ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ເມື່ອຕອນເຊົ້າວັນທີ 14 ສິງຫາ ຜ່ານມາທີ່ສະໜາມບິນສາກົນວັດໄຕ ນະຄອນຫຼວງວຽງຈັນ, ທັບນັກເຕະເຍົາວະຊົນ ສະໂມສອນ ດີເຄ ເອັຟຊີ ຮຸ່ນອາຍຸບໍ່ເກີນ 12 ປີ ນຳໂດຍທ່ານ ອາລ໋ອບ ມະນີບົດ ຜູ້ຈັດການທີມ ພ້ອມດ້ວຍຄະນະ ແລະ ນັກກິລາ ຈຳນວນ 19 ຄົນ ​ໄດ້ເດີນທາງກັບມາຮອດບ້ານເກີດ ນະຄອນຫຼວງວຽງຈັນສປປລາວແລ້ວເປັນທີ່ຮຽບຮ້ອຍແລ້ວ, ເຊິ່ງໄດ້ຮັບການຕ້ອນຮັບຢ່າງສົມກຽດ ແລະ ອົບອຸ່ນຈາກແຟນບານຊາວລາວ ກໍ່ຄືບັນດາການນຳ, ພໍ່-ແມ່ຜູ້ປົກຄອງນັກກິລາຫຼັງ​ສ້າງ​ຜົນງານໄດ້ຢ່າງໂດດເດັ່ນ ດ້ວຍການຄວ້າ​ອັນ​ດັບ 3 ໃນການແຂ່ງຂັນເຕະບານ ລາຍການ ຊູນ ຊີງ ລິງ ຄັບ 2017 ທີ່ສປ ຈີນ ​ເປັນ​ເຈົ້າ​ພາບ ລະຫວ່າງວັນທີ 6-13 ສິງຫາ ຜ່ານມາ.

      ສຳລັບຜົນງານ​ຂອງ ດີ​ເຄ ​ເອັຟຊີ ​ໃນການ​ແຂ່ງຂັນ​ຄັ້ງ​ນີ້ ປະກອບ​ມີ ໃນວັນທີ 7 ສິງຫາ 2017​ເສຍ​ໃຫ້ ​ເຈົ້າ​ພາບສປ ຈີນ 0-5 ປະຕູ, ຊະນະ ຫວຽດນາມ 3-1 ປະຕູ ​ແລະ ​ໃນ​ວັນ​ທີ 8 ສິງຫາ 2017 ​ຊະນະ ຟີລິບປິນ 4-1 ປະຕູ ​ແລະ ນັດ​ສຸດ​ທ້າຍ​ຂອງ​ຮອບ​ແບ່ງ​ກຸ່ມ ສະ​ເໝີ ມາເລເຊຍ 0-0 ປະຕູ. ສ່ວນໃນຮອບ​ 4 ທີ​ມສຸດ​ທ້າຍ ​ແມ່ນ​ເສຍ ​ໄທ 0-1 ປະຕູ ​ໃນ​ວັນ​ທີ 10 ສິງຫາ 2017 ​ແລະ ​ໃນ​ວັນ​ທີ 11 ສິງຫາ 2017 ຊະນະຈຸດ​ໂທດ ມຽນມາ 5-4 ປະຕູ ຫຼັງ​ສະ​ເໝີ​ກັນ 1-1 ປະຕູ.

      ການແຂ່ງຂັນເຕະບານ ລາຍການ ຊູນ ຊີງ ລິງ ຄັບ 2017 (SOONG CHING LING CUP 2017) ທີ່ສປ ຈີນ ​ເປັນ​ເຈົ້າພາບ ​ມີທັງ​ໝົດ 8 ປະເທດ ​ໃນອາຊຽນເຂົ້າຮ່ວມ ແລະ 2 ທີມ ຈາກສປ ຈີນ ​ແບ່ງ​ອອກ​ເປັນ 2 ກຸ່ມ ປະກອບ​ມີ ກຸ່ມ A ມີ ສປ ຈີນ ທີມ A (ເຈົ້າພາບ), ຟີລິບປິນ , ມາເລເຊຍ, ຫວຽດນາມ ແລະ ລາວ; ກຸ່ມ B ມີ ສປ ຈີນ ທີມ B (ເຈົ້າພາບ), ອິນໂດເນເຊຍ, ກຳປູເຈຍ, ມຽນມາ ແລະ ໄທ.

ຊ້າງນ້ອຍ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png