ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

​      ໃນ​​ວັນ​ທີ 25 ກັນຍາ​ ຜ່ານມາ ທີ່​ຫ້ອງ​ປະຊຸມ​ສູນ​ໄອ​ຊີ​ທີ ​ແຂວງສາລະ​ວັນ ​ໄດ້​ມີ​ກອງ​ປະຊຸມ​ເຝິກ​ອົບຮົມ​ລະບຽບ​ຫຼັກການ​ວຽກ​ງານ​ກິລາ-ກາ​ຍະ​ກຳ ລະດັບ​ພາກ​ພື້ນ, ອະນຸ​ພາກ​ພື້ນ ​ແລະ ສາກົນ ​ໃຫ້​ແກ່ 4 ​ແຂວງ​ພາກ​ໃຕ້, ​ເປັນ​ກຽດ​ເຂົ້າ​ຮ່ວມ​​ຂອງ​ ທ່ານ ສີ​ລິ​ສັກ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງສາລະວັນ, ທ່ານ ປອ. ສຸດ​ຖະໜອມ ອິນ​ທະ​ວົງ​ ຫົວໜ້າ​ຫ້ອງການ​ເລຂາທິການ ຄະນະ​ກຳ​ມະ​ການ​ໂອ​ແລມປິກ​ແຫ່ງ​ຊາດ​ລາວ ພ້ອມ​ດ້ວຍ​ຄະນະ ​ແລະ ​ບັນດາຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງສາລະວັນ, ຈຳປາ​ສັກ, ​ເຊ​ກອງ, ອັດ​ຕະປື ພ້ອມ​ດ້ວຍ​ຜູ້​ຮັບຜິດຊອບ​ວຽກ​ງານ​ກິລາ-ກາ​ຍະ​ກຳ​.

      ​ໃນ​ພິທີ, ທ່ານ ​ສີ​ລິ​ສັກ ຖະໜອມ​ຮັກ ກ່າວ​ວ່າ: ກອງ​ປະຊຸມ​ຄັ້ງ​ນີ້ ມີຄວາມ​ສຳຄັນ​ຫຼາຍ ​ເຊິ່ງພວກ​ເຮົາ​ຈະ​ໄດ້​ພ້ອມ​ພາກັນ​ຮັບ​ຟັງ ​ແລະ ​ແລກປ່ຽນ​ບົດຮຽນ ກ່ຽວ​ກັບ​ລະບຽບ​ຫຼັກການ​ຂອງ​ການ​ພັດທະນາ​ກິລາ​ລາວ​ກ້າວ​ເຂົ້າ​ສູ່​ລະດັບ​ສາກົນ, ການ​ພັດທະນາ​ຈັດການ​ແຂ່ງຂັນ​ຕາມ​ລະບຽບ​ສາກົນ, ການ​ພັດທະນາ​ກິລາກາ​ຍະ​ກຳ, ການ​ພັດທະນາ​ສະໜາມກິລາ​ໄປ​ສູ່​ຍຸກ​ສະ​ໄໝ, ​ແນວທາງ​ການ​ຈັດການ​ສິ່ງ​ແວດ​ລ້ອມ​ທີ່​ຍືນ​ຍົງ​ສຳລັບ​ອົງການ​ກິລາ ​ແລ​ະ ການ​ບໍລິຫານ​ອົງການ​ຕ່າງໆ ​ເພື່ອ​ເປັນ​ບົດຮຽນອັນ​ລ້ຳ​ຄ່າ​ໃຫ້​ແກ່​ພະນັກງານ, ວິຊາ​ການ ​ແລະ ຜູ້​ບໍລິຫານ​. ພ້ອມ​ກັນ​ນັ້ນ, ​ພວກ​ເຮົາ​ຈະ​ໄດ້​ຮຽນ​ຮູ້​ແລກປ່ຽນ​ປະສົບ​ການ​ຕົວ​ຈິງ​ລະຫວ່າງ​ແຂວງ​ຕໍ່​ແຂວງ, ​ເມືອງ​ຕໍ່​ເມືອງ​ໃນ​ການຈັດ​ຕັ້ງ​ເຄື່ອນ​ໄຫວ​ວຽກ​ງານ​ກິລາ-ກາ​ຍະ​ກຳ. ສະ​ນັ້ນ, ບັນດາ​ສະຫາຍ​ຈົ່ງ​ໄດ້​​ເອົາ​ໃຈ​ໃສ່​ພ້ອມ​ກັນ​ຄົ້ນຄວ້າ, ຮັບ​ຟັງ ​ແລະ ສົນທະນາ​ແລກປ່ຽນຢ່າງ​ເລິກ​ເຊິ່ງ ​ເພື່ອ​ຈະ​ໝູນ​ໃຊ້​ເຂົ້າ​ໃນ​ວຽກ​ງານ​ຂອງ​ຕົນ​ເອງ​ໄດ້​ຢ່າງ​ມີ​ປະສິດທິພາບ​ສູງ.

      ​ໃນ​ໂອກາດ​ດຽວ​ກັນນີ້, ທ່ານ ປອ. ສຸດ​ຖະໜອມ ອິນ​ທະ​ວົງ ​​ການ​ຈັດ​ກອງ​ປະຊຸມ​ຄັ້ງນີ້ ​ເພື່ອ​ສ້າງ​ຄວາມ​ເຂັ້ມ​ແຂງ​ໃຫ້​ຜູ້​ບໍລິຫານ​ການ​ສຶກສາ​ ໂດຍ​ສະ​ເພາະ​ໃນ​ຂົງ​ເຂດ​ວຽກງານ​ກິລາ 4 ​ແຂວງພາກ​ໃຕ້, ​​ເປັນ​ກ​ອງປະຊຸມ​ຖອນ​ຖອດ​ບົດຮຽນ​ໃຫ້ການ​ພັດທະນາ​ວຽກ​ງານ​ກິລາ ​ເຊິ່ງບັນດາ​ທ່ານ​ຈະ​ໄດ້​ປະກອບ​ຄຳ​ຄິດ​ຄຳ​ເຫັນ​ໃຫ້​ແກ່​ແຂວງ​ສາລະ​ວັນ​ ທີ່​ກະກຽມ​ຮັບ​ກຽດ​ເປັນ​ເຈົ້າພາບ​ຈັດງານມະຫາ​ກຳ​ກິລາ​ນັກຮຽນມັດທະຍົມສຶກສາທົ່ວປະເທດໃນປີ 2020 ​ແລະ ​ເປັນອີກ​ບາດກ້າວ​ໜຶ່ງທີ່​ຈະ​ໃຫ້​ຜູ້​ບໍລິຫານ​ກິລາ​ໄດ້​ຮຽນ​ຮູ້​ກ່ຽວ​ກັບ​ວຽກ​ງານ​ກິລາ​ກ້າວ​​ເຂົ້າ​ສູ່​ສາກົນ.

                ​ໂດຍ: ນາງ ​ແຫຼັງ​ຄຳ ​ບຸດ​ນາ​ໂຄກ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png