ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ພິທີຈັດສົ່ງນັກກິລາກ໊ອຟທີມຊາດລາວ ເພື່ອເຂົ້າຮ່ວມງານມະຫະກໍາກິລາຊີເກມ ຄັ້ງທີ 29 ຫຼື ກົວລາລໍາເປີ ເກມ ທີ່ປະເທດມາເລເຊຍ ຄັ້ງນີ້ ໄດ້ຈັດຂຶ້ນນ ເມື່ອວັນທີ 10 ສິງຫາ ຜ່ານມາ ທີ່ສະ ໜາມບິນສາກົນວັດໄຕ ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມ ແລະ ອວຍພອນໄຊໃຫ້ຄະນະນຳ, ຄູເຝິກ ແລະ ນັກກິລາ ອອກເດີນທາງດ້ວຍຄວາມປອດໄພສະຫວັດດີພາບຂອງ ທ່ານ ສູນທອນ ສິຣິສັກ ປະທານສະຫາພັນກ໊ອຟແຫ່ງຊາດລາວ ພ້ອມຄະນະ, ນັກສຶກສາຈາກມະຫາວິທະຍາໄລແຫ່ງຊາດ ຕະຫຼອດຮອດພໍ່-ແມ່ປະຊາຊົນຊາວລາວ ກໍ່ຄື ຊາວນະຄອນຫຼວງວຽງຈັນ.

ໂອກາດນີ້, ທ່ານ ສູນທອນ ສິຣິສັກ ກໍ່ໄດ້ເນັ້ນໜັກໃຫ້ຄະນະນໍາພາ ແລະ ຄູເຝິກ ພ້ອມກັນເພີ່ມທະວີຄວາມເອົາໃຈໃສ່ສູງ ໃຫ້ຄວາມໃກ້ສິດຕິດແທດ ແລະ ຕິດຕາມການເຝິກຊ້ອມຂອງນັກກິລາ ພ້ອມທັງສ້າງທຸກເງື່ອນໄຂໃນການເຝິກຊ້ອມໃຫ້ມີຄຸນະພາບ ແລະ ປະສິດທິຜົນ ໃນລະດັບອັນແນ່ນອນເພື່ອກຽມຄວາມພ້ອມໃນການລົງສະໜາມແຂ່ງຂັນຕົວຈິງ ເພື່ອສູ້ຊົນຍາດເອົາຜົນງານປະຫວັດສາດໃຫ້ທັບນັກກິລາ ກໍ່ຄື ສ້າງກຽດຊື່ສຽງມາສູ່ປະເທດຊາດ. ຫຼັງຈາກນັ້ນ, ທ່ານປະທານສະຫະພັນກິລາກ໊ອຟແຫ່ງຊາດ ກໍ່ຍັງໄດ້ປຸກລະດົມທັບນັກກິລາກ໊ອຟທີມຊາດລາວ ເຊີດຊູນໍ້າໃຈຮັກຊາດ, ມີຄວາມຫ້າວຫັນ, ກະຕືລືລົ້ນເປັນເຈົ້າການໃຫ້ສູງ, ມີຄຸນສົມບັດຮັກສາຄວາມສາມັກຄີພາຍໃນຢ່າງເຂັ້ມແຂງປະຕິບັດລະບຽບວິໄນຢ່າງເຂັ້ມງວດ, ແຂ່ງຂັນດ້ວຍພິກໄຫວ ແລະ ໃຊ້ຄວາມສາມາດທີ່ມີຢ່າງສຸດຂີດເອົາໃຈໃສ່ສ້າງສາຍພົວພັນອັນດີ ແລະ ແລກປ່ຽນວັດທະນະທຳກັບນັກກິລາຂອງທຸກປະເທດ ພ້ອມກັນເຜີຍແຜ່ວັດທະນະທໍາຂອງຊາດ. ນອກຈາກນັ້ນ, ຕ້ອງປຶກສາຫາລືສ້າງຄວາມເປັນເອກະພາບພາຍໃນເຊື່ອໝັ້ນຕົນເອງເພື່ອໃຫ້ກາຍເປັນພະລັງທີ່ແຂງແກ່ນເພື່ອກ້າວໄປສູ່ຜົນສໍາເລັດຕາມຄາດໝາຍ ທີ່ວາງໄວ້,

ພ້ອມນັ້ນ, ທ່ານ ສູນທອນ ສິຣິສັກ ກໍ່ຍັງໄດ້ສະແດງຄວາມຂອບໃຈ ແລະ ຮູ້ບຸນຄຸນຢ່າງສູງມາຍັງ ທ່ານ ສອນເພັດ ເມືອງວົງ ພ້ອມດ້ວຍພັນຍາ ແລະ ຄອບຄົວ ໃນນາມເຈົ້າຂອງບໍລິສັດ ແສງເພັດ ກໍ່ສ້າງ ໄຟຟ້າ ຂົວທາງ ແລະ ເກັບກູ້ລະເບີດ ທີ່ໃຫ້ການສະໜັບສະໜູນເງິນມູນຄ່າ 1 ຕື້ກວ່າກີບ ເພື່ອຊຸກຍູ້ໃຫ້ຄວາມສະດວກໃນການເຝິກຊ້ອມໃຫ້ທັບນັກກິລານັກກິລາກ໊ອຟທີມຊາດລາວ ແລະ ຄູເຝິກໃນໄລຍະເກັບຕົວຢູ່ຕ່າງປະເທດ ທີ່ຜ່ານມາ ຈົນມາຮອດປັດຈຸບັນເຂົ້າຮ່ວມແຂ່ງຂັນຕົວຈິງ.

ການແຂ່ງຂັນກິລາກ໊ອຟ ກົວລາລຳເປີ ເກມ ຈະເລີມແຂ່ງຂັນລະຫວ່າງວັນທີ 22-26 ສິງຫານີ້ ຄາດວ່າຈະມີ 11 ປະເທດ ໃນຂົງເຂດອາຊຽນ ເຂົ້າຮ່ວມແຂ່ງຂັນ ໃນນັ້ນ ມີການຊີງໄຊກັນທັງໝົດ 4 ຫຼຽນຄໍາ ປະກອບມີ ປະເພດດ່ຽວຍິງ-ຊາຍ ແລະ ປະເພດທີມຊາຍ-ຍິງ ສະເພາະນັກກິລາກ໊ອຟລາວ ເຂົ້າຮ່ວມຊີງໄຊພຽງ 2 ລາຍການ ຄື ດ່ຽວຊາຍ ແລະ ທີມຊາຍ ໂດຍນັກກິລາປະກອບມີ ທຳມະສັກ ບົວຫອມ, ເພັດນ້ອຍ ສີບຸຜາ, ສີປະເສີດ ພັນແພງດີ ແລະ ຈັນປະສິດ ອຸນາພົນ ທຸກຄົນໄດ້ພັກຢູ່ໂຮງແຮມ ປິແລ ມິນິດ ບິສ ໄລຍະເຂົ້າຮ່ວມແຂ່ງຂັນລະຫວ່າງວັນທີ 20-27 ສິງຫາ 2017 ທີ່ສະ ໜາມກິລາກ໊ອຟ ສະປອດສະແປຊີຟິກ ໃນນະຄອນຫຼວງ ກົວລາລຳເປີ.

ໂດຍ ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png