ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ຕໍ່ກັບບັນດາດັ່ງກ່າວ, ທ້າວ ພຸດທະສອນ ທຳມະວົງ ໃຫ້ສຳພາດວ່າ: ອາການບາດເຈັບຄັ້ງນີ້ ເກີດຈາກການເຂົ້າຮ່ວມແຂ່ງຂັນ ລາຍການ ຊີງແຊ໋ມໂລກ ທີ່ສ ເກົາຫຼີ ຮອບຄັດເລືອກທີ່ເສຍໃຫ້ນັກກິລາຈາກປະເທດໄນຈີເຣຍ ໃນຈັງຫວະຂຶ້ນເຕະແຕ່ລະຄັ້ງ ບໍ່ຮູ້ສຶກເຈັບປວດຫຍັງເລີຍ ຫຼັງແຂ່ງຂັນແລ້ວໄດ້ຍ່າງໄລຍະໜຶ່ງກໍ່ຮູ້ສຶກເຈັບຂຶ້ນມາ ທີ່ເອັນສົ້ນນ່ອງຕີນເບື້ອງຂວາ ແລະ ຕ້ອງໄດ້ໄປປິ່ນປົວຢ່າງຮີບດ່ວນຢູ່ໂຮງໝໍ ໃນປະເທດສ ເກົາຫຼີ. ຜ່ານການກວດ ແລະ ເອັກໂກ້ຂອງໝໍຜົນປາກົດວ່າ ເອັນສົ້ນນ່ອງເບື້ອງຂາຂວາຈີກ ແຕ່ບໍ່ຂາດ ໝໍໄດ້ແຕ່ງຢາໃຫ້ກິນເພື່ອປິ່ນປົວອາກາດບາດເຈັບ ພ້ອມທັງແນະນຳໃຫ້ຢຸດພັກໃນການຫຼິ້ນກິລານີ້ເປັນໄລຍະໜຶ່ງ ຫຼັງກັບມາຮອດບ້ານເກີດ ນະຄອນຫຼວງວຽງຈັນ ກໍ່ໄດ້ສືບຕໍ່ປິ່ນປົວກັບໝໍຜູ້ຊ່ຽວຊານທີ່ລາວ ຕາມຄຳແນະນຳ ເຊິ່ງເຮັດໃຫ້ອາການບາດເຈັບດີຂຶ້ນໃນໄລຍະໜຶ່ງ ແລະ ກໍ່ໄດ້ລົງເຝິກຊ້ອມເບົ່າໆກັບເພື່ອນຮ່ວມທີມຊາດ ແຕ່ປະເມີນຄືນແລ້ວ ອາການຂອງນ້ອງບໍ່ດີຂຶ້ນຕາມທີ່ຄາດຄິດ ເຊິ່ງບັນຫານີ້ ເຮັດໃຫ້ນ້ອງເສຍໃຈ ແລະ ຜິດຫວັງກັບຕົວເອງທີ່ບໍ່ໄດ້ລະມັດລະວັງ. ເຖິງຢ່າງໃດກໍ່ຕາມ, ຕໍ່ໄປຖ້າຫາກວ່າຄະນະນຳ ຍັງໃຫ້ໂອກາດນ້ອງອາດຈະກັບມາຮັບໃຊ້ທີມຊາດອີກຄັ້ງ ນັບຈາກນີ້ໄປກໍ່ຈະພະຍາຍາມໝັ່ນເຝິກຊ້ອມຕົນເອງໃຫ້ດີຂຶ້ນກວ່າເກົ່າ ແລະ ຈະຖ່າຍທອດຄວາມຮູ້ຄວາມສາມາດໃຫ້ນ້ອງນຸ່ງລູກຫຼານທີ່ມັກຮັກ ໂດຍສະເພາະສະໂມສອນເທຄວັນໂດ ກຸນນະວົງ ທີ່ນ້ອງເປັນຜູ້ເຝິກສອນ ສ້າງເຂົາກາຍເປັນຄົນເກັ່ງປັ້ນໃຫ້ຕິດທີມຊາດ.

      ພຸດທະ​ສອນ ທຳ​ມະ​ວົງ ໄດ້ເລີ່ມຕິດທີມຊາດລາວ ​ເຂົ້າ​ຮ່ວມ​ງານ​ມະຫະກຳ​ກິລາ​ຊີ​ເກ​ມ ມາ​ແຕ່​ປີ 2007 ທີ່​ນະຄອນຣາຊະສີມາປະ​ເທດ​ໄທ ​ເປັນ​ເຈົ້າພາບ ຄັ້ງ​ທີ 24 ລົງ​ແຂ່ງຂັນ​ໃນ​ຮຸ່ນ​ນໍ້າໜັກ 54 ກິ​ໂລກຣາມ ພຸດທະ​ສອນ ກໍ່ສາມາດຍາດ​ໄດ້ຫຼຽນ​ທອງ ໃຫ້ທັບນັກກິລາທັນທີ, ຕໍ່​ມາ​ສະຫະພັນກໍ່ໄວ້ເນື້ອເຊື່ອໃຈໃຫ້ໄດ້ຮັບໃຊ້ທີ​ມຊາດ​ອີກ​ຄັ້ງ​ ຮ່ວມຊີເກມ ຄັ້ງທີ 25 ​ປີ 2009 ຫຼື ວຽງ​ຈັນ ເກ​ມ ທີ່ສປປ ລາວ ເປັນເຈົ້າພາບ ລົງ​ຫຼິ້ນ​ໃນ​ຮຸ່ນນໍ້າໜັກ 68 ກິ​ໂລກຣາມ ແຕ່ໜ້າເສຍດາຍ ພຸດທະ​ສອນ​ເຈັບ​ປ່ວຍ​ເປັນ​ໄຂ້​ກະທັນຫັນ ບໍ່ສາມາດຮ່ວມແຂ່ງຂັນຢ່າງເຕັມເມັດເຕັມໜ່ວຍ. ແນວໃດກໍ່ຕາມ, ​ຊີ​ເກ​ມ ຄັ້ງ​ທີ 26 ປີ 2011 ທີ່​ປະ​ເທດ​ອິນ​ໂອ​ເນ​ເຊຍ ໄດ້ກັບມາຮັບໃຊ້ທີມຊາດອີກຄັ້ງ ແລະ ກໍ່​ສາມາດ​ຍາດ​ໄດ້​ຫຼຽນ​ເງິນ​ມາ​ຄອງ ກ່ອນ​ຈະ​ແຈ້ງ​ເກີດ ຄວ້າ​ຫຼຽນ​ຄຳ ປະຫວັດສາດ​ ​ໃນ​ຊີ​ເກ​ມ ຄັ້ງ​ທີ 27 ທີ່​ສະຫະພາບ​ ມຽນມາ ປີ 2013 ​ແຕ່ໜ້າເສຍດ່າຍຜົນງານ​ຫຼ້າ​ສຸດ ຊີ​ເກ​ມຄັ້ງທີ 28 ທີ່​ປະ​ເທດ​ສິງ​ກ​ໂປ ປີ 2015 ພຸດ​ທະ​ສອນ ຍາດ​ໄດ້​ພຽງ ຫຼຽນ​ທອງ​ມາ​ຄອງ.

​ໂດຍ ອ້ວນ​ດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png