ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ເມື່ອວັນທີ 18 ສິງຫາ ຜ່ານມາ ທີ່ໂຮມແຮມສະວິດກາເດັນ ນະຄອນຫຼວງກົວລາລຳເປີ ປະເທດມາເລເຊຍ ໄດ້ມີພິທີພົບປະຄະນະນຳ, ຄູເຝີກ ແລະ ທັບນັກກິລາລາວ ຊຸດເຂົ້າຮ່ວມງານກິລາຊີເກມ ຄັ້ງທີ 29, ໂດຍ ໃຫ້ກຽດ ໂອ້ລົມ ຂອງ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ, ທັງເປັນປະທານ ຄະນະກຳມະການໂອແລມປິກແຫ່ງຊາດລາວ, ມີເອກອັກຄະລັດຖະທູດລາວ ປະຈຳມາເລເຊຍ, ຜູ້ຊ່ວຍ ລັດຖະມົນຕີ ກະຊວງ ສສກ ພ້ອມດ້ວຍຄະນະກົມກິລາລະດັບສູງ, ຄະນະນຳກິລາແຕ່ລະປະເພດ, ຄູເຝິກ ແລະ ນັກກິລາ.

ໂອກາດນີ້, ທ່ານ ສິງຄຳ ນາລິນ ຮອງຫົວໜ້າ ກົມກິລາລະດັບສູງ ກະຊວງ ສສກ ໄດ້ລາຍງານການເຄື່ອນໄຫວ ຂອງທັບນັກກິລາທີມຊາດລາວ ເຂົ້າຮ່ວມງານກິລາຊີເກມ ຄັ້ງທີ 29 ທີ່ປະເທດມາເລເຊຍ ໃຫ້ຊາບວ່າ: ປັດຈຸບັນ ທັບນັກກິລາລາວ ໄດ້ເດີນທາງມາເຖິງປະເທດມາເລເຊຍແລ້ວເປັນສ່ວນໃຫຍ່ ແລະ ໄດ້ເຂົ້າພັກທີ່ໂຮງແຮມສະວິດກາເດັນ ໃນນະຄອນຫຼວງ ກົວລາລຳເປີ ຈຳນວນ 12 ປະເພດກິລາ. ສ່ວນຈຳນວນໜຶ່ງ ແມ່ນໄດ້ຍັ່ງຍາຍກັນໄປ ພັກຕາມໂຮງແຮມຕ່າງໆ ພາຍໃນນະຄອນຫຼວງ ກົວລາລຳເປີ ທີ່ທາງປະເທດເຈົ້າພາບ ຈັດໄວ້ໃຫ້ ແລະ ປັດຈຸບັນກໍ່ໄດ້ມີການລົງສະໜາມແຂ່ງຂັນສຳເລັດໄປແລ້ວ 1 ປະເພດກິລາ ກໍ່ຄື ກິລາກະຕໍ້ຊິນລອນ ສົ່ງເຂົ້າຮ່ວມຊີງໄຊ 2 ລາຍການ ກໍ່ສາມາດຍາດໄດ້ 1 ຫຼຽນເງິນ ແລະ 1 ຫຼຽນທອງ ຊ່ວຍໃຫ້ທັບນັກກິລາລາວ ຈັ້ງຢູ່ອັນດັບທີ 8. ນອກຈາກນັ້ນ, ກິລາເຕະບານລົງສະໜາມ 2 ນັດ ເສຍ 2 ນັດ ເສຍໃຫ້ ມຽນມາ 1-3 ປະຕູ ແລະ ເສຍ ສິງກະໂປ 0-2. ສ່ວນປະເພດກິລາອື່ນ ພາຍຫຼັງພິທີເປີດງານດັ່ງກ່າວ ຂຶ້ນຢ່າງເປັນທາງການ ກໍ່ຄ່ອຍໆຍ່ອຍກັນລົງສະໜາມຕາມຕາຕະລາງທີ່ທາງເຈົ້າພາບກຳນົດໄວ້.

ໂອກາດດຽວກັນ, ທ່ານລັດຖະມົນຕີ ກະຊວງ ສສກ ໄດ້ກ່າວສະແດງຄວາມຍ້ອງຍໍ ຊົມເຊີຍບັນດາຄະນະນຳພາ ທັບນັກກິລາລາວ, ຄະນະນຳສະຫະພັນກິລາແຫ່ງຊາດ, ຄູເຝິກ ແລະ ນັກກິລາ ທີ່ມີຄວາມຕັດສິນໃຈສູງ ແລະ ເສຍສະຫຼະເພື່ອປະເທດຊາດ ເຂົ້າຮ່ວມບຸກບືນສ້າງຜົນງານ ໃນງານກິລາ ຊີເກມຄັ້ງນີ້ ຈາກນັ້ນ ກໍ່ສະແດງຄວາມເປັນຫ່ວງເປັນໃຍ ແລະ ໃຫ້ກຳລັງໃຈຕໍ່ທັບນັກກິລາລາວ ໂດຍສະເພາະກິລາເຕະບານຊາຍ ເຖິງຈະປະລາໄຊ 2 ນັດ ຜ່ານມາ ກໍ່ຕາມ ແຕ່ກໍ່ຢ່າຟ້າວໝົດຫວັງ ເພາະພວກເຮົາ ຍັງຕ້ອງລົງສະໜາມແຂ່ງຂັນອີກ 2 ນັດ ແລະ ຕ້ອງສູ້ຕໍ່ໄປ ແຕ່ສິ່ງສຳຄັນນັກກິລາ ທຸກຄົນຕ້ອງຮັກສາສຸຂະພາບຂອງຕົນເອງໃຫ້ດີ, ເພີ່ມທະວີຄວາມ ເອົາໃຈໃສ່ ສູ້ຊົນ ເປັນເຈົ້າການ ປະຕິບັດຕາມຄຳສັ່ງສອນ ແລະ ລະບຽບວິໄນຂອງຄູເຝິກ, ຮັກສາຄວາມສາມັກຄີ ຮ່ວມແຮງຮ່ວມໃຈຍົກສູງນໍ້າໃຈຮັກຊາດ ພ້ອມກັນສູ້ຊົນອອກແຮງແຂ່ງຂັນກັບຊາດອື່ນໆ ຍາດເອົາໄຊຊະນະ ເພື່ອບັນລຸເປົ້າໝາຍຫຼຽນຄຳ ທີ່ຕັ້ງໄວ້ ແລະ ສ້າງປະຫວັດສາດ ໃຫ້ປະເທດຊາດ ໃນເວທີພາກພື້ນ ແລະ ສາກົນ.

ໂດຍ ອ້ວນດຳ ລາຍງານຈາກປະເທດມາເລເຊຍ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png