ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ເມື່ອຕອນແລງວັນທີ 16ສິງຫາ ຜ່ານມາທີ່ສະໜາມ UITM STADIUM ນະຄອນຫຼວງກົວລາລຳເປີ ປະເທດມາເລເຊຍໄດ້ມີການແຂ່ງຂັນເຕະບານຊາຍງານມະຫະກໍາກິລາຊີເກມ ຄັ້ງທີ 29 ຮອບແບ່ງກຸ່ມຂອງກຸ່ມ A ເຊິ່ງຄູ່ທີ່ໜ້າສົນໃຈເປັນການລົງສະໜາມນັດທຳ​ອິດຂອງ​ ຂຸນພົນນັກເຕະທີມ​ຊາດລາວ ພາຍ​ໃຕ້​ການ​ຄຸມ​ທີມ​ຂອງ ທ່ານ ໄມ ວອງ ມັນ ເຮນ ຄູເຝິກໃຫຍ່ຊາວ​ສິງ​ກະ​ໂປ ພົບ​ກັບ​ທີມ​ຊາດມຽນມາ ​ທີ່​ຫາ​ເອົາ​ຊະ​ນະ ທີມ​ຊາດ​ສິງ​ກະ​ໂປ 2-0 ປະ​ຕູ ໃນວັນທີ 14 ສິງຫາ ຜ່ານ​ມາ. ຜ່ານ​ການ​ແຂ່ງ​ຂັນ ຜົນ​ປາກົດ​ວ່າ ທີມຊາດລາວ​ ລົງປະເດີມສະໜາມນັດທຳອິດ ກໍ່ເຮັດໃຫ້ແຟນບານລາວຜິດຫວັງໄປຕາມໆກັນແລ້ວ ຫຼັງຖືກ ທີມຊາດມຽນ​ມາ ໄລ່ຖະຫຼົ່ມໄປແບບໝົດສະພາບ 3-1 ປະ​ຕູ ສົ່ງ​ຜົນ​ໃຫ້ ມຽນ​ມາ ​ເກັບ​ເພີ່ມ​ເປັນ 6 ຄະ​ແນນເຕັມ ຈາກ 2 ນັດ ເປັນອັນ​ດັບ 1 ຂອງ​ກຸ່ມເອ. ສ່ວນ ລາວ​ເຮົາ​ຢູ່​ອັນ​ດັບ 4 ຂອງ​ກຸ່ມ. ຂະ​ນະ​ທີ່ ເຈົ້າ​ພາບ ມາ​ເລ​ເຊຍ ລົງ​ສະ​ໜາມ​ນັດ​ທີ 2 ກໍ່​ສາ​ມາດເອົາ​ຊະ​ນະ ທີມ​ຊາດ​ສິງ​ກະ​ໂປ 2-1 ປະ​ຕູ ເກັບ​ເພີ່ມ​ເປັນ 6 ຄະ​ແນນເຕັມ ຈາກ 2 ນັດ ຢູ່ອັນດັບ 2 ຂອງກຸ່ມ ເນື່ອງຈາກມີປະຕູໄດ້ເສຍໜ້ອຍກວ່າ ມຽນມາ.

ສ່ວນໂປຣແກຣມການແຂ່ງຂັນນັດ​ຕໍ່​ໄປຂອງທັບນັກເຕະທີມຊາດລາວ ນັດທີ 2 ພົບກັບ ທີມຊາດສິງກະໂປ ໃນວັນທີ 18 ສິງຫາ 2017 ເວລາ 16:00 ໂມງທີ່ສະໜາມ UM ARENA STADIUM, ນັດທີ 3 ພົບກັບ ທີມຊາດບຣູໄນ ໃນວັນທີ 21 ສິງຫາ 2017 ເວລາ 16:00 ໂມງ ທີ່ສະໜາມ UM ARENA STADIUM ແລະ ນັດສຸດທ້າຍ ຫຼື ນັດທີ 4 ພົບກັບ ທີມຊາດມາເລເຊຍ ເຈົ້າພາບ ໃນວັນທີ 23 ສິງຫາ 2017 ເວລາ 20:45 ໂມງທີ່ສະໜາມ SHAH ALAM STADIUM.

ການ​ແຂ່ງ​ຂັນ​ກິລາເຕະບານຊາຍຄັ້ງ​ນີ້ ມີທັງໝົດ 11 ປະເທດ ເຂົ້າຮ່ວມ ແລະ ແບ່ງອອກເປັນ 2 ກຸ່ມ ແຕ່ລະກຸ່ມແຂ່ງຂັນພົບກັນໝົດ ຄັດເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ. ໃນນີ້ກຸ່ມ A ມີ ເຈົ້າພາບ ມາເລເຊຍ, ມຽນມາ, ສິງກະໂປ, ສປປ ລາວ ແລະ ບຣູໄນ. ສ່ວນ ກຸ່ມ B ມີ ໄທ, ຫວຽດນາມ, ອິນໂດເນເຊຍ, ກໍາປູເຈຍ, ຕີມໍ ເລສເຕ ແລະ ຟີລິບປິນ.

ໂດຍ ຊ້າງ​ນ້ອຍ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png