ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ເມື່ອວັນທີ 2 ກັນຍາ ຜ່ານມາ ທີ່ບ້ານໂພນໄຮ່ ເມືອງເຊໂປນ ແຂວງສະຫວັນນະເຂດ ໄດ້ມີພິທີຕ້ອນຮັບຮີໂຣຫຼຽນທອງຂອງຊາວລາວ ກໍ່ຄືຊາວເມືອງເຊໂປນ ແຂວງສະຫວັນນະເຂດ ໄດ້ກັບເຖິງແຜ່ນດິນບ້ານເກີດ, ໂດຍໃຫ້ກຽດຕ້ອນຮັບຂອງ ທ່ານ ວົງໄຊ ໄຊຍະຈັກ ເຈົ້າເມືອງເຊໂປນ ພ້ອມດ້ວຍຄະນະ, ຫົວໜ້າ-ຮອງຫົວໜ້າຫ້ອງການ, ອຳນາດການປົກຄອງບ້ານ, ບັນດາຫົວໜ່ວຍທຸລະກິດ ແລະ ພໍ່-ແມ່ປະຊາຊົນຊາວເມືອງ ຕະຫຼອດຮອດຜູ້ປົກຄອງ ແລະ ຍາດຕິພີ່ນ້ອງຄອບຄົວ ວິໄລສັກ ເຂົ້າຮ່ວມ.

      ໃນພິທີດັ່ງກ່າວ, ທ່ານເຈົ້າເມືອງເຊໂປນ ກໍ່ໄດ້ມອບກະຕ່າດອກໄມ້ ແລະ ຂອງຂວັນທີ່ລະນຶກ ພ້ອມທັງໃບຍ້ອງຍໍຄຸນງາມຄວາມດີໃຫ້ກັບ ທ້າວ ຈັນສະໝອນ ວິໄລສັກ ເຊິ່ງເປັນໜຶ່ງດຽວຂອງເມືອງເຊໂປນ ແລະ ແຂວງ ສະຫວັນນະເຂດ ທີ່ໄດ້ສ້າງກຽດຊື່ສຽງໃຫ້ແກ່ປະເທດຊາດ ດ້ວຍການຄວ້າຫຼຽນທອງ ໃນກົວລາລຳເປີ ເກມ 2017. ຫຼັງຈາກນັ້ນ, ທ່ານ ຫົງຄຳ ໂພທິສານ ປະທານສະຫະພັນມວຍ 6 ແຂວງພາກໃຕ້ ກໍ່ໄດ້ຕາງໜ້າ ປະທານສະຫະພັນມວຍ ແຂວງສະຫວັນນະເຂດ ມອບເງິນອັດສີດ ຈຳນວນ 2 ລ້ານກີບ ແລະ ບັນດານັກທຸລະກິດອ້ອມຂ້າງເມືອງ ກໍ່ພ້ອມໃຈກັນສະໜັບສະໜູນລວມມູນຄ່າ 7 ລ້ານກວ່າກີບ. ນອກຈາກນັ້ນ, ກໍ່ຍັງມີບັນດາພໍ່-ແມ່ປະຊາຊົນຊາວເມືອງ ປະກອບສ່ວນຈັດງານລ້ຽງ ເພື່ອສະຫຼອງຜົນງານດັ່ງກ່າວ ຢ່າງຄຶກຄື້ນສະໜຸກສະໜານ ແລະ ມ່ວນຊື່ນ.

      ທ້າວ ຈັນສະໝອນ ວິໄລສັກ ໃຫ້ສຳພາດວ່າ: ເວລານີ້ນ້ອງມີຄວາມຮູ້ສຶກພາກພູມໃຈ ແລະ ມີຄວາມສຸກຫຼາຍ ທີ່ໄດ້ເປັນສ່ວນໜຶ່ງໃນສ້າງກຽດຊື່ສຽງໃຫ້ວົງຕະກຸນ, ຍາດຕິພີ່ນ້ອງ, ແຜນດິນເກີດ ກໍ່ຄືປະເທດຊາດ ໃນການ ຄວ້າຫຼຽນທອງ ໃນຊີເກມ ທີ່ປະເທດມາເລເຊຍ ປັດຈຸບັນນ້ອງກຳລັງສຶກສາທີ່ວິທະຍາໄລພະລະສຶກສາ ແລະ ໄດ້ພັກຢູ່ສູນເຝິກກິລາແຫ່ງຊາດ ໂດຍການເບິ່ງແຍງດູແລຂອງ ສະຫະພັນມວຍສາກົນແຫ່ງຊາດລາວ ເຊິ່ງເພິ່ນໄດ້ກຳນົດ ໃຫ້ນ້ອງຫຼັງຮຽນ ມື້ໜຶ່ງຕ້ອງເຝິກຊ້ອມຢ່າງໜ້ອຍ 1 ຄັ້ງ ເພື່ອກຽມເຂົ້າຮ່ວມແຂ່ງຂັນໃນງານກິລາລະດັບພາກພື້ນ ແລະ ສາກົນ ໃນອະນາຄົດ. ແນວໃດກໍ່ດີ, ຂໍສະແດງ ຄວາມຂອບໃຈມາຍັງຜູ້ໃຫ້ການສະໜັບສະໜູນ, ການນຳ ສະຫະພັນກິລາມວຍສາກົນແຫ່ງຊາດ, ບັນດາການນຳ ແລະ ທຸລະກິດເມືອງເຊໂປນ ຕະຫຼອດຮອດພໍ່-ແມ່ພີ່ນ້ອງທີ່ໃຫ້ການສະໜັບສະໜູນຕະຫຼອດ ແລະ ຂໍໃຫ້ເຊື່ອໝັ້ນວ່າ ຈະສູ້ຊົນສ້າງຕົນເອງກາຍເປັນນັກກິລາມວຍສາກົນທີ່ດີ ເພື່ອສ້າງກຽດຊື່ສຽງໃຫ້ແກ່ປະເທດຊາດ. ທັງນີ້, ກໍ່ຢາກຈະສ້າງອະນາຄົດທີ່ດີໃຫ້ກັບຕົນເອງ ໂດຍຕັ້ງຄວາມໃຝ່ຝັນໄວ້ ຢາກເປັນຄູເຝິກໃນກົມກິລາ ກະຊວງປ້ອງກັນຄວາມສະຫງົບ ຫຼື ປກສ ແລະ ປີນີ້ ກໍ່ເປັນປີ ສຸດທ້າຍ ທີ່ນ້ອງຮຽນຈົບ ຄູພະລະຊັ້ນສູງ ກໍ່ຢາກຈະເຮັດວຽກກ່ອນ. ຫຼັງຈາກນັ້ນ, ຈຶ່ງສືບຕໍ່ ຮຽນສາຂາລະບົບປະລິນຍາຕີຕໍ່ໄປ.

ໂດຍ ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png