ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ໃນຕອນເຊົ້າວັນທີ 22 ສິງຫາ ຜ່ານມາ ທີ່ສະໜາມກິລາຫຍ້າທຽມແຫ່ງຊາດ ເຄແອລ ສະປອດຊີຕີ ນະຄອນຫຼວງກົວລາລຳເປີ ປະເທດມາເລເຊຍ ໄດ້ມີການແຂ່ງຂັນກິລາຍິງທະນູລາຍການສຸດທ້າຍ ປະເພດຄູ່ປະສົມຍິງ-ຊາຍ ລາຍການຣີເຄີບ ຫຼື ທະນູໂຄ້ງກັບ ເຊິ່ງເປັນຄວາມຫວັງຫຼຽນດຽວຂອງກິລາຍິງທະນູລາວ ໃນການແຂ່ງຂັນກິລາດັ່ງກ່າວ ມີ 7 ປະເທດເຂົ້າຮ່ວມ ປະກອບມີ ໄທ, ລາວ, ຫວຽດນາມ, ອິນໂດເນເຊຍ, ຟີລິບປິນ, ມຽນມາ ແລະ ເຈົ້າພາບ ມາເລເຊຍ ໃນນີ້ນັກກິລາເຈົ້າພາບ ຖືກເນີດເຂົ້າໄປຢືນລໍຖ້າໃນຮອບ 4 ທີມສຸດທ້າຍ ແລະ ນັກກິລາລາວ ຈັບຄູ່ລົງສະໜາມ ທ້າວ ສຸລິຍາ ອ່ອນມະນີ ແລະ ນາງ ເຈນ ກະໂບກສີ ພົບກັບ ນັກກິລາອິນໂດເນເຊຍ. ຜ່ານການແຂ່ງຂັນຜົນປາກົດວ່າ: ນັກກິລາລາວ ເສຍໃຫ້ ອິນໂດເນເຊຍ ຂາດຮອຍ 0-6 ຄະແນນ ຕົກຮອບຕາມລະບຽບ ຢຸດເສັ້ນທາງໃນການລ່າຫຼຽນ ໃຫ້ທັບນັກກິລາຍິງທະນູລາວ ກໍ່ຄື ທັບນັກກິລາລາວ ໃນການເຂົ້າຮ່ວມ ງານກິລາດັ່ງກ່າວ ເປັນທີ່ຮຽບຮ້ອຍແລ້ວ ແລະ ຈະອອກເດີນທາງກັບຮອດບ້ານເກີດໃນຕອນເຊົ້າມື້ນີ້ (23 ສິງຫາ).

      ການແຂ່ງຂັນກິລາຍິງທະນູ ຊີເກມ ຄັ້ງນີ້ ມີການຊີງໄຊກັນທັງໝົດ 10 ຫຼຽນຄຳ ໂດຍມີ 8 ປະເທດເຂົ້າຮ່ວມ ປະກອບມີ ໄທ, ລາວ, ຫວຽດນາມ, ອິນໂດເນເຊຍ, ຟີລິບປິນ, ມຽນມາ, ສິງກະໂປ ແລະ ເຈົ້າພາບ ມາເລເຊຍ ໄດ້ສົ່ງນັກກິລາເຂົ້າຮ່ວມແຂ່ງຂັນທັງໝົດ 8 ຄົນ, ຍິງ 2 ຄົນ ລົງສະໜາມຊີງໄຊ 4 ລາຍການ ປະກອບມີ ປະເພດທະນູຄອມປາວ ປະເພດທີມຊາຍ ທະນົງລິດ ສິລິຜົນ, ດາລິຍາ ສາຍດາ ລາ, ຄໍາຫວານ ວັນລິວົງ; ປະເພດດ່ຽວຊາຍ ທົງໄຊ ສີວິໄລ ແລະ ຄູ່ປະສົມ ນາງ ພອນ ກໍາແກ້ວ+ທ້າວ ດາລິຍາ ສາຍດາລາ. ສ່ວນປະເພດຣີເຄີບດ່ຽວຊາຍ ສຸລິວົງ ອ່ອນມະນີ, ທີມຊາຍ ອິນທະ ວົງ, ຈັນສະໝອນ ວິລະສັກ ແລະ ຄຳແພງ ອິນທະວົງ; ປະເພດຄູ່ປະສົມ ນາງ ເຈນ ກະໂບກສີ ແລະ ທ້າວ ສຸລິວົງ ອ່ອນມະນີ.

      ຂ່າວໂດຍ: ອ້ວນດຳ ລາຍງານຈາກມາເລເຊຍ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png