ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

  

ເມື່ອແລງວັນທີ 27 ສິງຫາ ຜ່ານມາ ທີ່ເຄແອລ ຊີຊີ ຫໍ 4 ນະຄອນຫຼວງກົວລາລຳເປີ ປະເທດມາເລເຊຍ ໄດ້ມີການແຂ່ງຂັນສະນຸກເກີ ປະເພດດ່ຽວຊາຍ ງານກິລາຊີເກມ ຄັ້ງທີ 29 ຮອບຊີງຊະນະເລີດ ຫຼື ຮອບຊີງຫຼຽນຄຳ ໂດຍເປັນການໂຄຈອນມາພົບກັນຂອງ ທ້າວ ສິດທິເດດ ສັກບ່ຽງ ນັກກິລາສະນຸກເກີທີມຊາດລາວ ເຈົ້າຂອງຫຼຽນເງິນ ມຽນມາ ເກມ 2013 ທັງເປັນມືອັນດັບທີ 17 ຂອງປະເທດໄທ ພົບກັບ ທ້າວ ພອນບັນ ໄພທອນ ນັກກິລາຈາກປະເທດໄທ ທັງເປັນມືວາງອັນດັບ 8 ຂອງປະເທດດັ່ງກ່າວ ຫຼັງຈາກໃນຮອບຊີງຫຼຽນເງິນ ສິດທິເດດ ສັກບ່ຽງ ສາມາດເອົາຊະນະ ໂກ ເຮັງ ນັກກິລາຈາກມຽນມາ ມາໄດ້ 4-1 ເຟຣມ. ສ່ວນ ພອນບັນ ໄພທອນ ເອົາຊະນະ ສຸລິຍາ ມີນາລາວົງ ນັກກິລາທີມຊາດລາວເຮົາອີກຄົນມາໄດ້ 4-0 ເຟຣມ.

ສຳລັບຮອບຊີງຫຼຽນຄຳ ໄດ້ຮັບຄວາມສົນໃຈຈາກກອງເຊຍເຈົ້າພາບ ເຂົ້າຮ່ວມຊົມ ແລະ ເຊຍ ຢ່າງຫຼວງຫຼາຍ ໃນເຟຣມທຳອິດ ສິດທິເດດ ສັກບ່ຽງ ໄດ້ເປີດເກມກ່ອນ ແລະ ເປັນດີ ຂາວແລ່ນເຂົ້າຫຼັງຂຽວ ບີບກົດດັນ ເຮັດໃຫ້ ພອນບັນ ແກ້ຊີງພາດ ຂາວໄປຖືກແຊມ ເຮັດໃຫ້ ສິດທິເດດ ໄດ້ 6 ຄະແນນ ຂຶ້ນນຳໜ້າ ພ້ອມກັບກັນຂາວຂຶ້ນເທິງໄດ້ດີ. ແຕ່ຢ່າງໃດກໍ່ຕາມ, ສິດທິເດດ ມາເສຍປຽບແຊັດແດງລູກໄກບາງເກີນໄປ ເຮັດໃຫ້ຈໍ່ ເຂົ້າທາງ ພອນບັນ ໄລ່ເກັບຄະແນນນຳຫ່າງ 26-6 ຄະແນນ. ຫຼັງຈາກນັ້ນ, ພອນບັນ ກໍ່ມາພາດເຊັ່ນກັນ ແຕ່ໜ້າເສຍດາຍ ສິດທິເດດ ກິນແຊມພາດ ຖືກ ພອນບັນ ໄລ່ເກັບແດງ ແລະ ກິນສີກວາດໝົດໂຕະ ຊະນະ 80-28 ຄະແນນ ຂຶ້ນນຳໄປກ່ອນ 1-0 ເຟຣມ, ກັບມາແຂ່ງຂັນຕໍ່ໃນເຟຣມທີ 2 ພອນບັນ ເປິດຂາວໄດ້ດີ ແລະ ສິດທິເດດ ກັນໝາກພາດ ແຕ່ພອນບັນ ກໍ່ມາພາດຄືກັນ ເຮັດໃຫ້ ສິດທິເດດ ຕົບແດງເຂົ້າຂຸມ ແລະ ສາຍສີ ໄດ້ຄະແນນອອກນຳເຖິງ 71-10 ຄະແນນ ເຮັດໃຫ້ ພອນບັນ ຍອມແພ້ເອງ ສົ່ງຜົນໃຫ້ສະເໝີກັນ 1-1 ເຟຣມ ກ່ອນ ສິດທິເດດ ຈະຫຼິ້ນໄດ້ໃຈໂຊຄວາມແມ້ນສ້າງຄວາມປະທັບໃຈໃຫ້ກອງເຊຍຊາວລາວ ແລະ ເຈົ້າພາບ ສາຍສະນຸກໃນ 3 ເຟຣມ ໄລ່ເອົາຊະນະ ພອນບັນ 63-56 ຄະແນນ, 83-0 ຄະແນນ ແລະ 65-18 ຄະແນນ ລວມ 4-1 ເຟຣມ ໄດ້ຫຼຽນຄໍາຫຼຽນທຳອິດຄັ້ງປະຫວັດສາດຂອງກິລາສະນຸກເກີລາວ. ສ່ວນຫຼຽນເງິນ ຕົກເປັນຂອງ ນັກກິລາໄທ ແລະ ສຸລິຍາ ມີນາລາວົງ ອີກໜຶ່ງນັກກິລາສະນຸກເກີລາວ ໄດ້ພຽງຫຼຽນທອງ ສະຫຼບຜົນງານໃນການເຂົ້າຮ່ວມ ກົວລາລຳເປີ ເກມ ສະນຸກເກີ ທີມຊາດລາວ ສົ່ງນັກກິລາເຂົ້າຮ່ວມ 4 ຄົນ ໃນ 4 ລາຍການ ຈາກປະເພດຟຣູດ່ຽວ ແລະ ທີມຄູ່ ແລະ ສະນຸກເກີດ່ຽວ ແລະ ທີມຄູ່ຊາຍ ສາມາດຍາດໄດ້ 1 ຫຼຽນຄຳ ແລະ 1 ຫຼຽນທອງ.

ໂດຍ ອ້ວນດຳ

 

 

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png