​ເວັນ ບອສ​ເຊ ຜູ້​ຊ່ວຍ​ຄູ​ເຝິກຊາວ​ສະຫະລັດ​ອາ​ເມຣິກາ​ ແລະ ທ່ານ ວັນນະໄຊ ສົມສຸທິ ຜູ້ຈັດການທີ​ມ. ສ່ວນ​ລາຍ​ຊື່​ນັກ​ກິລາ ປະກອບ​ມີ ສຸດສະດາ ສີລິພົງພັນ, ວຽງສະໄໝ ສຸກສະຫວັນ, ບຸດສະດີ ວົງດາລາ, ທິບພະຈັນ ແກ້ວມະນີໄຊ, ມີນາ ພາໄຊສິດທິເດດ, ລາວ ຄາງ, ເຊັງ ຄາງ, ນິດໜ່ອຍ ພົມມະຈິດ, ມຸກດາວັນ ວົງພະຈັນ, ວື່ ຄາງ, ໄມຊີເລົາ ເບຼຍຍາວ, ບຸນປະສົງ ເກດຫົງສາ.

          ຂະນະ​ທີ່ ທັບ​ນັກ​ກິລາ​ຣັກບີ້​ສາວ​ລາວ ຈະ​ອອກ​ເດີນທາງ​ໄປ​ຮ່ວມ​​ແຂ່ງຂັນ​ຊີ​ເກ​ມ ​ໃນ​ວັນ​ທີ 17 ສິງຫາ 2017 ​ແລະ ​ເລີ່​ມ​ແຂ່ງຂັນ​ກັນ ​ໃນ​ວັນ​ທີ 19-20 ສິງຫາ 2017.

ຊ້າງ​ນ້ອຍ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png