ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ນັບມາຮອດວັນທີ 22 ສິງຫາ 2017 ກໍ່ຖືວ່າຜ່ານມາເປັນເວລາ 4 ວັນແລ້ວ ສຳລັບການແຂ່ງຂັນກິລາ ໃນງານງານມະຫາກຳກິລາຊີເກມ ຄັ້ງທີ 29 ທີ່ປະເທດມາເລເຊຍ ເປັນເຈົ້າພາບ ໂດຍນັກກິລາລາວ ມີການລົງສະໜາມແຂ່ງຂັນຫຼາຍປະເພດ ລວມທັງເປຕັງ, ກາຣາເຕໂດ ແລະ ມວຍສາກົນສະໝັກຫຼິ້ນ. ໃນນັ້ນ, ປະເພດກິລາ ທີ່ໜ້າສົນໃຈທີ່ເປັນຄວາມຫວັງຫຼຽນ ແມ່ນມວຍສາກົນສະໝັກຫຼິ້ນ ເຊິ່ງ ສປປ ລາວເຮົາມີລຸ້ນຫຼຽນເຖິງ 2 ຮຸ່ນຄື: ທ້າວ ບຸນປອນ ລາຊະວົງສີ ຮຸ່ນນ້ຳໜັກ 49 ກິໂລກຣາມ ລົງຊີງຫຼຽນເງິນກັບ ທ້າວ ມູຮາໝັດ ຟູອັດ ເລຊຸອານ ນັກກິລາເຈົ້າພາບ ມາເລເຊຍ ແລະ ທ້າວ ຈັນສະໝອນ ວິໄລສັກ ຮຸ່ນນ້ຳໜັກ 56 ກິໂລກຣາມ ລົງຊີງຫຼຽນເງິນກັບ ທ້າວ ສັດໄຊ ບຸດດີ ນັກກິລາຈາກປະເທດ. ຜ່ານການແຂ່ງຂັນ ຜົນປາກົດວ່າ ນັກກິລາລາວທັງ 2 ຄົນເສຍໃຫ້ຄູ່ແຂ່ງ ຄວ້າພຽງຫຼຽນທອງມາຄອງ ສົ່ງຜົນໃຫ້ນັບມາຮອດມື້ວານນີ້ (22 ສິງຫາ) ທັບນັກກິລາລາວ ສາມາດຄວ້າມາໄດ້ແລ້ວ 1 ຫຼຽນເງິນ ແລະ 3 ຫຼຽນທອງ ໃນນັ້ນ 1 ຫຼຽນເງິນ ແລະ 1 ຫຼຽນທອງ ແມ່ນໄດ້ຈາກກະຕໍ້ຊິນລອນທີມຊາຍ ປະເພດອີເວັ້ນ 2 ແລະ ອີເວັ້ນ 4. ສ່ວນອີກ 2 ຫຼຽນທອງ ແມ່ນໄດ້ຈາກກິລາມວຍສາກົນສະໝັກຫຼິ້ນ ຈາກ ທ້າວ ບຸນປອນ ລາຊະວົງສີ ແລະ ທ້າວ ຈັນສະໝອນ ວິໄລສັກ.

ສຳລັບໂປຣແກຣມການແຂ່ງຂັນ ຂອງທັບນັກກິລາລາວໃນມື້ນີ້ (ວັນທີ 23 ສິງຫາ 2017) ຈະໄດ້ສືບຕໍ່ລົງສະໜາມແຂ່ງຂັນທັງໝົດ 13 ປະເພດກິລາ ປະກອບມີ: ກະຕໍ້, ຣັກບີ້, ດອກປີກໄກ່, ເປຕັງ, ກາຣາເຕໂດ, ແລ່ນ-ລານ, ບິນລຽດ-ສະນຸກເກີ, ປິ່ງປ່ອງ, ລົດຖີບ, ກ໊ອຟ, ຍິງປືນ, ລອຍນໍ້າ ແລະ ເທັນນິສ. ສ່ວນບານເຕະຊາຍ ທີມຊາດລາວ ພົບກັບ ເຈົ້າພາບ ມາເລເຊຍ ເວລາ 20:45 ໂມງ ທີ່ສະ ໜາມຊາອະລຳ ຂະນະທີ່ ກິລາກິລາປັນຈັກສີລັດ ຈະລົງສະໜາມແຂ່ງຂັນໃນວັນທີ 24 ສິງຫາ 2017 ທີ່ສະໜາມເຄແອລ ຊີຊີ ຫໍ 2 ໃນນະຄອນຫຼວງ ກົວລາລຳເປີ.

ໂດຍ ອ້ວນດຳ ລາຍງານຈາກປະເທດມາເລເຊຍ

 

 

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png