ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ທ່ານ ລັດສະໝີ ສູນດາລາ ເລຂາທິການສະຫະພັນລົດຖີບແຫ່ງຊາດລາວ ເປີດເຜີຍຕໍ່ນັກຂ່າວສຶກສ-ກິລາ ເມື່ອວັນທີ 23 ສິງຫາ ຜ່ານມາ ວ່າ: ສຳລັບສະໜາມແຂ່ງຂັນກິລາລົດຖີບ ໃນ ກົວລາລຳເປີ ເກມ ແມ່ນໄດ້ໃຊ້ຖະໜົນທີ່ຫ່າງອອກຈາກນະຄອນຫຼວງ ກົວລາລຳເປີ ໄປໄກ ເຊິ່ງໃຊ້ເວລາໄປເຖິງ 2 ຊົ່ວໂມງປາຍ ຈຶ່ງໄປຮອດ ໂດຍການແຂ່ງຂັນກິລາດັ່ງກ່າວ ໄດ້ໃຊ້ເວລາ 4 ວັນ ແລະ ແບ່ງອອກເປັນ 2 ໄລຍະ, ມີການຊີງໄຊກັນທັງໝົດ3 ລາຍການ ຄື: ລາຍການໄຄທິລຽມ, ຈັບເວລາທີມ ແລະ ລົດຖີບທາງໄກ 142 ກິໂລແມັດ ເຊິ່ງໄລຍະທຳອິດແຂ່ງຂັນລະຫວ່າງວັນທີ 21-22 ສິງຫາ ຜ່ານມາ ມີການຊີງໄຊ ລາຍການ ຈັບເວລາທີມ ແລະ ລົດຖີບໄຄທີລຽມ. ສ່ວນລົດຖີບທາງໄກ 142 ກິໂລແມັດ ເຊິ່ງເປັນລາຍການທີ່ ອະລິຍາ ພູນສະຫວັດ ເຄີຍຄວ້າຫຼຽນຄຳປະຫວັດສາດ ໃຫ້ທັບນັກກິລາລາວ ໃນ ມຽນມາ ເກມ 2013 ເປັນອີກໜຶ່ງຄວາມຫວັງຂອງລາວເຮົາ ແມ່ນຈະດຳເນີນການແຂ່ງຂັນໃນວັນທີ 24-25 ສິງຫານີ້.

     ສຳລັບຜົນການແຂ່ງຂັນກິລາລົດຖີບ ກົວລາລຳເປີ ເກມ 2017 ໃນ 2 ມື້ທຳອິດ ນັກກິລາລາວທັງໝົດ 4 ຄົນ ຄື: ສຸດທິສັກ ວັນດີລາ, ອະລິຍາ ພູນສະຫວັດ, ຖາວອນ ພົນອາສາ ແລະ ລໍາເງິນ ວັນນະສຸກ ໄດ້ລົງແຂ່ງຂັນລາຍການປະເພດຈັບເວລາທີມ ແລະ ລົດຖີບໄຄທີລຽມ ຜົນປາກົດວ່າ: ລາຍການໄຄທິລຽມ ນັກກິລາລົດຖີບລາວ ໄດ້ອັນດັບທີ 4 ແລະ ລາຍການຈັບເວລາທີມ ໄດ້ອັນດັບທີ 7 ຍັງເຫຼືອລຸ້ນຄວາມຫວັງພຽງລາຍການສຸດທ້າຍ ໄລຍະທາງໄກ 142 ກິໂລແມັດ ອະລິຍາ ພູນສະຫວັດ ຈະລົງສະໜາມແຂ່ງຂັນ. ສະນັ້ນ, ເພື່ອເປັນການກຳລັງໃຈທີ່ດີ ຮຽກຮ້ອງມາຍັງພໍ່-ແມ່ປະຊາຊົນ ກໍ່ຄື ບັນດາສະໂມສອນລົດຖີບຢູ່ສປປ ລາວ ຈົ່ງພ້ອມກັນສົ່ງແຮງກຳລັງໃຈມາເຊຍທັບນັກກິລາລົດຖີບລາວເຮົາ ໂດຍຕິດຕາມເຊຍຕາມສື່ລາວ ແລະ ສື່ອອນລາຍຕ່າງໆ ເພື່ອສ້າງຂວັນກຳລັງໃຈ ແລະ ພວກເຮົາທັບນັກກິລາລົດຖີບລາວ ຈະສ້າງຜົນສຳເລັດຄວ້າຫຼຽນຄວາມຫວັງໃຫ້ທັບນັກກິລາລາວ ໃນກົວລາລຳເປີ ເກມ.

ໂດຍ ອ້ວນດຳ ລາຍງານຈາກປະເທດມາເລເຊຍ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png