ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

​ ກອງ​ປະຊຸມ​ດັ່ງກ່າວ, ​ໄດ້​ຈັດ​ຂຶ້ນ​ໃນ​ວັນ​ທີ 18 ກັນຍາ ຜ່ານມາ ທີ່ກະຊວງສຶກສາທິການແລະກິລາ, ​ໂດ​ຍພາຍ​ໃຕ້​ການ​ເປັນ​ປະທານ​ຂອງສະຫາຍ ນາງ ປ້ອງມິ່ງ ສີສະຫວັດ ປະທານ​​ສະຫະພັນແມ່ຍິງຮາກ​ຖານສໍານັກ ກະຊວງສຶກສາທິການແລະ ກິລາ, ສະຫາຍ ນາງ ຈິດຕະກອນ ຈັນທະ​ມາ​ລິນ ຮອງ​ປະທານສະຫະພັນແມ່ຍິງຮາກ​ຖານສໍານັກ ກະຊວງ ສສກ, ມີບັນດາຫົວໜ້າໜ່ວຍສະຫະພັນແມ່ຍິງຫ້ອງການ, ກົມ, ສະຖາບັນ, ສູນ ແລະ ວິທະຍາໄລສົງອົງຕື້ ພ້ອມດ້ວຍສະມາຊິກສະຫະພັນແມ່ຍິງຮາກ​ຖານສໍານັກ ກະຊວງສຶກສາທິການແລະກິລາ ເຂົ້າຮ່ວມ.

ໃນກອງປະຊຸມ, ໄດ້ມີ​ການລາຍງານການເຄື່ອນໄຫວວຽກງານຂອງສະຫະພັນແມ່ຍິງຮາກຖານສຳນັກ ກະຊວງສຶກສາທິການ ແລະ ກິລາ ປະຈໍາ 3 ​​ເດືອນ (​ເດືອນ​ກໍລະກົດ ຫາ ​ເດືອນ​ກັນຍາ 2017), ​ໂດຍ​​ໄດ້ມີ​ຫຼາຍ​ວຽກ​ງານ​ທີ່​ພົ້ນ​ເດັ່ນ ​ເປັນ​ຕົ້ນ​ແມ່ນ ​ສະມາຊິກ​ແມ່ຍິງຈໍານວນ​ຫຼວງ​ຫຼາຍ ໄດ້​ເຂົ້າ​ຮ່ວມ​ກອງ​ປະຊຸມ​ບັ້ນ​ດໍາ​​ເນີນ​ຊີວິດ​ການ​ເມືອງ​ປັບປຸງ​ປົວ​ແປງ​ພາຍ​ໃນ​ທົ່ວ​ອົງຄະ​ນະ​ພັກ​ກະຊວງ ສສກ, ພ້ອມ​ທັງ​​ໄດ້​ປະກອບ​ຄໍາ​ຄິດ​ເຫັນ, ​ຕໍາ​ນິຕິ​ຊົມ​ຕົນ​ເອງ, ຕິ​ຊົມ​ເຊິ່ງກັນ​ ແລະ​ ກັນ ດ້ວຍ​ຫຼາຍ​ຮູບ​​ແບບ ​ເຮັດ​ໃຫ້​ເອື້ອຍ​ນ້ອງ​ແມ່ຍິງ​ເຫັນ​ໄດ້​ຈຸດ​ດີ ​ແລະ ຂໍ້​ຂາດ​ຕົກ​ບົກ​ຜ່ອງ​ຂອງ​ຕົນ​ເອງ ​ແລະ ໝູ່​ເພື່ອ​ນ ​ເພື່ອ​ຈະ​ໄດ້​ພ້ອມ​ກັນ​ແກ້​ໄຂ ​ແລະ ປ່ຽນ​ແປງ. ຄຽງ​ຄູ່​ກັນ​ນັ້ນ, ຍັງ​ໄດ້​ເປັນ​ເຈົ້າ​ການ​ໃນ​ການຈັດ​ຕັ້ງ​ກອງ​ປະຊຸມ​ສະຫຼຸບ 3 ປີ ​ແລະ ​ໄດ້​ຄັດ​ເລືອກ​ຜູ້​ເດັ້ນ​ປະ​ຈໍາ 3 ປີ ​ແລະ ມີ​ການ​ມອບ​ຮັບ​ຢ່າງ​ສົມ​ກຽດ. ພ້ອມ​ກັນ​ນັ້ນ, ຍັງ​ໄດ້​ວາງ​ແຜນ​ປະ​ຈໍາປີ 2017-2019 ​ແລະ ຍັງ​ໄດ້​ເຂົ້າ​ຮ່ວມ​ສະ​ເຫຼີ​ມສະຫຼອງວັນ​ສ້າງ​ຕັ້ງ​ແມ່ຍິງ​ລາວ ຄົບຮອບ 62 ປີ ​ໂດ​ຍສະ​ເພາະ​ ໄດ້​ໄປ​ທັດສະນະ​ສຶກສາ​ສະຖານ​ທີ່​ທ່ອງ​ທ່ຽວ​ສວນ​ນໍ້າ​ພູ​ເຂົາ​ຄວາຍ, ​ໄດ້​ຈັດ​ກິດຈະ​ກໍາ​ແຂ່ງຂັນ​ກິລາ​ສາ​ມັກຄີ ​ເພື່ອ​ຄໍານັບ​ຮັບ​ຕ້ອນວັນ​ສ້າງ​ຕັ້ງ​ແມ່ຍິງ​ລາວ ຄົບຮອບ 62 ປີ. ​ໃນ​ນັ້ນ, ​ເຫັນ​ວ່າ​ສະມາ​ຂິກ​ແມ່ຍິງ ​ໄດ້​ພ້ອມພຽງ​ຮຽງ​ໜ້າ​ກັນ​ຈັດ​ຕັ້ງ​ກັນຈັດຕັ້ງ​ກິດ​ຈະ​ກໍາ​ຢ່າງ​ເປັນ​ຂະ​ບວນການ​ຟົດ​ຟື້ນມ່ວນ​ຊື່ນ ແລະ ສະມາ​ຊິກ​ແມ່ຍິງ ຍັງ​ໄດ້​ເຂົ້າ​ຮ່ວມ​ທຸກຂະ​ບວນການ​ຕ່າງ​ໆທີ່​ທາງ 3 ອົງການ​ຈັດ​ຕັ້ງ​ມະຫາຊົນ ກະຊວງ​ສຶກສາ​ທິການ ​ແລະ ກິລາ ​ແລະ ອ້ອມ​ຂ້າງ​ກະຊວງ​ ຈັດ​ຂຶ້ນ.

