ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ການມອບ-ຮັບໜ້າທີ່ຜູ້ບໍລິຫານລະດັບສູງ ພາຍໃນກະຊວງສຶກສາທິການ ແລະ ກິລາຄັ້ງນີ້, ປະກອບມີ ຫົວໜ້າຫ້ອງການກະຊວງ, ຫົວໜ້າກົມຈັດຕັ້ງ-ພະນັກງານ, ກົມພົວພັນຕ່າງປະເທດ, ກົມກວດກາ, ກົມການເງິນ ແລະ ຜູ້ອໍານວຍ ການ ສະຖາບັນ.​ໃນ​ນີ້, ທ່ານ ຮສ.ປອ ສີສະໝອນ ສິດທິຣາດວົງສາ ຫົວໜ້າຫ້ອງການກະຊວງ ​ໄດ້ມອບໜ້າທີ່ວຽກງານຕ່າງໆຂອງຫ້ອງການໃຫ້ແກ່ທ່ານ ນາງ ຂັນທະລີ ສີຣິພົງພັນ ຮັບຜິດຊອບເປັນຫົວໜ້າ ຫ້ອງການກະຊວງ; ທ່ານ ຈັນສະໝຸດ ແກ້ວສຸດທາ ຫົວໜ້າ ກົມຈັດຕັ້ງ-ພະນັກງານ ມອບໜ້າ ທີ່ວຽກງານຂອງກົມຈັດຕັ້ງໃຫ້ແກ່ທ່ານ ນາງ ວຽງແກ້ວ ພົມມະວົງ ເປັນຜູ້ວ່າການ ຫົວໜ້າກົມຈັດຕັ້ງ-ພະນັກງານ; ທ່ານ ປອ. ຈັນທະວອນ ພັນດໍານອງ ຫົວໜ້າ ກົມ​ພົວພັນ​ຕ່າງປະ​ເທດ ມອບໜ້າທີ່ວຽກງານ ຂອງກົມພົວພັນຕ່າງປະເທດໃຫ້ແກ່ ທ່ານ ຮສ.ປອ ສີສະໝອນ ສິດທິຣາດວົງສາ ເປັນຫົວໜ້າກົມພົວພັນ ຕ່າງປະເທດ; ທ່ານ ນາງ ຂັນທະລີ ສີຣິພົງພັນ ຫົວໜ້າກົມກວດກາ ມອບໜ້າທີ່ວຽກງານ ຂອງກົມກວດກາໃຫ້ແກ່ທ່ານ ສີຊະນະ ບຸບຜາ ເປັນຫົວໜ້າກົມກວດກາ; ທ່ານ ສີຊະນະ ບຸບຜາ ຫົວໜ້າກົມການເງິນ ມອບໜ້າທີ່ວຽກງານ ຂອງກົມການເງິນ ໃຫ້ແກ່ທ່ານ ນາງ ດາລາ ພະກອນຄໍາ ເປັນຜູ້ວ່າການຫົວໜ້າກົມ ການເງິນ ແລະ ທ່ານ ສຸລິຄໍາກອນ ສີສຸລາດ ຜູ້ວ່າການອໍານວຍການ ສະ​ຖາ​ບັນພັດທະນາການບໍລິຫານການສຶກສາ ມອບໜ້າທີ່ວຽກງານ ຂອງສະຖາບັນພັດທະນາ ການບໍລິຫານ ການສຶກສາໃຫ້ແກ່ທ່ານ ຈັນສະໝຸດ ແກ້ວສຸດທາ ເປັນຜູ້ອໍານວຍການສະ​ຖາ​ບັນການພັດທະນາ ການບໍລິຫານການສຶກສາ ກະຊວງສຶກສາທິການ ແລະ ກິລາ. ສ່ວນລາຍລະອຽດຂອງວຽກງານຕ່າງໆ ທີ່ຫົວໜ້າຫ້ອງການ, ຫົວໜ້າກົມຈັດຕັ້ງ-ພະນັກງານ, ກົມພົວພັນຕ່າງປະເທດ, ກົມກວດກາ, ກົມການເງິນ ແລະ ຜູ້ອໍານວຍການສະຖາບັນ ທີ່ຈະສືບຕໍ່ນັ້ນໃຫ້ປະຕິບັດຕາມພາລະບົດບາດ ຂອງພາກສ່ວນດັ່ງກ່າວທີ່ໄດ້ກໍານົດໄວ້ ແລະ ປະຕິບັດ ຕາມເອກະສານ ຕ່າງໆ ທີ່ສະຫຼຸບສັງລວມໄວ້.

ໂອກາດນີ້, ທ່ານ ຮສ.ປອ ກອງສີ ແສງມະນີ ໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຄະນະ​ນຳ​ດັ່ງກ່າວ ທີ່ໄດ້ຮັບການແຕ່ງຕັ້ງ, ຍົກຍ້າຍໃຫ້ເຮັດໜ້າທີ່ໃໝ່ ພ້ອມທັງເນັ້ນ ໃຫ້ຜູ້ທີ່ເປັນຫົວໜ້າ ຕ້ອງສະແດງຄວາມ ເປັນແບບຢ່າງ ແຕ່ບໍ່ແມ່ນຜະເດັດການ ຫຼື ອາດຍາສິດ, ຕ້ອງຫ້າວຫັນ, ມີຫົວຄິດປະດິດສ້າງ, ກ້າຕັດສິນໃຈໃນຂອບເຂດທີ່ຕົນຮັບຜິດຊອບ, ຜິດຕ້ອງຍອມຮັບ, ຖືກຕ້ອງຍ້ອງຍໍຊົມເຊີຍ ແລະ ບັນດາສະຫາຍທີ່ໄດ້ຖືກຍົກຍ້າຍ ແລະ ຜູ້ຮັບໜ້າທີ່ໃໝ່ ຂໍໃຫ້ມີຄວາມຕັດສິນໃຈຢ່າງເດັດດ່ຽວ ເພື່ອ​ເຮັດໃຫ້ວຽກງານການສຶກສາ ແລະ ກິລາ ມີການພັດທະນາດີຂຶ້ນເລື້ອຍໆ.

(ສາວສະຫວັນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png