ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ເມື່ອວັນ​ທີ 25 ກັນຍາ 2017 ທີ່ພະແນກສຶກສາທິການ ແລະ ກິລາແຂວງຈຳປາສັກ, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນ​ກະຊວງ​ສຶກສາ​ທິການ ​ແລະ ກິລາ​ ໄດ້​ໂອ້ລົມຜູ້​ບໍລິຫານ​ການ​ສຶກສາ ແລະ ກິລາແຂວງຈຳປາສັກ ໃນໂອກາດທີ່ລົງຊຸກຍູ້ວຽກງານສຶກສາ-ກິລາ ແລະ ພົບປະຢ້ຽມຢາມ​ພະນັກງານ, ​ຄູ-ອາຈານ, ໂດຍ​​ໃຫ້​ກຽດ​ຕ້ອນຮັບ​ຂອງ ​ທ່ານ ນາງ ແສງສຸວັນ ຊຸຍພະສິດ ຫົວໜ້າພະແນກສຶກສາທິການ ແລະ ກິລາແຂວງຈຳປາສັກ, ມີບັນດາຫົວໜ້າ-ຮອງຫົວໜ້າຂະ     ແໜງ, ພະນັກງານ, ຄູ-ອາຈານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດນີ້, ທ່ານລັດຖະມົນຕີ ສສກ ເນັ້ນໃຫ້ຜູ້ບໍລິຫານການສຶກສາ-ກິລາ, ພະນັກງານ, ຄູ-ອາຈານ ຕ້ອງເອົາໃຈໃສ່ສຶກສາອົບຮົມການເມືອງແນວຄິດ, ເອົາໃຈໃສ່ພັດທະນາເດັກກ່ອນໄວຮຽນ ແລະ ວຽກງານລ້ຽງເດັກອະນຸບານບ່ອນໃດທີ່ມີເງື່ອນໄຂເໝາະສົມ ໃຫ້ໄດ້ຮັບການຂະຫຍາຍ, ປຸກລະດົມຊຸກຍູ້ສົ່ງເສີມໃຫ້ອັດຕາການເຂົ້າຮຽນສູງລື່ນເກົ່າ, ການສິດສອນຕ້ອງໄປຕາມ 3 ລັກສະນະ 5 ຫຼັກມູນຂອງການສຶກສາ, ການສອນຈະເຮັດດ້ວຍວິທີໃດກໍ່ຕາມ ແຕ່ສິ່ງສຳຄັນຕ້ອງເຮັດໃຫ້ນັກຮຽນເຂົ້າໃຈກໍ່ພໍ.

ພ້ອມນັ້ນ, ໃນສົກປີ 2017-2018 ນີ້ ຫ້າມພະແນກສຶກສາທິການ ແລະ ກິລາແຂວງ ແລະ ຫ້ອງການສຶກສາທິການ ແລະ ກິລາເມືອງ ອະນຸຍາດໃຫ້ພະນັກງານ, ຄູ-ອາຈານ ຍົກຍ້າຍໄປເຮັດວຽກຢູ່ຂະແໜງອື່ນອັນເດັດຂາດ ຍ້ອນວ່າໄລຍະນີ້ເຫັນວ່າຂາດເຂີນຄູຜູ້ທີ່ຈະສິດສອນເປັນຈຳນວນຫຼາຍ. ຄຽງຄູ່ກັນນັ້ນ, ພະແນກສຶກສາທິການ ແລະ ກິລາແຂວງ ຕ້ອງໄດ້ລົງພື້ນຖານສົມທົບກັບຫ້ອງການສຶກສາທິການ ແລະ ກິລາເມືອງ ແລະ ຜູ້ອຳນວຍການໂຮງຮຽນແຫ່ງຕ່າງໆຢ່າງຮີບດ່ວນ ເພື່ອເລັ່ງແກ້ໄຂບັນຫາໃຫ້ທ່ວງທັນ.

ສ່ວນການສະເຫຼີມສະຫຼອງວັນຄູແຫ່ງຊາດ (7 ຕຸລາ) ໃນປີນີ້ ກໍ່ຕ້ອງເຊີນພະນັກງານອະວຸໂສ ທີ່ເຂົ້າຮັບເບ້ຍບຳນານເຂົ້າຮ່ວມ ແລະ ເຊີນເພິ່ນໃຫ້ກຽດປາຖະກະຖາມູນເຊື້ອວັນຄູແຫ່ງຊາດ, ພື້ນຖານໂຄງລ່າງໃຫ້ຈັດບຸລິມະສິດ ໂດຍສະເພາະການກໍ່ສ້າງອາຄານຮຽນ ຕ້ອງກຳນົດຈຸດໃຫ້ຄັກແນ່, ຍາດແຍ່ງ ແລະ ລະດົມແຫຼ່ງທຶນຈາກສາກົນ ແລະ ພາກເອກະຊົນປະກອບສ່ວນຊ່ວຍຊຸກຍູ້, ພະແນກ ແລະ ຂະແໜງການທີ່ກ່ຽວຂ້ອງ ຕ້ອງສ້າງແຜນຂຶ້ນງົບປະມານໃຫ້ຊັດເຈນ ເພື່ອຈັດລຽງເປັນບຸລິມະ ສິດ, ຜູ້ບໍລິຫານການສຶກສາເອງກໍ່ຕ້ອງເປັນຫຼັກແຫຼ່ງໃນການນຳພາ, ເອົາໃຈໃສ່ສ້າງນັກຮຽນດີ-ຮຽນ ເກັ່ງ ແລະ ມີຄຸນສົມບັດ ນຳພາວຽກງານສຶກສາ-ກິລາ ກ້າວກະໂດດທຽບເທົ່າກັບພາກພື້ນ ແລະ ສາກົນ ເພື່ອໃຫ້ບັນລຸເປົ້າໝາຍສະຫັດສະວັດ ທີ່ວາງໄວ້.

ໂດຍ:ຂາວພອນ ມ້າວຄຳຜິວ

 

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png