ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ຊຶ່ງຈຸດປະສົງຫຼັກຂອງການຈັດຄາຣາວານຊາວໜຸ່ມສູ່ມເມືອງວຽງໄຊໃນຄັ້ງນີ້ແມ່ນເພື່ອເປັນການຈັດຕັ້ງຜັນຂະຫຍາຍແນວທາງຂອງພັກສະໄໝທີ10 ແລະ ເພື່ອເປັນການສະເຫຼີມສະຫຼອງ ເມືອງວຽງໄຊ ຄົບຮອບ 50 ປີ ເປັນຖານທີ່ໝັ້ນຂອງການປະຕິວັດລາວ. ຊຶ່ງ ຄຊປປລ ສູນກາງ, ພາກກາງ ແລະ ພາກໃຕ້ ແມ່ນໄດ້ມີການເຕົ້າໂຮມຂະບວນຢູ່ທີ່ແຂວງບໍລິຄຳໄຊ ໂດຍໄດ້ຮັບການຕ້ອນຮັບຈາກການນຳແຂວງ ນໍາໂດຍ ສະຫາຍ ບຸນມາ ບຸຈະເລີນ ກຳມະການພັກແຂວງ, ຮອງເຈົ້າແຂວງບໍລິຄຳໄຊ ພ້ອມດ້ວຍພໍ່ແມ່ປະຊົນ, ທະຫານ, ຕຳຫຼວດ, ຊາວໜຸ່ມເຍົາວະຊົນ ຢ່າງເປັນຂະບວນຟົດຟື້ນ, ຈາກແຂວງບໍລິຄຳໄຊຂະບວນຄາຣາວານໄດ້ມີການເຄື່ອນໄປທີ່ແຂວງຊຽງຂວາງ ກໍ່ໄດ້ຮັບການຕ້ອນຮັບຈາກ ສະຫາຍ ບຸນຕົ້ນ ຈັນທະພອນ ເລຂາພັກແຂວງ ເຈົ້າແຂວງ ແຂວງຊຽງຂວາງ ພ້ອມດ້ວຍ ພໍ່ແມ່ປະຊົນ, ທະຫານ, ຕຳຫຼວດ, ຊາວໜຸ່ມເຍົາວະຊົນ ຢ່າງເປັນຂະບວນຟົດຟື້ນເຊັ່ນກັນ ຈາກນັ້ນຂະບວນກໍ່ໄດ້ມີການສົມທົບກັບຂະບວນ ຄຊປປລ ບັນດາແຂວງພາກເໜືອ ທີ່ຊາຍແດນແຂວງຫົວພັນ ໂດຍໄດ້ຮັບການຕ້ອນຮັບ ຂອງສະຫາຍ ນາງ ແພງ ກັນຍາພິມ ຮອງເລຂາພັກແຂວງ, ຮອງເຈົ້າ ແຂວງໆຫົວພັນ ພ້ອມດ້ວຍມວນຊົນຊາວເມືອງຊໍາເໜືອ ແຂວງຫົວພັນຢ່າງເປັນຂະບວນຄຶກຄື້ນມ່ວນຊື່ນ ຢູ່ທີ່ເທດສະບານຫົວພັນ ກ່ອນຈະເດີນທາງຮອດຈຸດໝາຍປາຍທາງ ທີ່ເມືອງວຽງໄຊ ແຂວງຫົວພັນ ທີ່ຕັ້ງຢູ່ຫ່າງຈາກເທດສະບານແຂວງ ໄປປະມານ 30 ກິໂລແມັດ.

ໃນໂອກາດທີ່ຄະນະຂະບວນຄາຣາວານຊາວໜຸ່ມທົ່ວປະເທດຫວນຄືນສູ່ເມືອງວຽງໄຊ ຖານທີ່ໝັ້ນຂອງການປະຕິວັດ ລາວຄັ້ງນີ້, ຂະບວນດັ່ງກ່າວຍັງໄດ້ລົງເຄື່ອນໄຫວກິດຈະກໍາຕ່າງໆ ຢູ່ເມືອງວຽງໄຊ ເປັນຕົ້ນແມ່ນເຂົ້າຮ່ວມພິທີເປີດງານຕັ້ງຄ້າຍເຍົາວະຊົນທັນວາ 5 ແຂວງພາກເໜືອ ເຂດ2, ເຂົ້າຮ່ວມກອງປະຊຸມສຳມະນາວິທະຍາສາດໃນຫົວຂໍ້ ຊາວໜຸ່ມຈົ່ງກາຍເປັນນົກອິນຊີທີ່ບໍ່ຫວັ່ນກົວຕໍ່ພາຍຸລົມແດງ ຈົ່ງກາຍເປັນສິນໄຊຂອງຍຸກສະໄໝ, ຈັດກອງປະຊຸມຄົບຄະນະບໍລິຫານງານນັກທຸລະກິດໜຸ່ມແຫ່ງຊາດ ຢູ່ທີ່ຫອ້ງປະຊຸມໃຫຍ່ໃນຖໍ້າຊ້າງລອດ, ເຂົ້າຮ່ວມພິທີເປີດນຳໃຊ້ຖໍ້າຊາວໜຸ່ມ, ພິທີເປີດຈຸດຊົມວີວຜາ ນາງມ້ອນ, ເຂົ້າຮ່ວມພິທີຊຸມນຸມທວນໄຟຮ່ວມກັບນ້ອງນ້ອຍເຍົາວະຊົນ ແລະ ເຂົ້າຮ່ວມແຂ່ງຂັນກິລາ, ຊົມວັນນະຄະດີ ແລະ ອື່ນໆ.

ໂດຍ: ເຈັດໜຸ່ມ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png