ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ທ່ານ ຈັນທະວົງ ປັນຍາສິລິ ເລຂາທິການສະຫະພັນເທຄວັນໂດແຫ່ງຊາດລາວ ໃຫ້ສຳພາດຕໍ່ທີມງານນັກຂ່າວໜັງສືພິມສຶກສາ ແລະ ກິລາ ລາຍວັນ ວ່າ: ໃນການເຂົ້າຮ່ວມງານມະຫາກຳກິລາຊີເກມ ຄັ້ງທີ 29 ທີ່ປະເທດມາເລເຊຍ ເປັນເຈົ້າພາບ ມີ 11 ປະເທດໃນຂົງເຂດອາຊຽນເຂົ້າຮ່ວມ ແລະ ມີການຊີງໄຊກັນທັງໝົດ 15 ຫຼຽນຄຳ ຈາກປະເພດຟ້ອນປຸ່ມເຊ້ ແລະ ປະເພດຕໍ່ສູ້ປ້ອງກັນຕົວ ສະເພາະປຸ່ມເຊ້ ມີຊີງໄຊກັນ 5 ລາຍການ ແລະ ປະເພດຕໍ່ສູ້ 10 ລາຍການໂດຍເຈົ້າພາບ ໄດ້ກຳນົດໃຫ້ບັນດາປະເທດ ສົ່ງນັກກິລາເຂົ້າຮ່ວມໄດ້ພຽງ 3 ລາຍການ ສ່ວນເຈົ້າພາບ ມີສິດສົ່ງໄດ້ທຸກລາຍການ ສະເພາະນັກກິລາເທຄວັນໂດລາວ ສົ່ງເຂົ້າຮ່ວມ 10 ຄົນ ຈາກ 9 ລາຍການ ຄື: ປະເພດຕໍ່ສູ້ 6 ລາຍການ, ຍິງ 3 ລາຍການ ແລະ ຟ້ອນປຸ່ມເຊ້ 3 ລາຍການ ພ້ອມຕັ້ງເປົ້າຈະພະຍາຍາມສູ້ຊົນຍາດໃຫ້ໄດ້ຢ່າງໜ້ອຍ 1 ຫຼຽນຄຳ ຜ່ານການແຂ່ງຂັນຜົນປາກົດວ່າ ນັກກິລາເທຄວັນໂດລາວ ສາມາດຍາດໄດ້ 1 ຫຼຽນເງິນ ຈາກ ນາງ ກິດາວອນ ພິລາວົງ ປະເພດຟ້ອນປຸ່ມເຊ້ ດ່ຽວຍິງ ແລະ 4 ຫຼຽນທອງ ປະເພດຕໍ່ສູ້ປ້ອງກັນຕົວ ທ້າວ ສັນດົງ ໄຊຍະກຸມມານ ຮຸ່ນນໍ້າໜັກ 58 ກິໂລກຣາມ, ທ້າວ ສິດທິກອນ ສຸພາບມີໄຊ ຮຸ່ນນໍ້າໜັກ 68 ກິໂລກຣາມ, ນາງ ສຸກສະໄໝ ຮຸ່ນນໍ້າໜັກ 57 ກິໂລກຣາມ ແລະ ນາງ ສອນສະຫວັນ ສິລິມະໂນທຳ ຮຸ່ນນໍ້າໜັກ 75 ກິໂລກຣາມ.

ທ່ານ ຈັນທະວົງ ປັນຍາສິລິ ກ່າວອີກວ່າ: ຕໍ່ຜົນງານດັ່ງກ່າວ ຍັງບໍ່ປະສົບຜົນສຳເລັດຕາມເປົ້າ ໝາຍທີ່ຕັ້ງໄວ້ 1 ຫຼຽນຄຳ ທັງນີ້, ກໍ່ຍ້ອນສາເຫດນັກກິລາຄວາມຫວັງຫຼຽນຄຳ ທ້າວ ພຸດທະສອນ ທຳມະວົງ ໄດ້ຮັບອາການບາດເຈັບໜັກອີກສົ້ນນ່ອງຈີກ ບໍ່ສາມາດເຂົ້າຮ່ວມແຂ່ງຂັນໄດ້. ສ່ວນ ທ້າວ ສອນໄຊ ມັງເຄືອ ກໍ່ເປັນອີກຄວາມຫວັງ ລົງແຂ່ງຂັນຕົວຈິງໃນສະໜາມ ກໍ່ເຮັດບໍ່ໄດ້ຕາມຟອມມາດຈະຖານ ທີ່ເຝິກຊ້ອມສົ່ງຜົນໃຫ້ຕົກຮອບຄັດເລືອກ. ແຕ່ເຖິງຢ່າງໃດກໍ່ດີ, ປະເພດຟ້ອນປຸ່ມເຊ້ ເປັນລາຍການໃໝ່ ທີ່ລາວເຮົາ ສາມາດສ້າງຜົນງານທີ່ດີ ໃນງານລະດັບຊີເກມ ຄັ້ງນີ້ ຄວ້າມາໄດ້ 1 ຫຼຽນເງິນ ຈາກ ນາງ ກິດາວອນ ພິລາວົງ ສາວນັກກິລາຈາກແຂວງຊຽງຂວາງ ອີກດ້ານໜຶ່ງນັກກິລານ້ອງໃໝ່ ຈຳນວນໜຶ່ງ ທີ່ຄວ້າ 4 ຫຼຽນທອງ ເປັນຜົນງານຄັ້ງທຳອິດ ທີ່ໄດ້ສົ່ງຮ່ວມການແຂ່ງຂັນລະດັບນີ້. ດັ່ງນັ້ນ, ຈຶ່ງເລັ່ງເຫັນຄວາມສຳຄັນຂອງນັກກິລານ້ອງໃໝ່ ສະຫະພັນ ຈະສືບຕໍ່ສ້າງນັກກິລາໃນຮຸ່ນດັ່ງກ່າວ ໂດຍຈັດໃຫ້ມີການເຄື່ອນໄຫວຮ່ວມແຂ່ງຂັນທັງພາຍໃນ ແລະ ຕ່າງປະເທດ ໂດຍສະເພາະໃນຕົ້ນເດືອນພະຈິກ ຈະຈັດການແຂ່ງຂັນເທຄວັນໂດ ທົ່ວປະເທດ ຊີງຂັນທ່ານເອກອັກຄະລັດຖະທູດ ສ ເກົາຫຼີ ຕື່ມອີກ ແລະ ນັກກິລາທີ່ຢູ່ໃນເປົ້າໝາຍທຸກຄົນຈະໄດ້ເຂົ້າຮ່ວມ ທັງນີ້, ກໍ່ເພື່ອເປັນການເສີມສ້າງໃຫ້ເຂົາເຈົ້າມີປະສົບການ ແລະ ມີຄວາມຊຳນິຊຳນານເພື່ອຕາງໜ້າທີມຊາດ ເຂົ້າຮ່ວມລ່າຫຼຽນຄຳເປົ້າໝາຍ ໃນຊີເກມ ຄັ້ງທີ 30 ທີ່ປະເທດຟີລິບປິນ ເປັນເຈົ້າພາບ ໃນປີ 2019.

ຂ່າວໂດຍ: ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png