ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ໃນຕອນບ່າຍວັນທີ 22 ສິງຫາ ຜ່ານມາ ທີ່ສູນວາງສະແດງສິນຄ້າມາທາດີ ເອັກຊີບີເຊິນ ແອນຄອນເບັນເຊີນ ເຊັນເຕີ ນະຄອນຫຼວງກົວລາລຳເປີ ປະເທດມາເລເຊຍ ໄດ້ມີການແຂ່ງຂັນກິລາມວຍສາກົນ ຮອບຮອງຊະນະເລີດ ຫຼື ຮອບຊີງຫຼຽນເງິນ 6 ຮຸ່ນ. ໃນນີ້ສະເພາະນັກກິລາມວຍລາວ ຍັງເຫຼືພຽງ 2 ຮຸ່ນ ຂຶ້ນສັງວຽນລ່າຫຼຽນ ປະກອບມີ ບຸນປອນ ລາຊະວົງສີ ຮຸ່ນນໍ້າໜັກ 49 ກິໂລກຣາມ ຂຶ້ນເວທີເປັນຄູ່ທີ 2 ພົບກັບ ໂມຮາໝັດ ຟູອັດ ເລຊູອານ ນັກກິລາເຈົ້າພາບ ມາເລເຊຍ, ຈັນສະໝອນ ສຸລິສັກ ຮຸ່ນນໍ້າໜັກ 56 ກິໂລກຣາມ ຂຶ້ນເວທີ ຄູ່ທີ 5 ພົບກັບ ຊັດໄຊ ບຸດດີ ນັກກິລາຈາກປະເທດໄທ.

      ຜ່ານການແຂ່ງຂັນຜົນປາກົດວ່າ: ຄູ່ຂອງ ບຸນປອນ ລາຊະວົງສີ ໄຟ໊ນີ້ກົດດັນຢ່າງແຮງຖືກກອງເຊຍເຈົ້າພາບສົ່ງສຽງເຊຍກົດດັນ ແຕ່ ບຸນປອນ ບໍ່ສົນໃຈ ຕັ້ງໜ້າຍ່າງເຂົ້າຫາ ໂມຮາໝັດ ຟູອັດ ປ່ອຍໝັດອັດເຂົ້າເຕັມໜ້າ ເຮັດໃຫ້ບໍລິເວນດັງແຕກເລືອດອອກ ກຳມະການຕ້ອງຢຸດການແຂ່ງຂັນຊົ່ວຄາວ ເພື່ອເຊັກອາການ ແຕ່ກໍ່ອະນຸຍາດໃຫ້ຕີຕໍ່ ຂະນະທີ່ ບຸນປອນ ຮີບຮ້ອນດ່ວນຟ້າວເອົານ໊ອກໄດ້ໄວເທົ່າໃດຍິ່ງເປັນການດີແຕ່ ບຸນປອນ ບໍ່ທັນໄດ້ລະວັງຕົວຖືກໝັດຂວາ ໂມຮາໝັດ ຟູອັດ ເຂົ້າເຕັມໜ້າລົ້ມກອງລົງກັບພື້ນໃຫ້ກຳມະການນັບ 8 ແຕ່ຍັງດີ ບຸນປອນ ຟື້ນອາການທັນ ແລະ ກໍ່ຕີຕໍ່ໄດ້ ພ້ອມທັງສູ້ກັບ ໂມຮາໝັດ ຈົນຄົບ 3 ຍົກ ແລະ ກໍາມະການ ກໍ່ຍົກມືໃຫ້ ໂມຮາໝັດ ຟູອັດ ເອົາຊະນະຄະແນນຢ່າງເປັນເອກະສັນໄປ 3-0 ຄະແນນ ສົ່ງຜົນ ບຸນປອນ ຢຸດເສັ້ນການລ່າຫຼຽນຊ່ວຍທັບນັກກິລາລາວໄວ້ພຽງຮອບນີ້ ຄວ້າຫຼຽນທອງໄປຄ້ອງຄໍ. ສ່ວນ ໂມຮາໝັດ ຟູອັດ ຜ່ານເຂົ້າໄປຊີງຫຼຽນຄຳ ກັບນັກກິລາຈາກປະເທດໄທຕໍ່ໄປ. ຂະນະທີ່ ຈັນສະໝອນ ວິໄລສັກ ຕ້ານຄວາມແຂງແກ່ນຂອງ ຊັດໄຊ ບຸດດີ ນັກກິລາຈາກປະເທດໄທ ບໍ່ໄຫວເສຍ 0-3 ຄະແນນ ໄດ້ພຽງຫຼຽນທອງໄປຄ້ອງຄໍເຊັ່ນກັນ.

ໂດຍ ອ້ວນດຳ

   

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png