ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ກິດຈະກໍາຍ່າງເພື່ອສຸຂະພາບໃນຄັ້ງນີ້ ໄດ້ຂຶ້ນໃນຕອນເຊົ້າວັນທີ 30 ກັນຍາ 2017 ທີ່ສວນປະຕູໄຊ ນະຄອນຫຼວງວຽງຈັນ, ໂດຍການເປັນກຽດເຂົ້າຮ່ວມຂອງ ທ່ານ ບຸນທອງ ຈິດມະນີ ຮອງນາຍົກລັດຖະມົນຕີແລະ ທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ມີບັນດາພາກສ່ວນກ່ຽວຂ້ອງ ແລະ ມວນຊົນຊາວນະຄອນຫຼວງວຽງຈັນ 700 ກວ່າຄົນ.

ໂອກາດນີ້, ທ່ານ ບໍ່ແສງຄໍາ ວົງດາລາ ລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ກ່າວວ່າ: ໂດຍເຫັນໄດ້ຄວາມສໍາຄັນຂອງການທ່ອງທ່ຽວໃນປີ 1975 ອົງການທ່ອງທ່ຽວໂລກ ໄດ້ຮັບການສ້າງຕັ້ງຂຶ້ນ ເພື່ອປ່ຽນແທນສະຫະພັນການທ່ອງທ່ຽວສາກົນ ທີ່ສ້າງຕັ້ງຂຶ້ນໃນປີ 1925. ສະເພາະ ສປປ ລາວ ໄດ້ເຂົ້າເປັນສະມາຊິກການທ່ອງທ່ຽວໂລກ ໃນປີ 1971 ເປັນຕົ້ນມາ. ໂດຍທຸກປີບັນດາປະເທດສະມາຊິກໃນໂລກ ໄດ້ຈັດສະຫຼອງວັນທ່ອງທ່ຽວໂລກ ວັນທີ 27 ກັນຍາ ດ້ວຍການຈັດກິດຈະກໍາຫຼາຍຮູບແບບຕາມເງື່ອນໄຂ ແລະ ຄວາມເໝາະສົມຂອງຕົນ. ສະເພາະປີ 2017 ປີທ່ອງທ່ຽວໂລກໄດ້ປະກາດໃຫ້ເປັນປີທ່ອງທ່ຽວແບບຍືນຍົງ ເພື່ອການພັດທະນາດັ່ງກ່າວ. ດັ່ງນັ້ນ, ສປປ ລາວ ທີ່ເປັນສະມາຊິກ ຈຶ່ງໄດ້ຈັດກິດຈະກໍາຍ່າງເພື່ອສຸຂະພາບ ເພື່ອສະເຫຼີມສະຫຼອງວັນດັ່ງກ່າວ.

ຂະນະທີ່ ທ່ານ ສູນ ມະນີວົງ ຫົວໜ້າກົມໂຄສະນາການທ່ອງທ່ຽວ ກະຊວງ ຖວທ ກ່າວວ່າ: ສໍາລັບວຽກງານການທ່ອງທ່ຽວ ໄດ້ມີການຂະຫຍາຍຕົວຢ່າງຕໍ່ເນື່ອງ ປະມານ 3,5-4 ເປີເຊັນໃນປີ 2016 ນັກທ່ອງທ່ຽວທົ່ວໂລກເດີນທາງທ່ອງທ່ຽວເຖິງ 1.325 ລ້ານກວ່າຄົນ ສ້າງລາຍຮັບໃຫ້ເສດຖະກິດ ກວມເອົາ GDP ຂອງໂລກປະມານ 7 ເປີເຊັນ, ສ້າງວຽກເຮັດງານທໍາຢູ່ໃນລະດັບ 1 ສ່ວນ 10 ໃນທົ່ວໂລກ ແມ່ນແຮງງານຂອງຂະແໜງການທ່ອງທ່ຽວ. ສະນັ້ນ, ເພື່ອກະກຽມແກ່ການທ່ອງທ່ຽວລາວປີ 2018 ທີ່ຈະມາເຖິງ ໄດ້ມີການໂຄສະນາ, ປະຊາສໍາພັນ, ຈະຈັດກິດຈະກໍາຄາຣາວານ ແລະ ກິດຈະກໍາປິ່ນອ້ອມອື່ນໆຕະຫຼອດປີ 2018 ແລະ ຈະຍົກເວັ້ນວີຊາ ໃຫ້ບັນດາປະເທດທີ່ເປັນຕະຫຼາດເປົ້າໝາຍ ທີ່ຈະເຂົ້າມາທ່ຽວລາວເພີ່ມຂຶ້ນອີກ. ພ້ອມນັ້ນຍັງຈະມີການອໍານວຍຄວາມສະດວກແກ່ນັກທ່ອງທ່ຽວຕາມດ່ານສາກົນຕ່າງໆທົ່ວປະເທດ, ເອົາໃຈໃສ່ເລື່ອງຄວາມປອດໄພຢູ່ໃນສັງຄົມ, ຄວາມປອດໄພທາງດ້ານອາຫານການກິນແລະ ຄວາມປອດໄພທາງດ້ານການເດີນທາງຂອງນັກທ່ອງທ່ຽວ ເພື່ອດຶງດູດນັກທ່ອງທ່ຽວມາທ່ຽວ ສປປ ລາວ ໃຫ້ໄດ້ 5 ລ້ານກວ່າຄົນ.

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png