ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ເມື່ອວັນທີ 17 ກັນຍາ ຜ່ານມາ ໄດ້ມີການແຂ່ງຂັນເຮືອສູດຍາວ 55 ສີພາຍ ແລະ ເຮືອກິລາ 12 ສີພາຍ ໂດຍໃຫ້ກຽດມອບລາງວັນຂອງທ່ານ ບຸນທາມ ພຸດທະວົງສາ ເຈົ້າເມືອງຫາດຊາຍຟອງ, ທ່ານ ຖະໜອມ ທຳທອງ ເຈົ້າເມືອງໄຊເຊດຖາ, ທ່ານ ຄຳສະຫວັນ ໂຄດໄຊ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ທ່ານ ນາງ ສຸດສະດາຈັນ ພັນນິວົງ ຮອງປະທານບໍລິສັດ ອິນແປງກຣຸບ,ມີຮອງເຈົ້າເມືອງ, ຫົວໜ້າ-ຮອງຫົວໜ້າຫ້ອງການ, ຂະແໜງການອ້ອມຂ້າງເມືອງ ແລະ ຄະນະນຳເຮືອຊວງ ຕະຫຼອດຮອດສີພາຍ ແລະ ພໍ່-ແມ່ຊາວນະຄອນຫຼວງວຽງຈັນ ກໍ່ຄື ຊາວເມືອງຫາດຊາຍຟອງ ແລະ ຊາວຕ່າງປະເທດເຂົ້າຮ່ວມຢ່າງຫຼວງຫຼາຍ.

      ການແຂ່ງຂັນຄັ້ງນີ້, ຈັດຂຶ້ນເພື່ອເປັນການປະຕິບັດຕາມຮີດຄອງ ປະເພນີທີ່ມີມາຍາວນານ​ ​ພ້ອມ​ທັງ​ເປັນ​ການປຸກລະດົມພໍ່-ແມ່ປະຊາຊົນ ແລະ ລູກຫຼານຂອງຊາວເມືອງຫາດຊາຍຟອງ ຮັກສາມູນເຊື້ອຕໍ່ກັນໄປ ອີກດ້ານໜຶ່ງກໍ່ຍັງເປັນການເຜີຍແຜ່ວັດທະນະທຳຂອງຊາດ, ສົ່ງເສີມການທ່ອງທ່ຽວພາຍ​ໃນ ​ແລະ ຕ່າງປະ​ເທດ​ເຂດບ້ານ​ໃກ້​ເຮືອນຄຽງ.​ໂດຍການແຂ່ງຂັນເຮືອສູດຍາວມີເຮືອເຂົ້າຮ່ວມທັງໝົດ 9 ລຳ ແບ່ງອອກເປັນ 2 ກຸ່ມ ຄື: ກຸ່ມ ກ ມີ ເຮືອຄອນສະຫວັນ 99, ນາວາສັກສິດ, ພອນພະແກ້ວ, ເທບທິດາສ້ອຍຟ້າ ແລະ ບໍລິສັດ ແສງເພັດ ກໍ່ສ້າງ. ສ່ວນກຸ່ມ ຂ ມີເຮືອສາຍຟ້າ, ສາງທ່ານາແລ້ງ, ໂຄກຊາຍ ແລະ ຊຽງຄວນ.ສະ​ເພາະເຮືອກິລາມີ 10 ລຳ ແບ່ງອອກເປັນ 2 ກຸ່ມ ຄື​: ກຸ່ມ ກ ມີ ເທບທິດາສ້ອຍຟ້າ, ພະຍາເຫົ່າດົງ, ເທບທະນາກອນ, ເທບນາຄາ ແລະ ພະຍານາຄະຣາຊ. ຂະນະທີ່ ກຸ່ມ ຂ ມີ ນາວາສັກສິດ, ທິດາວຽງຈັນ, ນາວາເທບ, ສຸກສາຄອນເທວາ ແລະ ຫວຍເລກ 3. ທັງ 2ປະເພດດັ່ງກ່າວ, ແຕ່ລະກຸ່ມ​ແມ່ນແຂ່ງຂັນ ​ແບບພົບກັນໝົດ ​ແລ້ວຄັດເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ.

ຜ່ານການແຂ່ງຂັນນັດຊີງຊະນະເລີດເຮືອສູດຍາວ ທີ່​ມີ​ໄລຍະຊວງກັນໃນ 1 ພັນແມັດ ​ແມ່ນເປັນຝ່າຍເຮືອເມືອງໄຊເຊດຖາ ອອກແຮງຈ້າວບຶດຈຳບຶດແຊງເຮືອນາວາສັກສິດ ເຂົ້າເສັ້ນໄຊໄປແບບຫົວເຮືອໜຶ່ງ ໄດ້ຄອງຂັນຊະນະເລີດລາຍການນີ້ໄປຄອງ ພ້ອມຮັບເງິນລາງວັນ 12 ລ້ານກີບ. ສ່ວນ ນາວາສັກສິດ ໄດ້ຮັບຂັນ ແລະ ເງິນສົດ 10 ລ້ານກີບ, ອັນດັບ 3 ເຮືອຊຽງຄວນ ໄດ້ຮັບຂັນ ແລະ ເງິນສົດ 8 ລ້ານກີບ ແລະ ເຮືອສາຍຟ້າ ໄດ້ຮັບເງິນລາງວັນຊົມເຊີມ 6 ລ້ານກີບ.

ສ່ວນເຮືອກິລາ ທີ 1 ຕົກເປັນຂອງເຮືອສຸກສາຄອນ ໄດ້ຮັບເງິນລາງວັນ 3 ລ້ານກີບ ພ້ອມຂັນລາງວັນ 1 ໜ່ວຍ, ທີ 2 ເຮືອນາວາສັກສິດ ໄດ້ຮັບເງິນລາງວັນ 2,5 ລ້ານກີບ ພ້ອມຂັນລາງວັນ 1 ໜ່ວຍ, ອັນດັບທີ 3 ເຮືອເທບທິດາສ້ອຍຟ້າ ໄດ້ຮັບເງິນລາງວັນ 2 ລ້ານກີບ ພ້ອມຂັນລາງວັນ 1 ໜ່ວຍ ແລະ ອັນດັບທີ 4 ເຮືອເທບນາຄາ ໄດ້ລາງວັນເງິນ 1,5 ລ້ານກີບ. ຂະນະທີ່ ລາງວັນເຮືອນອນທ່າ ໄດ້ຮັບລຳລະ 3 ແສນກີບ.

ໂດຍ ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png