ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ໃນວັນທີ 18 ກັນຍາ ຜ່ານມາ ທີ່ຫ້ອງປະຊຸມກະຊວງສຶກສາທິການ ແລະ ກິລາ (ເຂດສະໜາມກິລາເຈົ້າອະນຸວົງ) ໄດ້ມີພິທີລົງນາມການມອບ-ຮັບປາກະປ່ອງ ແລະ ເຂົ້າສານ (​ເຂົ້າຈ້າວ) ​ເປັນ​ການຊ່ວຍເຫຼືອລ້າຈາກລັດຖະບານຍີ່ປຸ່ນໃຫ້ແກ່ແຜນງານອາຫານໃນໂຮງຮຽນ ໂດຍຜ່ານອົງການອາຫານໂລກ, ເປັນກຽດຮ່ວມລົງນາມຂອງທ່ານ ເຫຼົາ ໂຮຣິ ສະມາຊິກສະພາ, ທັງ​ເປັນຮອງລັດຖະມົນຕີ ກະຊວງການຕ່າງປະເທດຍີ່ປຸ່ນ ແລະ ທ່ານ ຮາຄານ ຕົງກູນ ຮອງຜູ້ອໍານວຍການອົງການອາຫານໂລກ, ມີທ່ານ ປອ. ບຸນ​ປັນ ໄຊມຸນຕີ ຫົວໜ້າກົມແຜນການ ກະຊວງສຶກສາທິການ ແລະ ກິລາ, ທ່ານ ສະຫວັນ ຫານພົມ ຮອງຫົວໜ້າກົມແຜນການ ແລະ ການເງິນ ກະຊວງກະສິກໍາ ແລະ ປ່າໄມ້ ແລະ ທ່ານ ທາເກຊິ ເອກອັກຄະລັດຖະທູດຍີ່ປຸ່ນປະຈໍາສປປລາວ, ພ້ອມ​ດ້ວຍພະນັກງານ, ວິຊາການເຂົ້າຮ່ວມເປັນສັກຂີພິຍານ.

ລັ​ດຖະບານ​ປະ​ເທດຍີ່​ປຸ່ນ ​ໄດ້​ເຊັນສັນຍາ​ໃຫ້ການ​ຊ່ວຍ​ເຫຼືອ​​ອາຫານ​​​ທ່ຽງ​​ແກ່​ນ້ອງ​ນັກຮຽນ ຈຳນວນ 1.450 ​ໂຮງຮຽນ ​​​ໃນ 32 ​ເມືອງ​ເປົ້າ​ໝາຍຢູ່ 7 ​ແຂວງຂອງ ສປປ ລາວ ​ຄື: ແຂວງຜົ້ງ​ສາ​ລີ, ອຸດົມ​ໄຊ, ຫຼວງ​ນໍ້າ​ທາ, ຫຼວງ​ພະ​ບາງ,  ສາລະ​ວັນ, ​ເຊ​ກອງ ​ແລະ ​ແຂວງອັ​ດຕະ​ປື ລວມມູນ​ຄ່າ ປະມານ 26 ຕື້ກວ່າກີບ (350 ລ້ານ​ເຢັນ ສະກຸນ​ເງິນ​ຍີ່​ປຸ່ນ ຫຼື ປະມານ 3,2 ລ້ານ​ໂດ​ລາ​ສະຫະລັດ) ໂດຍປະກອບ​ມີ ປາກະປ່ອງ ຈໍານວນ 460 ​ໂຕນ ​ແລະ ​ເຂົ້າ​ສານ​ (ຈ້າວ) 250 ​ໂຕນ, ເຊິ່ງໂຄງການ​​ດັ່ງກ່າວ, ຈະ​ໄດ້​ຈັດ​ຕັ້ງຜ່ານ​ອົງການ​ອາຫານ​ໂລກ.

