ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ຕາມການໃຫ້ສຳພາດຂອງ ທ່ານ ສີຈັນ ຈິດຕະປັນຍາ ຫົວໜ້າພະແນກພັດທະນາກິລາ ກົມກິລາລະດັບສູງ ກະຊວງ ສສກ ໃນຕອນເຊົ້າວານນີ້ (6 ກັນຍາ) ໃຫ້ທີມຂ່າວໜັງສຶພິມສຶກສາ ແລະ ກິລາ ຊາບວ່າ: ສຳລັບປີ 2017 ນີ້ ການເຄື່ອນໄຫວຂອງທັບນັກກິລາລາວ ເຂົ້າຮ່ວມແຂ່ງຂັນງານກິລາລະດັບພາກພື້ນ ແລະ ສາກົນ ງານໃຫຍ່ໆ ກໍ່ມີແຕ່ງານກິລາຊີເກມ ຄັ້ງທີ 29 ທີ່ປະເທດມາເລເຊຍ ເປັນເຈົ້າພາບ ເຊິ່ງຫາກໍ່ສຳເລັດໄປເມື່ອບໍ່ດົນມານີ້ ໂດຍສປປ ລາວ ສົ່ງຄະນະນຳ, ກຳມະການຕັດສິນ, ຄູເຝິກ ແລະ ນັກກິລາ ເຂົ້າຮ່ວມແຂ່ງຂັນທັງໝົດ 350 ຄົນ, ໃນນັ້ນ ສະເພາະທັບນັກກິລາລາວມີ 221 ຄົນ ຈາກ 22 ປະເພດກິລາ ປະກອບ​ມີ: ປັນ​ຈັສີ​ລັດ, ປິ່ງປ່ອງ, ມວຍ​ວູຊູ, ມວຍ​ສາກົນ, ມວຍ​ລາວ, ຍິງ​ທະນູ, ​ເປ​ຕັງ, ກະຕໍ້-ຊິນລອນ, ​ເທ​ຄວັນ​ໂດ, ​ແລ່ນ-ລານ, ​ເທັນ​ນິສ, ​ເຕະບານຊາຍ, ລອຍ​ນໍ້າ, ຣັກບີ້, ກາຣາ​ເຕ​ໂດ, ຢູ​ໂດ, ບິນລຽດ-ສະນຸກ​ເກີ, ຍິງ​ປືນ, ດອກ​ປີກ​ໄກ່, ບານບ້ວງ, ລົດຖີບ ​ແລະ ກິລາ​ກ໊ອຟ ຈາກການຊີງໄຊກັນທັງໝົດ 38 ປະເພດ ມີນັກກິລາເກືອບ 5 ພັນຄົນ ຈາກ 11 ປະເທດ ເຂົ້າຮ່ວມ ໂດຍຜົນງານຂອງທັບນັກກິລາລາວເຮົາ ແມ່ນສາມາດຍາດມາໄດ້ທັງໝົດ 2 ຫຼຽນຄຳ, 3 ຫຼຽນເງິນ ແລະ 21 ຫຼຽນທອງ ລວມ 26 ຫຼຽນ ຈັດຢູ່ອັນດັບ 9 ຂອງຕາຕະລາງ.

      ທ່ານ ສີຈັນ ຈິດຕະປັນຍາ ກ່າວອີກວ່າ: ຫຼັງຈາກສຳເລັດການແຂ່ງຂັນງານດັ່ງກ່າວ ກໍ່ໄດ້ຫ້າງຫາກະກຽມຈະສົ່ງ 3 ປະເພດກິລາ ເຂົ້າຮ່ວມແຂ່ງຂັນງານກິລາ ເອຊຽນ ອິນດໍ ເກມ ຄັ້ງທີ 5 ທີ່ປະເທດເຕິກເມນິສຖານ ເປັນເຈົ້າພາບ ລະຫວ່າງວັນທີ 17-27 ກັນຍາ 2017. ໃນນັ້ນ, ຈະສົ່ງກິລາມວຍລາວ ຊຸດຄວ້າ 2 ຫຼຽນທອງ ໃນກົວລາລໍາເປີ ເກມ ເຂົ້າຮ່ວມ 8 ຄົນ ແລະ ຄູເຝິກ 2 ຄົນ; ກິລາເທຄວັນໂດ 2 ຄົນ ແລະ ຄູເຝິກ 1 ຄົນ; ກິລາອີ-ສະປອດ (E-Sport) ເຊິ່ງເປັນກິລານ້ອງໃໝ່ ໃນການຫຼິ້ນເກມ ແບບເອເລັກໂທຣນິກ ຈໍານວນ 7 ຄົນ ເຂົ້າຮ່ວມແຂ່ງຂັນ. ເຊິ່ງປັດຈຸບັນນັກກິລາທັງ 3 ປະເພດດັ່ງກ່າວ ໄດ້ມີການເກັບຕົວເຝິກຊ້ອມຢ່າງເປັນປົກກະຕິ ແລະ ມີຄວາມພ້ອມແລ້ວ ທີ່ຈະເຂົ້າຮ່ວມແຂ່ງຂັນ.

ໂດຍ ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png