ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ສຳລັບການ ​ແຕ່​ງຕັ້ງ​ໃຫ້ ສປປປ ລາວ ​ເປັນ​ຄະນະ​ກຳມະການ​ກອງ​ທຶນ​ຮ່ວມ​ມື​ສາກົນ ​ເພື່ອ​ການ​ສຶກສາ​ນັ້ນ, ກໍ່ຍ້ອນ​ ສປປ ລາວ ​ໄດ້​ພິສູດ​ໃຫ້​ເຫັນ​ເຖິງ​ຄວາມ​ສາມ​າດ​ໃນ​ການ​ຊີ້ນຳ ​ແລະ ​ເປັນ​ຜູ້ນຳ​ໃຫ້​ແກ່​ປະ​ເທດ​ສະມາຊິກ​ ເພື່ອ​ສົ່ງ​ເສີມການ​ສຶກສາ ​ປະຈຳ​ເຂດ​ທີ່​ກ່ຽວຂ້ອງ​ກັບ​ເວທີ​ສາກົນ, ​ໃນທ້າຍ​ປີ 2014 ທ່ານ ລີ​ຕູ້ ບົວ​ປາວ ຈະ​ສຳ​ເລັດ​ໜ້າທີ່ການ​ເປັນຄະນະ​ກຳ​ມະ​ການ​ສຳ​ຮອງ ​ໃນ​ໄລຍະ 2 ສຳ​ລັບ​ເຂດ​ເອເຊຍ-ແປຊີຟິກ ຂອງ​ກອງ​ທຶນ​ຮ່ວມ​ມື​ສາກົນ ​ເພື່ອ​ການ​ສຶກສາ, ​ເຊິ່ງ​ໃນ​ໄລຍະ​ເວລາ​ດັ່ງກ່າວ​ນີ້ ສປປ ລາວ​ໄດ້​ຮັບ​ກຽດ​ເປັນ​ເຈົ້າພາບ ຈັດ​ກອງ​ປະຊຸມ​ຄັ້ງທຳ​ອິດ ​ສຳລັບ​ບັນດາ​ປະ​ເທດ​ສະມາຊິກ​ໃນ​ເຂດ​ເອເຊຍ-ແປຊີຟິກ ກ່ອນ​ການ​ຈັດ​ກອງ​ປະຊຸມ​ ຂອງ​ຄະນະ​ກຳມະ​ການ​ກອງ​ທຶນ​ຮ່ວມ​ມື​ສາກົນ ​ເພື່ອ​ສ້າງ​ຄວາມ​ເຂັ້​ມ​ແຂງ​ໃຫ້​ແກ່​ເຄື່ອຂ່າຍ​ການ​ສື່ສານ​ໃນ​ຂອບ​ເຂ​ ດເອເຊຍ-ແປຊີຟິກ, ທັງ​ນີ້ ກໍ່​ເພື່ອ​ຮັບປະກັນ​ການ​ເຊື່ອມ​​ໂຍງ​ທີ່​​ແໜ້ນກັບ​ບັນດາ​ປະ​ເທດ​ສະມາຊິກ​ໃນ​ ເຂດ​ອື່ນໆ ​ແລະ ການ​ເປັນ​ຜູ້ນຳ​ທີ່​ເຂັ້ມ​ແຂງ​ໃຫ້​ແກ່​ປະ​ເທດ​ຄູ່​ຮ່ວມ​ມື​ທັງໝົດຢູ່​ກອງ​ ປະຊຸມ​ຂອງ​ກອງ​ທຶນ​ຮ່ວມ​ມື​ສາກົນ​ໃນ​ອະນາ​ຄົດ.

