ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ພິທີ​ຍ້ອງຍໍ ຮີໂຣຫຼຽນຄຳຂອງທັບນັກກິລາທີມຊາດລາວຄັ້ງນີ້, ໄດ້​ຈັດ​ຂຶ້ນ​ ເມື່ອຕອນ​ເຊົ້າ​ວັນ​ທີ 15 ກັນຍາ ຜ່ານມາ ທີ່​ສະ​ໂມ​ສອນ​ໂຮງຮຽນ ມສ ອົງ​ແກ້ວ ​ແຂວງ​ສາລະ​ວັນ​, ໃຫ້ກຽດເຂົ້າ​ຮ່ວມຂອງ​ທ່ານ ຄຳ​ຈັນ​ ​ແຈ່ມ​ສະໝອນ ຄະນະ​ປະຈຳ​ພັກ​ແຂວງ ປະທານກວດກາແຂວງ, ທ່ານ ສີ​ລິ​ສັກ ຖະໜອມ​ຮັກ ຮອງ​ປະທານ​ສະມາຄົມ​ກິລາ-ກາ​ຍະ​ກຳແຂວງ, ທັງເປັນຫົວໜ້າພະແນກສຶກສາທິການ ແລະ ກິລາແຂວງ, ທ່ານ ເດດສຸວັນ ມະໄລທອງ ປະທານສະຫະພັນກິລາເປຕັງແຂວງ ທັງເປັນຫົວໜ້າບໍລິສັດໄຟຟ້າລາວ ສາຂາແຂວງສາລະວັນ, ມີບັນດາປະທານສະຫະພັນກິລາປະເພດຕ່າງໆ, ພະແນກການອ້ອມຂ້າງແຂວງ, ບໍລິສັດ-ລັດວິສາຫະກິດ ພາກລັດ ແລະ ເອກະຊົນ, ພໍ່-ແມ່ຜູ້​ປົກຄອງ, ພະນັກງານ, ຄູ-ອາຈານ ແລະ ນັກຮຽນເຂົ້າຮ່ວມ.

ໂອກາດນີ້, ທ່ານ ຄຳຈັນ ແຈ່ມສະໝອນ ໄດ້ກ່າວສະແດງຄວາມຍ້ອງຍໍ ຊົມເຊີຍຕໍ່ ຈັນສະໝອນ ວົງສະຫວັດ ນັກກິລາເປຕັງທີມຊາດລາວ ທີ່ສ້າງຜົນງານໂດດເດັ່ນສາມາດຍາດຫຼຽນຄໍາ ໃນກົວລາລຳເປີ ເກມ ຄັ້ງທີ 29 ຢ່າງສົມສັກສີ, ເຊິ່ງເປັນຜົນງານທີ່ສ້າງຊື່ສຽງ ​ແລະ ກຽດຕິຍົດໃຫ້ແກ່ປະເທດຊາດ ກໍ່ຄື ແຂວງສາລະວັນ ຢ່າງໜ້າພູມໃຈຫາອັນປຽບບໍ່ໄດ້ ແລະ ຜົນງານຄັ້ງນີ້ ໄດ້ອ້າງອີງ ໃຫ້​ເຫັນ​ເຖິງການພັດທະນາ ວຽກງານກິລາ ພາຍໃນແຂວງເຕີບໃຫຍ່ຂະຫຍາຍຕົວ ຢ່າງກວ້າງຂວາງ ແລະ ເປັນແບບຢ່າງທີ່ດີໃຫ້ແກ່ນັກກິລາຮຸ່ນສືບທອດ ຫັນມາຫຼິ້ນກິລາເພື່ອຫ່າງໄກຈາກບັນຫຍໍ້ທໍ້ຕ່າງໆ. ແນວໃດກໍ່ຕາມ, ຂໍໃຫ້ສືບຕໍ່ຮັກສາ ມູນເຊື້ອ ພ້ອມທັງຖ່າຍທອດ ຄວາມຮູ້ຄວາມສາມາດຂອງຕົນ ​ເພື່ອສ້າງຄົນຮຸ່ນຫຼັງໃຫ້ກາຍເປັນນັກກິລາດີເດັ່ນ ໃຫ້ແກ່ປະເທດຊາດໃນອະນາຄົດ.