ໂອກາດດັ່ງກ່າວ, ທ່ານ ປອ. ບຸນ​ປັນ ​​ໄຊ​ມຸນຕີ ໄດ້ຕາງໜ້າກະຊວງ​ສຶກສາ​ທິການ ​ແລະ ກິລາ ກໍ່ຄື​ ລັດຖະບານ​ລາວ ກ່າວໃຫ້ຮູ້ກ່ຽວກັບການ​ລຶບລ້າງ​ການ​ຂາດ​ອາຫານ​ ແມ່ນ​ໜຶ່ງ​ໃນ​ບັນຫາ​ທາງ​ດ້ານ​ນະ​ໂຍບາຍ​ທີ່​ສໍາຄັນ​ຂອງ ສປປ ລາວ ທີ່​ຕ້ອງ​ຮັບປະກັນ​ວ່າ ​ແຜນ​ງານ​ເຫຼົ່າ​ນັ້ນ​ຖືກ​ຈັດ​ຕັ້ງ​ປະຕິບັດ​ດ້ວຍ​ວິທີ​ການ​ທີ່​ມີ​ຄວາມ​ຍືນ​ຍົງ ດ້ວຍ​ການ​ລິເລີ່​ມ ​ແລະ ຄວາມ​ເປັນ​ເຈົ້າ​ການ​ຂອງ​ຊຸມ​ຊົນ. ​ການ​ຊ່ວຍ​ເຫຼືອ​ອາຫານ​​ ​ແມ່ນ​ແຜນ​ງານ​ອາຫານ​ທ່ຽງ​ສໍາລັບ​ນ້ອງ​ນັກຮຽນ​ໃນ​ເຂດ​ທີ່​ບໍ່​ມີ​ອາຫານ​ໃນ​ໂຮງຮຽນ ໂດຍ​ສະ​ເພາະແມ່ນ​ເຂດທີ່ຢູ່​ຫ່າງ​ໄກ​ສອກ​ຫຼີກ ຈຳນວນ 32 ​ເມືອງ​ເປົ້າ​ໝາຍ ​ໃນ 7 ​​ແຂວງ​ທົ່ວ​ປະ​ເທດ, ເຊິ່ງຈະ​ມີ​ຜູ້​ໄດ້​ຮັບ​ຜົນ​ປະ​ໂຫຍ​ດຫຼາຍ​ກວ່າ 62.500-140.000 ​ຄົນ. ນອກຈາກນີ້, ລັດຖະບານ​ຍີ່ປຸ່ນ​ ຍັງມີ​ເປົ້າ​ໝາຍ​ພັດທະນາ​ຂີດ​ຄວາມ​ສາ​ມາດ​ໃຫ້​ປະຊາ​ຊົນ​ລາວ​, ໂດຍ​ຄຽງ​ຄູ່​ກັບ​ການ​ໃຫ້​ທຶນ​ການ​ສຶກສາ​ໃນ​ທຸກ​ລະດັບ​ແກ່​ນັກ​ສຶກສາລາ​ວ ​ເພື່ອ​ສາມາດ​ພັດທະນາເສດຖະກິ​ດ-ສັງຄົມ ແລະ ການຫຼຸດພົ້ນຈາກ​ຄວາມທຸກ​ຍາກ ​ໃນ​ປີ 2020.

ສຳລັບການຊ່ວຍເຫຼືອທາງດ້ານການສະໜອງອາຫານແກ່ຊຸມຊົນ ແລະ ໂຮງຮຽນ ພາຍໃນເຂດຊົນນະບົດຂອງ ສປປ ລາວ ຈໍານວນ​ດັ່ງກ່າວ​ນີ້, ຍັງ​ຈະ​ໄດ້ມີ​ການ​ຮ່ວມ​ມືກັບກະຊວງ​ສຶກສາ​ທິການ ​ແລະ ກິລາ ​ແລະ ກະຊວງ​ກະສິກຳ ​ແລະ ປ່າ​ໄມ້ ​​ເພື່ອ​ນຳ​​ໄປ​ແຈກ​ຢາຍ​ໃນ​ຂັ້ນ​ຕອນ​ຕໍ່​ໄປ.

(ສາວສະຫວັນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png