ຂະນະ ​ດຽວກັນ, ຄະນະ​ບໍລິຫານ​ງານ​ກອງ​ທຶນ​ຮ່ວມ​ມື​ສາກົນ​ເພື່ອ​ການ​ສຶກສາ ​ໄດ້ຕັ້ງນະ​ໂຍບາຍ  ​ແລະ ຍຸດ​ທະ​ສຳລັບ​ກອງ​ທຶນ​ຮ່ວມ​ມື​ສາກົນ ​ເພື່ອ​ການ​ສຶກສາ​ ທີ່​ປະສານ​ສົມທົບ​ຄວາມ​ພະ​ຍາ​ຍາມ​ໃນ​ທົ່ວ​ໂລກ​ເພື່ອ​ສະໜອງການ​ສຶກສາ​ທີ່​ມີ​ ຄຸນ​ະພາບ​ໃຫ້​ແກ່​ເດັກ​ຍິງ ​ແລະ ຊາຍ ​ໂດຍ​ວາງ​ບຸລິ​ມະ​ສິດ​ໃຫ້​ຜູ້​ທຸກ​ຍາກ ​ແລະ ຜູ້​ດ້ອຍ​ໂອກາດ​ທີ່​ສຸດ ​ໂດຍ​ກອງ​ທຶນ​ຮ່ວມ​ມື​ສາກົນ​ ເພື່ອ​ການ​ສຶກສາ​ໄດ້​ເນັ້ນໜັກ​ໃສ່​ມາດ​ຕະຖານ​ການ​ສຶກສາ​ສູງ​ກວ່າ ​ໂດຍ​ຜ່ານ​ການ​ປະ
ສານ​ສົມທົບ ​ແລະ ຮ່ວມ​ມື​ຢ່າງ​ແໜ້ນ​ແຟ້ນກັບ​ບັນດາ​ປະ​ເທດ​ກຳລັງ​ພັດທະນາ ​ແລະ ຄູ່​ຮ່ວມ​ພັດທະນາ​ທັງໝົດ ນັບ​ທັງ​ຜູ້​ໃຫ້​ທຶນ​ຕ່າງໆ, ອົງການ​ຈັດຕ້ັງສັງຄົມ, ຂະ​ແໜງການ​ເອກະ​ຊົນ ​ແລະ ມູນ​ນິທິ​ຕ່າງໆ, ອົງການ​ຮ່ວມ​ມືຫຼາຍຝ່າຍ ​ແລະ ບັນດາ​ທະນາຄານ​ປະຈຳ​ພາກພື້ນ, ດັ່ງ​ທີ່​ເຮົາ​ຮູ້​ແລ້ວ​ວ່າ ​ແຫຼ່ງທຶນ​ສາກົນ​ເປັນ​ແຫຼ່ງທຶນ​ທີ່​ສຳຄັນ ​ໃນ​ການ​ກອບ​ສ່ວນ​ພັດທະນາ​ວຽກງານ​ການ​ສຶກສາ. ສະນັ້ນ, ທ່ານ ລີ​ຕູ້ ບົວ​ປາວ ຈະ​ໄດ້​ເປັນຜູ້​ຕາງໜ້າ​ໃຫ້​ແກ່ບັນດາ​ປະ​ເທ​ດສະມາຊິກ   ກອງ​ທຶນ​ຮ່ວມ​ມື​ສາກົນ ​ເພື່ອ​ການ​ສຶກສາ​ໃນ​ຂົງ​ເຂດ​ເອເຊຍ-ແປຊີຟິກ ​​ນຳ​ສະ​ເໜີຄວາມ​ສົນ​ໃຈທາງ​​ການສະໜັບສະໜູນຫຼາຍ​ດ້ານ​ໃຫ້​ແກ່​ບັນ
ດາ​ປະ​ ເທດ​ສະມາຊິກ​ດັ່ງກ່າວ ປະກອບ​ມີ ປະ​ເທດ​ບູຖານ, ກຳປູ​ເຈຍ, ສປປ ລາວ, ມົງ​ໂກ​ເຣຍ, ​ເນ​ປານ, ປາ​ກິສຖານ, ປາ​ປົວ​ນິວກີ​ເນຍ, ຕີ​ມໍ​ເລສ​ເຕແລະ
ສສ ຫວຽດນາມ, ປັດຈຸບັນ​ ກອງ​ທຶນ​ຮ່ວມ​ມື​ສາກົນ ​ເພື່ອ​ການ​ສຶກສາ ມີ​ງົບປະມານ 400 ລ​້ານໂດ​ລາ​ສະຫະລັດ,​ ທີ່​ຈັດ​ສັນ​ໃຫ້ບັນດາ​ປະ​ເທດ​ສະ​ຊິກ​ ໃນ​ເຂດ​ເອເຊຍ-ແປຊີຟິກ 9 ປະ​ເທດ ​ແຕ່​ໃນ​ທົ່ວ​ໂລກ​ກອງ​ທຶນ​ຮ່ວມ​ມື​ສາກົນ ​ເພື່ອ​ການ​ສຶກສາ​ໄດ້​ຈັດ​ສັນ​ງົບປະມານ​ຊ່ວຍ​ເຫຼືອລ້າ​ປະມານ 3.7 ຕື້ໂດລາ​ສະ
ຫະລັດ​ໃຫ້​ແກ່​ບັນດາ​ປະ​ເທດ​ຄູ່​ຮ່ວມທີ່​ກຳລັງ​ພັດທະນາຫຼາຍກວ່າ 52 ປະ​ເທດ​ນັບ​ແຕ່​ປີ 2003.

