ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ໃນວັນທີ 11 ສິງຫາ ຜ່ານມາ ທີ່ສໍານັກກະຊວງສຶກສາທິການ ແລະ ກິລາ, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການເຂົ້າຢ້ຽມຄໍານັບຂອງ ທ່ານ ໂມດ ອໍນິ ແອັດທັນ ເອກອັກຄະລັດຖະທູດມາເລເຊຍ ປະຈໍາ ສປປ ລາວ ພ້ອມດ້ວຍຄະນະ, ມີຫົວໜ້າ-ຮອງຫົວໜ້າຫ້ອງການ, ກົມ ແລະ ພາກສ່ວນທີ່ກ່ຽວຂ້ອງທັງ 2 ຝ່າຍເຂົ້າຮ່ວມຢ່າງພ້ອມພຽງ.

ການເຂົ້າພົບປະໃນຄັ້ງນີ້, ແມ່ນເພື່ອປຶກສາຫາລືກ່ຽວກັບແຜນການເຂົ້າຮ່ວມງານມະຫະກຳກິລາ ຊີເກມ ຄັ້ງທີ 29 ລະຫວ່າງວັນທີ 19-31 ສິງຫາ 2017 ແລະ ການເຂົ້າຮ່ວມງານມະຫະກຳກິລາຄົນພິການອາຊຽນ ຫຼື ອາຊຽນພາຣາ ເກມ ລະຫວ່າງວັນທີ 17-23 ກັນຍາ 2017 ຂອງທ່ານລັດຖະມົນຕີກະຊວງສຶກສາທິການ ແລະ ກິລາ ພ້ອມທັງແຜນການຢ້ຽມຢາມມະຫາວິທະຍາໄລ ນ໊ອດຕິງແຮມ ຂອງອັງກິດ ທີ່ເປີດສາຂາຢູ່ທີ່ປະເທດມາເລເຊຍ ເພື່ອເປັນການແລກປ່ຽນກ່ຽວກັບວຽກງານໃນຂະແໜງການສຶກສາຂອງທັງ 2 ປະເທດ ກ່ຽວກັບແຜນການເປີດການຮຽນ-ການສອນພາສາອັງກິດ ໃນສປປ ລາວ ເພື່ອເປັນການກຽມຄວາມພ້ອມກ່ອນເຂົ້າໄປຮຽນຕໍ່ທີ່ມະຫາວິທະຍາໄລ ນ໊ອດຕິງແຮມ ທີ່ປະເທດອັງກິດ ພ້ອມທັງມີແຜນການທີ່ຈະເປີດສາຂາຢູ່ ສປປ ລາວ.

ສຳລັບການເຂົ້າຮ່ວມງານກິລາຊີເກມ ຄັ້ງທີ 29 ທີ່ປະເທດມາເລເຊຍ, ສປປ ລາວເຮົາ ຈະສົ່ງຄະນະນຳ, ຄູເຝິກ ແລະ ນັກກິລາ ທັງໝົດ 350 ຄົນ, ໃນນັ້ນສະເພາະນັກກິລາລາວ ມີ 221 ຄົນ ຈາກ 22 ປະເພດກິລາຄື:ປັນຈັກສີລັດ, ປິ່ງປ່ອງ, ວູຊູ, ມວຍສາກົນ, ມວຍລາວ, ຍິງທະນູ, ​ເປຕັງ, ກະຕໍ້-ຊິນລອນ, ​ເທຄວັນໂດ, ​ແລ່ນ-ລານ, ​ເທັນນິສ, ​ເຕະບານຊາຍ, ລອຍນໍ້າ, ຣັກບີ້, ກາຣາເຕໂດ, ຢູໂດ, ບິນລຽດ-ສະນຸກເກີ, ຍິງປືນ, ດອກປີກໄກ່, ບານບ້ວງ, ລົດຖີບແລະກ໊ອຟ. ພ້ອມຕັ້ງເປົ້າໝາຍຈະສູ້ຊົນໃຫ້ໄດ້ຢ່າງໜ້ອຍ 3-5 ຫຼຽນຄຳ ເພື່ອໃຫ້ໄດ້ອັນດັບທີ 8 ຈາກ 11 ປະເທດເຂົ້າຮ່ວມ.

(ສາວສະຫວັນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png