ຂະນະ​ດຽວກັນ​ນີ້, ກະຊວງສຶກສາ​ທິການ ​ແລະ ກິລາ ຍັງ​​ໄດ້​ຮັບ​ການ​ປັບປຸງ​ກົນ​ຈັກ​ການຈັດ​ຕັ້ງ​ພາຍ​ໃນ​ກະຊວງ, ກົມ, ຫ້ອງການ, ສະ​ຖາ​ບັນ, ສູນ, ວິທະຍາ​ໄລ, ​ໂຮງງານ. ​ສະ​ເພາະ​ແມ່ຍິງ ກໍ່​ໄດ້​ມີ​ບົດ​ບາດ​ຂຶ້ນ​ໃນ​ການ​ຕັດສິນ​ບັນ​ຫາ​ຫຼາຍ​ໆສະຫາຍ ​ເປັນ​ຕົ້ນ​ແມ່ນ ​ເປັນ​ຫົວໜ້າກົມ 2 ສະຫາຍ ທີ່​ແຕ່ງ​ຂຶ້ນ​ໃໝ່, ມີ 6 ສະຫາຍ ຖືກ​ແຕ່ງ​ຕັ້ງ​ເປັນ​ຮອງ​ຫົວໜ້າ​ກົມ ​ແລະ ມີ​ຫຼາຍ​ສະຫາຍ ​ໄດ້​ຂຶ້ນ​ເປັນ​ຫົວໜ້າ​ພະ​ແນ​ກ, ຄະນະ​ພະ​ແນ​ກ, ຫົວໜ້າ​ຂະ​ແໜງ​ ​ແລະ ຕໍ່ໜ້າ​ກໍ່​ຈະ​ຄ່ອຍກໍ່​ສ້າງ​ປັບປຸງໄປຕື່ມ​ອີກ.

ນອກຈາກ​ນີ້, ກອງ​ປະຊຸມ​ຍັງ​ໄດ້​ຮັບ​ຟັງສະພາບ​ທີ່​ພົ້ນ​ເດັ່ນ​ຂອງ​ແຕ່ລະ​ໜ່ວຍ, ຄວາມ​ຄືບ​ໜ້າ​ຂອງ​ການ​ສະຫຼຸບ​ການຈັດ​ຕັ້ງ​ປະຕິບັດ​ຂະ​ບວນການ​ແຂ່ງຂັນ 3 ດີ ​ເຄິ່ງສະ​ໄໝ ​ໄລຍະ 5 ຂອງ​ອົງການ​ຈັດ​ຕັ້ງ​ມະຫາຊົນ​ພາຍ​ໃນ​ສໍານັກ​ກະຊວງ ​ແລະ ປຶກສາ​ຫາລື​ບັນຫາອື່ນໆ ທີ່ເຫັນວ່າຍັງຄົງຄ້າງ ເພື່ອຫາວິທີແກ້ໄຂປັບປຸງໃຫ້ດີຂຶ້ນກວ່າເກົ່າ.

ໂດຍ: ສາວບ້ານທົ່ງ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png