​ ​ແນວໃດກໍ່ຕາມ, ​ໃນ​ວັນ​ທີ 12 ທັນວາ ຜ່ານ​ມາ ທ່ານ ລີ​ຕູ້ ບົວ​ປົວ ຍັງ​ໄດ້​ໄປ​ແລກປ່ຽນບົດຮຽນກ່ຽວກັບ​ການ​ຊີ້ນຳ​ການ​ສຶກສາ​ຢູ່​ທີ່​ລາຍການ​ ຄົ້ນຄວ້າ​ສົນທະນາ ທີ່​ຄົ້ນຄວ້າ​ກ່ຽວກັບ​ຍຸດ​ທະ​ສາດ ​ແລະ ການ​ຊີ້ນຳ​ໃນ​ຂັນທ້ອງ​ຖິ່ນ​ກ່ຽວກັບ​ການ​ສຶກສາ​ເດັກ​ຍິງ​ເພື່ອ​ຄວາມ​ກ້າວໜ້າ, ​​ເຊິ່ງລາຍການ​ດັ່ງ​ກ່າວ ​ຈັດ​ຂຶ້ນ​ເພື່ອ​ຊີ້​ໃຫ້​ເຫັນ​ຍຸດ​ທະ​ສາດ​ທີ່​ເປັນຕົ້ນຕໍ​ ໃນ​ການ​ກ້າວ​ໄປ​ເຖິງ ​ແລະ ການ​ພັດທະ​ນາ​ຜູ້​ຊີ້ນຳ​ໃໝ່ສຳລັບ​ການ​ສຶກສາ​​ເດັກ​ຍິງ, ລາຍການ​ດັ່ງ​ກ່າວ ​ໄດ້​ມີ​ການ​ແນະນຳ​ຕົນ​ເອງ​ທາງ​ວີ​ດີ​ໂອ​ຈາກ​ ທ່ານ ນາງ ມາລາລາ ຢູຊັຟໄຊ ຜູ້​ໄດ້​ລາງວັນ​ໂນ​ເບ​ລ ທີ່​ເປັນ​ນັກສູ້​ກ່ຽວກັບ​ສິດທິ​ຍິງ-ຊາຍ​ ຢ່າງ​ເອົາ​ຈິງເອົາ​ຈັງ ​ແລະ ຮູ້​ເຂົ້າຮ່ວມ​ລາຍ​ການ​ອື່ນໆ​ ເປັນ​ຕົ້ນ​ແມ່ນ ທ່ານ ນາງ ຈູໄລ ກິວລາດ ປະທານ​ຄະນະ​ບໍລິຫານ​ງານ​ກອງ​ທຶນ​ຮ່ວມ​ມື​ສາກົນ​ເພື່ອ​ການ​ສຶກສາ, ອະດີດ​ນາຍົກລັດຖະມົນຕີ ປະ​ເທດ​ອອສເຕຣເລຍ, ທ່ານ ເກເນ ສະເປີລິງ ອະ​ດີ​ດຜູ້ອຳນວຍການ​ຄະນະ​ກຳ​ມະ​ທິການ​ແຫ່ງ​ຊາ​​ດ ​ແລະ ຜູ້ກໍ່ຕ້ັງສູນ ​ສຳລັບ​ການ​ສຶກສາ​ແບບ​ທົ່ວ​ເຖິງ.

ໜັງສືພິມສຶກສາ-ກິລາ ວັນທີ 24 ທັນວາ 2014




ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png