ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ເມື່ອວັນທີ 28 ກັນຍາ ຜ່ານມາ ທີ່ຮ້ານອາຫານ ຊັນທາລາ ນະຄອນຫຼວງວຽງຈັນ ໄດ້ມີພິທີຖະແຫຼງຂ່າວກ່ຽວກັບໂຄງການທີມວີຣັນແລ່ນ 358 ກິໂລແມັດ ຕັ້ງແຕ່ນະຄອນຫຼວງວຽງຈັນ-ແຂວງຫຼວງພະບາງ ເພື່ອລະດົມທຶນ ຊ່ວຍ ບັນດາໂຮງໝໍ ເຂດພາກເໜືອ, ໃຫ້ກຽດເຂົ້າຮ່ວມ ທ່ານ ນາງ ມານິດາ ສິດທິມໍລະດາ ຜູ້ກໍ່ຕັ້ງທີມວີຣັນ, ທ່ານ ຄາໂລ ປາຄາລາ ຫົວໜ້າທີມແລ່ນແຕ່ລະປີ ພ້ອມດ້ວຍພາກສ່ວນກ່ຽວຂ້ອງ ແລະ ສື່ມວນຊົນເຂົ້າຮ່ວມ.

ໂອກາດດັ່ງກ່າວ, ທ່ານ ນາງ ມານິດາ ສິດທິມໍລະດາ ກ່າວວ່າ: ໂຄງການແລ່ນ 358 ກິໂລແມັດ ນີ້ແມ່ນເລີ່ມຕົ້ນໃນປີ 2014 ໂດຍທີມວີຣັນ ຮ່ວມກັບສະຖານທູດອອສເຕຣເລຍ ປະຈໍາລາວ ສາມາດລະດົມທຶນໄດ້ປະມານ 88 ລ້ານກວ່າກີບ (11.000 ໂດລາສະຫະລັດ) ເພື່ອສົມທົບເຂົ້າໃນການສ້າງໂຮງໝໍເພື່ອນລາວ ສໍາລັບເດັກນ້ອຍແຫ່ງນີ້ ແລະ ໄດ້ສືບຕໍ່ລະດົມທຶນຜ່ານໂຄງການດັ່ງກ່າວໃນປີ 2015, ປີ 2016 ເພື່ອປະກອບສ່ວນໃນການຊື້ອຸປະກອນການແພດ ພ້ອມທັງຢາປົວພະຍາດໃຫ້ແກ່ໂຮງໝໍເພື່ອນລາວສຳລັບເດັກນ້ອຍ ເຊິ່ງນັບຕັ້ງແຕ່ເປີດໃຫ້ບໍລິການໃນປີ 2014 ໂຮງໝໍເພື່ອນລາວ ສຳລັບເດັກນ້ອຍ ໄດ້ປິ່ນປົວ ແລະ ເບິ່ງແຍງເດັກນ້ອຍ ສະເລ່ຍປະມານ 20.000 ຄົນຕໍ່ປີ ເຊັ່ນດຽວກັນ, ໃນປີ 2017 ນີ້ ທີມວີຣັນ ຮ່ວມກັບສະຖານທູດອອສເຕຣເລຍ ປະຈຳລາວ ຈັດໂຄງການແລ່ນ 358 ກິໂລແມັດ ຕັ້ງແຕ່ນະຄອນຫຼວງວຽງຈັນ-ຫຼວງພະບາງ ຂຶ້ນອີກຄັ້ງ ເພື່ອສືບຕໍ່ໂຄງການດີໆແບບນີ້ ໃຫ້ລູກຫຼານເຮົາໄດ້ຮັບການປິ່ນປົວທີ່ດີ ແລະ ທັງເປັນການປະກອບສ່ວນຊ່ວຍເຫຼືອການຫຼຸດຜ່ອນອັດຕາການຕາຍຂອງເດັກພາຍໃນປະເທດອີກ.

