ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ພິທີຖະແຫຼງຂ່າວດັ່ງກ່າວ ໄດ້ຈັດຂຶ້ນໃນວັນທີ 28 ກັນຍາ ຜ່ານມາທີ່ຫ້ອງວ່າການປົກຄອງ ເມືອງຈັນທະບູລີ ນະຄອນຫຼວງວຽງຈັນ ໂດຍໃຫ້ກຽດຖະແຫຼງຂອງ ທ່ານ ນາງ ບົວລອນ ວົງດາລາແສນ ເຈົ້າເມືອງຈັນທະບູລີມີບັນດາສື່ມວນຊົນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານເຈົ້າເມືອງຈັນທະບູລີ ກ່າວວ່າ: ຈຸດປະສົງຂອງການຈັດງານບຸນອອກພັນສາ ປະວໍລະນາ ແລະ ຊ່ວງເຮືອປະເພນີ ປະຈຳປີ 2017 ແມ່ນເພື່ອປົກປັກຮັກສາ ເສີມຂະຫຍາຍມູນເຊື້ອ ວັດທະນະທໍາ, ຮີດຄອງປະເພນີອັນດີງາມຂອງຊາດລາວເຮົາ ກໍ່ຄືຂອງນະຄອນຫຼວງວຽງຈັນ, ທັງຮັບປະກັນງານບຸນ ໃຫ້ມີຄວາມສະຫງົບປອດໄພຮອບດ້ານ ແລະ ຮັບປະກັນຄວາມສະອາດຈົບງາມ ເປັນຕົ້ນແມ່ນບັນດາຕົ້ນໄມ້, ສວນດອກໄມ້, ສວນຫຍ້າບໍ່ໃຫ້ເສຍຫາຍ ຕະຫຼອດໄລຍະງານບຸນ. ນອກຈາກນີ້, ຍັງເປັນການຊຸກຍູ້ໃຫ້ສັງຄົມໄດ້ຄ້າ-ຂາຍ, ໄດ້ບໍລິການໃຫ້ມີລາຍຮັບພ້ອມທັງເປັນການສົ່ງເສີມການຜະລິດຕ່າງໆຂອງປະຊາຊົນລາວ ນຳອີກ.

ສຳລັບງານບຸນໃນປີນີ້ແມ່ນຈະເລີ່ມແຕ່ວັນທີ 4-6 ຕຸລາ 2017, ເຊິ່ງຈະຈັດໃຫ້ມີຫຼາຍກິດຈະກຳຄື: ການວາງສະແດງສິນຄ້າ, ສະແດງສິລະປະ-ວັນນະຄະດີ ແລະ ກິດຈະກຳທາງສາສະ ໜາ. ໂດຍໃນວັນທີ 5 ຕຸລາ ເວລາ 07:00ໂມງ ຈະມີພິທີຕັກບາດ, ເວລາ 19:00 ໂມງ ມີວຽນທຽນ, ໄຫຼເຮືອໄຟໂຄກ, ໄຫຼເຮືອໄຟ ແລະ ຈູດບັ້ງໄຟດອກ. ສ່ວນໃນວັນທີ 6 ຕຸລາ 2017 ເລີ່ມແຕ່ເວລາ 08:30 ໂມງ ຈະມີການແຂ່ງຂັນຊ່ວງເຮືອປະເພນີ ແລະເວລາ 17:00 ໂມງ ແມ່ນພິທີມອບ-ຮັບຂອງລາງວັນ.

ທ່ານ ນາງ ບົວລອນ ວົງດາລາແສນ ກ່າວອີກວ່າ: ງານບຸນອອກພັນສາ ປະວໍລະນາ ແລະ ຊ່ວງເຮືອ ເປັນງານບຸນປະເພນີ ປະຈຳຊາດລາວເຮົາ ທີ່ສືບທອດປະຕິບັດກັນມາ ເປັນປະຈຳທຸກໆປີ ແລະ ປີນີ້ ກໍ່ເປັນອີກປີໜຶ່ງທີ່ພວກເຮົາ ກໍາລັງສຸມໃສ່ນຳພາຈັດຕັ້ງ ເພື່ອເຮັດໃຫ້ງານບຸນເຕັມໄປດ້ວຍ ບັນຍາກາດຟົດຟື້ນ ແລະ ເບີກບານມ່ວນຊື່ນ.

ພ້ອມນັ້ນ, ງານບຸນປີນີ້ ແມ່ນຈະພິເສດກວ່າທຸກໆປີ ເພາະທາງຄະນະຮັບຜິດຊອບ ໄດ້ເປີດກວ້າງໃຫ້ສັງຄົມ ມີສ່ວນຮ່ວມຫຼາຍຂຶ້ນ ເປັນຕົ້ນແມ່ນເຂດພື້ນທີ່ຈັດງານບຸນມີຄວາມກວ້າງຂວາງ, ສະຖານທີ່ສວຍງາມ, ມີຄວາມສະອາດງາມຕາ, ການທ່ອງທ່ຽວໄປ-ມາສະດວກສະບາຍ ສາມາດຮອງຮັບມວນຊົນເຂົ້າມາທ່ຽວງານ ໄດ້ຢ່າງພຽງພໍ ນັບທັງການຄ້າ-ຂາຍ, ປະຊາຊົນສາມາດ ມາວາງສະແດງສິນຄ້າ ແລະ ຂາຍສິນຄ້າ ໄດ້ຢ່າງຫຼວງຫຼາຍພ້ອມທັງຮຽກຮ້ອງເຖິງບັນດາຊາວຄ້າ-ຂາຍ, ພໍ່-ແມ່ປະຊາຊົນ ຜູ້ມາທ່ຽວຊົມໃນງານບຸນ ຈົ່ງຮັກສາຄວາມສະອາດຊ່ວຍກັນ ບໍ່ຖິ້ມຂີ້ເຫຍື້ອຊະຊາຍ ແລະ ພ້ອມກັນຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ບໍ່ໃຫ້ໃຊ້ລຳໂພງທີ່ມີສຽງດັງເກີນໄປ.

(ຂ່າວຈາກ: ຂປລ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png