ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ເມື່ອວັນທີ24 ມັງກອນຜ່ານມາທີ່ຫ້ອງປະຊຸມຊັ້ນ 4 ສູນ​​ໄອ​ຊີ​ທີ ກະຊວງສຶກສາທິການແລະກິລາ, ສູນໂຄສະນາຂ່າວສານ ການສຶກສາ ແລະ ກິລາ ຕາງໜ້າໃຫ້ກະຊວງສຶກສາທິການ ແລະ ກິລາ ​​​​ໄດ້​ຈັດ​ພິທີ​ມອບ​ໃບ​ຍ້ອງ​ຍໍ ໃຫ້ກັບຜູ້ຊ່ຽວຊານ ຈາກອົງການກອຍກາ ສ ເກົາຫຼີ, ໂດຍໃຫ້ກຽດມອບຂອງ ທ່ານ ສຸກ​ສາຄອນ ສີ​ປະ​ເສີດ ຜູ້​ອໍານວຍ​ການ ​ສູນ​ໂຄສະນາ​ຂ່າວສານ ການ​ສຶກສາ ແລະ ກິ​ລາ ກະຊວງສຶກສາທິການແລະກິລາ, ມີທ່ານ ເຈັດຊິ້ງ ອິນທະວົງ ແລະ ທ່ານ ອຸດົມ ສິງດາລາ ຮອງຜູ້ອຳນວຍການ ສຄຂ ພ້ອມດ້ວຍພະນັກງານ, ວິຊາການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ພາຍຫຼັງມີໜັງສືແຈ້ງການ ຂອງຫ້ອງການ ກະຊວງແຜນການ ແລະ ການລົງທຶນ ສະບັບເລກທີ 2883/ຜກ/ຮມສ-ອປອ.03, ລົງວັນທີ 29/10/2015 ວ່າດ້ວຍການອະນຸມັດຮັບເອົາຊ່ຽວຊານ ທີ່ປຶກສາ ອາສາສະໝັກ ອົງການ ກອຍກາ ທ່ານ ນາງ ປອ. ກິມ ຊີ ມິນ ມາປະຈຳຢູ່ ສູນໂຄສະນາຂ່າວສານການສຶກສາ ແລະ ກິລາ ນັບຕັ້ງແຕ່ວັນທີ 03/08/2015 ແລະ ມາຮອດວັນທີ 27/01/2018 ກໍ່ໝົດວາລະລົງ ເຊິ່ງລວມເປັນໄລຍະເວລາ 2 ປີ 6 ເດືອນ. ຕະຫຼອດໄລຍະເວລາດັ່ງກາວ ທ່ານໄດ້ມີຜົນ ງານໃນການປະກອບສ່ວນ ວຽກງານໂຄສະນາຂ່າວສານໃນດ້ານວິຊາການ ແລະ ມອບວັດຖຸອຸປະກອນ ຮັບໃຊ້ວຽກງານຂອງ ສຄຂ. ໃນນີ້, ສະເພາະດ້ານວິຊາການ ແມ່ນໄດ້ເປັນ ວິທະຍາກອນ ຂຶ້ນບັນຍາຍກອງປະຊຸມ ເຝິກອົບຮົມວຽກງານໂຄສະນາຂ່າວສານການສຶກສາ ແລະ ກິລາທົ່ວປະເທດ ຈຳນວນ 2 ຄັ້ງ ໃນຫົວຂໍ້ “ສື່ມວນຊົນໃນອະນາຄົດ ຫຼື Media Future” ແລະ “ໂທລະພາບ ເພື່ອການສຶກສາທາງໄກ ຂອງ ສເກົາຫຼີ ຫຼື EBS”; ຂຽນບົດສະເໜີໂຄງການ ສ້າງຕັ້ງສະຖານີໂທລະພາບ ສຶກສາ-ກິລາ ເພື່ອການຮຽນ-ການສອນທາງໄກ ຜ່ານໂທລະພາບ EBS ເພື່ອຂໍການຊ່ວຍເຫຼືອຈາກ ລັດຖະບານ ສ ເກົາຫຼີ, ເຊິ່ງປັດຈຸບັນໄດ້ຍື່ນສົ່ງຜ່ານອົງການກອຍກາ ໄປຫາລັດຖະບານ ສ ເກົາຫຼີ ແລ້ວ ຍັງລໍຖ້າແຕ່ຄຳຕອບ; ໃຫ້ຄຳປຶກສາແບບແຜນວິທີເຮັດວຽກ ຂອງພະນັກງານພາຍໃນສູນ, ປະສານງານເອົາຄະນະຮັບຜິດຊອບໂທລະພາບ EBS ສ ເກົາຫຼີ ແລະ ບໍລິສັດ ຊີກົງ ຜູ້ຜະລິດສື່ການ ຮຽນ-ການສອນຂອງ ສ ເກົາຫຼີ ມາຢ້ຽມຢາມ ແລະ ຈັດເຝິກອົບຮົມໃຫ້ພະນັກງານວິຊາການຂອງສູນ ຈຳນວນ 1 ຄັ້ງ.

ຄຽງຄູ່ກັນນັ້ນ, ຍັງໄດ້ມອບອຸປະກອນຮັບໃຊ້ຫ້ອງການ ອີກຈຳນວນໜຶ່ງ ເປັນຕົ້ນແມ່ນ ຄອມຕັ້ງໂຕະ, ເຄື່ອງປຣິນເຕີ, ເຊົາເຊີເວີ ແລະ ເຝິກອົບຮົມ, ກ້ອງຖ່າຍພາບນິ້ງ, ກ້ອງຖ່າຍທຳວີດີໂອ ແລະ ອື່ນໆ ລວມມູນຄ່າທັງໝົດ 100 ລ້ານກວ່າກີບ. ສະນັ້ນ, ເພື່ອເປັນການສະແດງຄວາມຮູ້ບຸນຄຸນ ແລະ ຄຸນງາມຄວາມດີຕໍ່ອາສາສະໝັກກໍ່ຄືຕໍ່ສາຍພົວພັນອັນດີງາມ ລະຫວ່າງ ສປປ ລາວ ແລະ ສ ເກົາຫຼີ, ສູນໂຄສະນາຂ່າວສານ ການສຶກສາ ແລະ ກິລາ ຕາງໜ້າໃຫ້ກະຊວງສຶກສາທິການ ແລະ ກິລາ ມອບໃບຍ້ອງຍໍຂັ້ນກະຊວງ ໃຫ້ແກ່ຊ່ຽວຊານອາສາສະໝັກ ອົງການກອຍກາ ສ ເກົາຫຼີ ທ່ານ ນາງ ປອ. ກິມ ຊີ ມິນ.

ພ້ອມນັ້ນ, ໃນໂອກາດອັນສະຫງ່າລາສີນີ້ ຍັງ​ໄດ້​ມີ​ການພິທີບາສູ່ຂວັນ​ຕາມ​ຮີດຄອງ​ປະເພນີຂອງລາວເຮົາ ​ເພື່ອ​ຄວາມເປັນ​ສີ​ລີ​ມຸງຄຸນ ​ໃຫ້ແກ່ ທ່ານ ນາງ ປອ.ກິມ ຊີ ມິນກ່ອນເດີນທາງກັບບ້ານເກີດເມືອງນອນ ດ້ວຍຄວາມສະຫວັດດີພາບ ພາຍຫຼັງສຳເລັດການປະຕິບັດໜ້າທີ່ວຽກງານ ຢູ່ ສປປ ລາວ ຢ່າງເປັນທາງການ.

​ໂດຍ: ນາງ ຕຸ່ນ​ຄໍາ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png