   ສໍາລັບການແລ່ນຕັ້ງແຕ່ນະຄອນຫຼວງວຽງຈັນ-ຫຼວງພະບາງ ໃນປີນີ້ ແມ່ນມີຈຳນວນນັກ ແລ່ນເຂົ້າຮ່ວມໂຄງການຫຼາຍຂຶ້ນ ເຊິ່ງນັກແລ່ນແມ່ນມາຈາກຫຼາຍສາຂາອາຊີບທີ່ແຕກຕ່າງກັນ ການແລ່ນຈາກ ນະຄອນຫຼວງ ວຽງຈັນ-ຫຼວງພະບາງ ແມ່ນຈະໃຊ້ໄລຍະເວລາ 5 ວັນ ທັງໝົດແບ່ງອອກເປັນ 2 ກຸ່ມ ໂດຍກຸ່ມທຳອິດມີນັກແລ່ນຫຼັກ 3 ທ່ານ ທີ່ຈະແລ່ນນຳກັນຕັ້ງແຕ່ວຽງຈັນເຖິງຫຼວງພະບາງດ້ວຍໄລຍະທາງ 358 ກິໂລແມັດ ຕໍ່ຄົນ ນໍາໂດຍ ທ່ານ ຄາໂລ ບາຄາລາ ນັກແລ່ນມາລາທອນຊາວຟີລິປິນ ສະມາຊິກທີມວີຣັນ, ທ່ານ ດານຽນ ໂອເຊ ນັກແລ່ນວິບາກ ແລະ ທ່ານ ອົສຕາຣາ ມາຣາທອນ ຊາວເຢຍລະມັນ ແລະ ທ່ານ ອິນທີ ເດືອນສະຫວັນ ນັກທຸລະກິດ ແລະ ນັກກິລາໄອຣອນແມນ ຫຼື ໄຕກີລາຊາວລາວ ເຊິ່ງນັກແລ່ນທັງ 3 ທ່ານນີ້ ຈະແລ່ນດ້ວຍໄລຍະທາງ ສະເລ່ຍ 75-80 ກິໂລແມັດຕໍ່ວັນ.

   ສ່ວນກຸ່ມທີ 2 ແມ່ນຈະແລ່ນແບບຜັດປ່ຽນ ປະກອບມີນັກແລ່ນ 4 ທ່ານ ທີ່ຈະແລ່ນຜັດປ່ຽນໃນໄລຍະທາງ 80 ກິໂລແມັດຕໍ່ວັນ ເຊິ່ງນັກແລ່ນແຕ່ລະທ່ານຈະແລ່ນໄລຍະ 20 ກິໂລແມັດຕໍ່ວັນ ໃຊ້ເວລາທັງໝົດ 5 ວັນ ຈາກວຽງຈັນເຖິງຫຼວງພະບາງເຊັ່ນກັນ, ໃນນັ້ນປະກອບມີ ນາງ ສົມເພັດ ວຽງດາລາ ສະມາຊິກທີມວີຣັນ, ນາງ ຈູບີ່ ດາລູວັນ ສີສົມເພັດ ທີມວີຣັນ, ທ່ານ ພູເຂົາ ພົມມາ ພະນັກງານ ບໍລິສັດລາວໂທລະຄົມ ແລະ ທ່ານ ບັນເດີ ນັກແລ່ນຊາວຟີລິປິນ ທີ່ຈະຊ່ວຍແລ່ນຜັດປ່ຽນໃນກຸ່ມນີ້. ພິເສດໄປກວ່ານັ້ນໃນປີນີ້ ຈະມີນັກແລ່ນທີ່ເຂົ້າຮ່ວມໂຄງການດັ່ງກ່າວ ຮ່ວມກັນແລ່ນສົ່ງນັກແລ່ນອອກຈາກຕົວເມືອງນະຄອນຫຼວງວຽງຈັນ ດ້ວຍໄລຍະທາງ 25 ກິໂລແມັດ ເຊິ່ງຈະມີນັກແລ່ນຈາກຫຼາຍພາກສ່ວນເຂົ້າຮ່ວມບໍ່ວ່າຈະເປັນສິນລະປິນຊື່ດັງ ສັກ ວົງເຊລ, ນາງ ມານິດາ ສິດທິມໍລະດາ ຜູ້ກໍ່ຕັ້ງທີມວີຣັນ, ນັກແລ່ນມາຣາທອນ ຕິກ ສີລິກຸນ ໂພໄຊ ສະມາຊິກທີມວີຣັນ, ທ່ານ ພິໄຊ ສຸວັນໄຊ ສະມາຊິກທີມວີຣັນ, ທ່ານ ສົມບູນ ຫາລາດມະນີວົງ ຈາກສະຖານທູດ ອົສຕາລີ, ທ່ານ ຕຸກກີ້ ເພັດທະນູສອນ ໄຊຍະລາ ນັກແລ່ນມາຣາທອນ ຈາກທີມວີຣັນ, ທ່ານ ຮວາ ພອນປະເສີດ ສະມາຊິກທີມວີຣັນ, ນາງ ເຈີຣາດິນ ແຢມ ອາສາສະໝັກຈາກອອສເຕຣເລຍ, ນາງ ລັດດາວອນ ຄູນທະລັງສີ ສະມາຊິກທີມວີຣັນ ທ່ານ ສຸພັກສອນ ສີລາເພັດ ນັກຂ່າວຈາກສະຖານນີໂທລະພາບແຫ່ງຊາດ, ນັກແລ່ນທັງໝົດຈະເລີ່ມອອກຈາກປະຕູໄຊ ນະຄອນຫຼວງວຽງຈັນ ໃນວັນ 16 ຕຸລາ 2017 ເວລາ 04:00 ໂມງເຊົ້າ.

