ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

      ເມື່ອຕອນແລງວັນທີ 18 ກັນຍາ ຜ່ານມາ ທີ່ຂົວມິດຕະພາບ ລາວ-ໄທ (ເລກ1)ນະຄອນຫຼວງວຽງຈັນແລະແຂວງໜອງຄາຍປະເທດໄທ, ທັບນັກກິລາເປຕັງທີມຊາດລາວ ໄດ້ມີພິທີຕ້ອນຮັບທັບນັກກິລາເປຕັງທີມຊາດລາວທີ່ເດີນທາງຈາກນະຄອນໂຮຈິມິນ ສສ ຫວຽດນາມ ພາຍຫຼັງໄປສ້າງຜົນງານໂດຍການຄວ້າ 2 ຫຼຽນຄຳ ໃນລາຍການ11 th PanPacific Petanque Championship/26th HCMC Labour Cuture Palace International Open ທີ່ນະຄອນໂຮຈິມິນ ສສ ຫວຽດນາມ ລະຫວ່າງວັນທີ 16-17 ກັນຍາຜ່ານມາ. ​ໂດຍໃຫ້ການຕ້ອນຮັບຢ່າງອົບອຸ່ນຂອງທ່ານ ວິທະວັດ ເທບພິທັກ ຮອງປະທານສະຫະພັນເປຕັງແຫ່ງຊາດລາວ ແລະ ທ່ານ ສົມຫວັງ ພັນນະວົງ ປະທານສະຫະພັນເປຕັງນະຄອນຫຼວງວຽງຈັນ ພ້ອມດ້ວຍຄະນະບໍລິຫານງານສະຫະພັນ, ພໍ່-ແມ່ຜູ້ປົກຄອງນັກກິລາ, ຄູເຝິກ ແລະ ນັກກິລາເຂົ້າຮ່ວມ.

ໃນໂອກາດນີ້, ທ່ານ ວິທະວັດ ເທບພິທັກ​ໄດ້ໃຫ້ສຳພາດວ່າ: ປີນີ້ ເປັນປີຄຳ ແລະ ພິເສດທີ່ສຸດທີ່ທັບນັກກິລາເປຕັງທີມຊາດລາວ ທັງຊາຍ ແລະ ຍິງ ສາມາດສ້າງຜົນງານໄດ້ຢ່າງໂດດເດັ່ນໃນລະດັບພາກພື້ນ ແລະ ສາກົນ ໂດຍການຄວ້າ 1 ຫຼຽນຄໍາ, 1 ຫຼຽນເງິນ ແລະ 3 ຫຼຽນທອງ ໃນຊີເກມ ຄັ້ງທີ 29 ທີ່ປະເທດມາເລເຊຍ ເມື່ອບໍ່ດົນມານີ້ ແລະ ຫຼ້າສຸດ ກໍ່ໄດ້ສົ່ງເຂົ້າຮ່ວມແຂ່ງຂັນລາຍການ11 th PanPacific Petanque Championship/26th HCMC Labour Cuture Palace International Open ທີ່ນະຄອນໂຮຈິມິນ ສສ ຫວຽດນາມ ລະຫວ່າງວັນທີ 16-17 ກັນຍາຜ່ານມາ,ເຊິ່ງມີນັກກິລາຈາກ 8 ປະເທດໃນຂົງເຂດເອເຊຍເຂົ້າຮ່ວມ,ລວມມີ 28 ທີມ.ສຳລັບນັກກິລາລາວ ໄດ້ສົ່ງນັກກິລາ 4 ຄົນລົງສະໜາມຊີງໄຊ 2 ລາຍການ. ຜ່ານການແຂ່ງຂັນເຫັນ່າ ທັບນັກກິລາລາວ ສາມາດຍາດໄດ້ 2 ຫຼຽນຄຳ ຈາກປະເພດທີມຊຸດຊາຍ ແລະ ດ່ຽວຊຸດຕິງຊາຍ. ພ້ອມ​ດຽວກັນ​ນີ້, ໃນຕົ້ນເດືອນຕຸລາ 2017, ສປປ ລາວ ຈະໄດ້ສືບຕໍ່ຮັບກຽດເປັນເຈົ້າພາບ ຈັດການແຂ່ງຂັນລາຍການ ຊີງແຊ໋ມອາຊຽນ ແລະ ຊີງແຊ໋ມເອເຊຍ.

ໂອກາດດຽວກັນ, ທ່ານ ຄຳເກີດ ຟອງສານຸວົງ ປະທານສະໂມສອນເປຕັງ ດອນຝ້າຍ ຜູ້ປົກຄອງຂອງທ້າວ ໂຊກອານັນ ຟອງສານຸວົງ ກໍ່ໄດ້ກ່າວຮູ້ສຶກພາກພູມໃຈເປັນຢ່າງຍິ່ງຕໍ່ຜົນງານລູກຊາຍທີ່ສ້າງກຽດ ແລະ ຊື່ສຽງໃຫ້ແກ່ປະເທດຊາດ ໃນການເຂົ້າຮ່ວມ ກົວລາລຳເປີ ເກມ ໂດຍການ ສາມາດພາທີມຄວ້າຫຼຽນເງິນມາຄອງ.ສ່ວນໃນລາຍການນີ້ ກໍ່ສາມາດຄວ້າຫຼຽນຄຳມາຄອງໄດ້ສຳເລັດ. ແນວໃດກໍ່ຕາມ, ຈາກຜົນງານດັ່ງກ່າວຍັງຈະສືບຕໍ່ໃຫ້ການສະໜັບສະໜູນສົ່ງເສີມຢ່າງສຸດຂີດ ໃນສິ່ງທີ່ລູກມັກ ແລະ ໄຝ່ຝັນມາດົນກໍ່ຄືການຢາກຕິດທີມຊາດ ເພື່ອສ້າງກຽດ ແລະ ຊື່ສຽງໃຫ້ແກ່ປະເທດຊາດ.

ສຳລັບລາຍຊື່ຄະນະນຳ, ຄູເຝິກ ແລະ ນັກກິລາ ຊຸດເຂົ້າຮ່ວມແຂ່ງຂັນ ທີ່ນະຄອນໂຮຈິມິນ ສສ ຫວຽດນາມ ປະກອບມີ ທ່ານ ຄຳຫຼ້າ ວິນໄລທອງ ປະທານສະຫະພັນເປຕັງແຫ່ງຊາດ ເປັນຄະນະນຳ.ສ່ວນນັກກິລາທີ່ສາມາດຄວ້າຫຼຽນຄຳ ປະເພດທີມຊຸດຊາຍ ມີ ທ້າວ ໂຊກອານັນ ຟອງສານຸວົງ, ທ້າວ ພຸດທະລາ ແກ້ວກັນນິກາ ແລະ ທ້າວ ຂະລຸຍ ເພັດວາລີ. ຂະນະທີ່ ປະເພດຊຸດຕິງດ່ຽວຊາຍ ແມ່ນທ້າວ ຄໍາເຫຼັກ ໄຊຍະແສງ.

ໂດຍ ອ້ວນດຳ

 

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png