ພ້ອມ​ນັ້ນ, ນາງ ຈັນສະໝອນ ວົງສະຫວັດ ກໍ່ໄດ້ສະແດງຄວາມ ຮູ້ບຸນຄຸນຕໍ່ພັກ-ລັດທີ່ໃຫ້ໂອກາດໃນການໄດ້ນຳໃຊ້ຄວາມສາມາດທີ່ຕົນເອງມີ ສ້າງຄວາມພູມໃຈໃຫ້ປະຊາຊົນຊາວລາວ ແລະ ຊາວແຂວງສາລະວັນ ພ້ອມທັງໄດ້ຝາກເຖິງນ້ອງ ນັກຮຽນໄວໜຸ່ມ ທີ່ກຳລັງສຶກສາຮ່ຳຮຽນ ຈົ່ງໃຊ້ເວລາຫວ່າງໃຫ້ເກີດປະໂຫຍດ ຫັນມາຫຼິ້ນກິລາ ເພື່ອຫ່າງໄກຈາກສິ່ງເສບຕິດ ແລະ ຈົ່ງຕັ້ງໃຈສຶກສາຮ່ຳຮຽນສ້າງຄວາມພາກພູມໃຈໃຫ້ກັບສັງຄົມ.

ສຳລັບນາງ ຈັນສະໝອນ ວົງສະຫວັດ ເລີ່ມຫຼິ້ນກິລາຕັ້ງແຕ່ອາຍຸ 11 ປີ ມາຮອດປີ 2004 ໄດ້ຖືກຄັດເລືອກ ເປັນທີມປະສົມແຂວງສາລະວັນຊຸດໃຫຍ່ ແລະ ໄດ້ເຂົ້າຮ່ວມງານແຂ່ງຂັນ ກິລາເປຕັງລະດັບຊາດ ມາຫຼາຍລາຍການ ແລະ ກໍ່ສາມາດຍາດໄດ້ຫຼຽນຄຳ, ຫຼຽນເງິນ ແລະ ຫຼຽນທອງ ໂດຍສະເພາະໃນປີ 2005 ໄດ້ຖືກຄັດເລືອກເປັນນັກກິລາເປຕັງ ທີມຊາດລາວເປັນຄັ້ງທຳອິດ ເຂົ້າຮ່ວມແຂ່ງຂັນລະດັບ ອະນຸພາກພື້ນ ແລະ ສາກົນ ສາມາດສ້າງກຽດຊື່ສຽງມາ ໃຫ້ຊາດລາວໃນເວທີສາກົນ, ພ້ອມ​ທັງໄດ້ຮັບການຍ້ອງຍໍ ຈາກພັກ-ລັດຖະບານຢ່າງ ຫຼວງຫຼາຍ, ເຊິ່ງລວມຫຼຽນທີ່ໄດ້ຮັບທັງໜົດ 47 ຫຼຽນ. ໃນນັ້ນ, ຫຼຽນຄຳ 20 ຫຼຽນ, ຫຼຽນເງິນ 9 ຫຼຽນ ແລະ ຫຼຽນທອງ 18 ຫຼຽນ.

ຫຼັງຈາກນັ້ນ, ທ່ານ ຄໍາຈັນ ແຈ່ມສະໝອນ ກໍ່ຍັງໄດ້ມອບເງິນອັດສີດ ຈຳນວນ 1.150.000 ກີບ, ທ່ານ ສີລິສັກ ຖະໜອມຮັກ ຈໍານວນ 1.000.000 ກີບ, ທ່ານ ເດດສຸວັນ ມະໄລທອງ ຈໍານວນ 2.000.000 ກີບ ພ້ອມດ້ວຍພະແນກ ການ ອ້ອມຂ້າງແຂວງ ແລະ ໂຮງຮຽນ 2 ແຫ່ງ ລວມມູນຄ່າອັດສີດທັງໜົດ 8.750.000 ກີບ.

ບົດຂ່າວໂດຍ ແຫຼັງຄຳ ບຸດນາໂຄກ, ຮຽບຮຽງໂດຍ ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png