   ໂຄງການແລ່ນ 358 ກິໂລແມັດ ຕັ້ງແຕ່ນະຄອນຫຼວງວຽງຈັນ-ຫຼວງພະບາງ ເປັນການຮ່ວມຈິດຮ່ວມໃຈກັນຈາກຫຼາຍພາກສ່ວນນັກແລ່ນຈາກຫຼາຍສາຂາອາຊີບ ນອກນັ້ນເຮົາຍັງມີບັນດາ ຜູ້ທີ່ໃຫ້ບໍລິຈາກທີ່ລ້ວນແລ້ວ ແຕ່ມາຈາກຄວາມໄວ້ເນື້ອເຊື່ອໃຈ ຄວາມຮັກແພງຕໍ່ກັນສະມາຊິກທີມວີຣັນ ຕະຫຼອດຮອດຄວາມເປັນຫ່ວງເປັນໃຍ ແລະ ຢາກແບ່ງປັນໃຫ້ບັນດາເດັກນ້ອຍທຸກຍາກທີ່ຕ້ອງການ ການປິ່ນປົວແຕ່ຂາດແຄນກຳລັງຊັບ, ສະນັ້ນໃນນາມ ຜູ້ຈັດໂຄງການແລ່ນ ເພື່ອການກຸສົນນີ້ຂໍເຊີນຊວນຮ່ວມບໍລິຈາກປັດໄຈເພື່ອຊ່ວຍໂຮງໝໍເພື່ອນລາວສຳລັບເດັກນ້ອຍຜ່ານໂຄງການແລ່ນ 358 ກິໂລແມັດ ຕັ້ງແຕ່ນະຄອນຫຼວງວຽງຈັນ-ຫຼວງພະບາງ, ການຊ່ວຍເຫຼືອຂອງທ່ານ ບໍ່ວ່ານ້ອຍ ຫຼື ໃຫຍ່ແມ່ນສາມາດຊ່ວຍເຫຼືອຊີວິດເດັກ ແລະ ຊ່ວຍພັດທະນາຊຸມຊົນໄດ້ຢ່າງທົ່ວເຖິງ.

ໂດຍ ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png