ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຂົ້າສູ່ລະບົບ

ພະນະທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ຜູ້ຊີ້ນຳວຽກງານຂົງເຂດວັດທະນະທຳ-ສັງຄົມ, ລັດຖະມົນຕີວ່າການ ກະຊວງສຶກສາ
ທິການ ແລະ ກິລາ ກ່າວໃນພິທີປິດງານກິລາອຸດົມໄຊ ເກມ ບາງ ຕອນ ເມື່ອວັນທີ 21 ທັນວາ ຜ່ານມາວ່າ: ຂໍສະແດງຄວາມຍ້ອງຍໍຊົມເຊີຍຜົນງານຂອງຄະນະຮັບຜິດຊອບ ຈັດງານ, ຄະນະພັກ, ອຳນາດການປົກຄອງ, ປະຊາຊົນບັນດາເຜົ່າຊາວແຂວງອຸດົມໄຊ, ບັນດາທ່ານຄະນະ ນຳນັກກິລາທຸກພາກສ່ວນ, ຄູເຝິກ, ກຳມະການຕັດສິນ, ນັກກິລາ, ຜູ້ປະກອບການ ແລະ ປະຊາຊົນລາວ ທຸກຊັ້ນຄົນທີ່ໄດ້ໃຫ້ການຮ່ວມມື ແລະ ປະກອບສ່ວນເຂົ້າໃນການຈັດງານມະຫາກຳກິລາແຫ່ງຊາດ ຄັ້ງທີ X ເຮັດງານມະຫາກຳກິລາຄັ້ງນີ້ ມີຜົນສຳເລັດຕາມຈຸດປະສົງລະດັບຄາດໝາຍຢ່າງຈົບງາມ ແລະ ຂໍຊົມເຊີຍ ຜົນສຳເລັດດັ່ງກ່າວຢ່າງສຸດອົກສຸດໃຈ.

ຢ່າງໃດກໍ່ຕາມ, ສຳລັບງານມະຫາກຳກິລາແຫ່ງຊາດ ຄັ້ງທີ X ມີການແຂ່ງຂັນກັນທັງໝົດ 25 ປະເພດກິລາ, ຊີງໄຊຫຼຽນທັງໝົດ 1.148 ຫຼຽນ, ໃນນັ້ນແບ່ງເປັນ 328 ຫຼຽນຄຳ, 328 ຫຼຽນເງິນ ແລະ 492 ຫຼຽນທອງ, ເຊິ່ງມີນັກກິລາເຂົ້າຮ່ວມ 25 ພາກສ່ວນ ທີ່ມາຈາກ 7 ກະຊວງ, 1 ນະຄອນ
ຫຼວງວຽງຈັນ ແລະ 17 ແຂວງໃນທົ່ວປະເທດ. ຜ່ານການແຂ່ງຂັນຕົວຈິງໃນລະຫວ່າງວັນທີ 4-20 ທັນວາ 2014 ຜົນປາກົດວ່າ ທັບນັກກິລາຈາກກະ
ຊວງປ້ອງກັນປະເທດ ສ້າງຜົນງານໄດ້ຢ່າງໂດດເດັ່ນ ກວາດມາໄດ້ທັງໝົດ 61 ຫຼຽນຄຳ, 29 ຫຼຽນເງິນ ແລະ 37 ຫຼຽນທອງ ລວມ 127 ຫຼຽນ ຄອງເຈົ້າຫຼຽນຄຳ ໃນອຸດົມໄຊ ເກມ 2014. ສ່ວນ ນະຄອນຫຼວງວຽງຈັນ ແຊ໋ມເກົ່າ ຕາມມາເປັນອັນດັບທີ 2 ຄວ້າມາໄດ້ 55 ຫຼຽນຄຳ, 31 ຫຼຽນເງິນ ແລະ 49 ຫຼຽນທອງ ລວມ 135 ຫຼຽນ, ອັນດັບທີ 3 ກະຊວງປ້ອງກັນຄວາມສະຫງົບ ຫຼື ປກສ 42 ຫຼຽນຄຳ, 43 ຫຼຽນເງິນ ແລະ 51 ຫຼຽນທອງ ລວມ 136 ຫຼຽນ, ອັນດັບທີ 4 ແຂວງອຸດົມໄຊ ເຈົ້າພາບ 33 ຫຼຽນຄຳ, 24 ຫຼຽນເງິນ ແລະ 53 ຫຼຽນທອງ ລວມ 110 ຫຼຽນ ແລະ ອັນດັບທີ 5 ແຂວງຫຼວງພະ ບາງ 23 ຫຼຽນຄຳ, 26 ຫຼຽນເງິນ ແລະ 45 ຫຼຽນທອງ ລວມ 94 ຫຼຽນ.

ຂະນະທີ່ແຂວງຊຽງຂວາງ ເຈົ້າພາບງານມະຫາກຳກິລາແຫ່ງຊາດ ຄັ້ງທີ XI ຈັດຢູ່ອັນດັບທີ 10 ຂອງຕາຕະລາງສະຫຼຸບຫຼຽນ ຍາດມາໄດ້ທັງໝົດ 9 ຫຼຽນຄຳ, 17 ຫຼຽນເງິນ ແລະ 22 ຫຼຽນທອງ ລວມ 48 ຫຼຽນ ທຽບໃສ່ເປົ້າໝາຍທີ່ຕັ້ງໄວ້ກ່ອນເດີນທາງເຂົ້າຮ່ວມອຸດົມໄຊ ເກມ 6 ຫຼຽນຄຳ ບັນລຸຄາດ
ໝາຍ 3 ຫຼຽນ ຄຳ ຖືວ່າເປັນຜົນສຳເລັດອັນຈົບງາມກ່ອນເປັນເຈົ້າພາບຈັດງານຄັ້ງຕໍ່ໄປໃນປີ 2017.

ໜັງສືພິມສຶກສາ-ກິລາ ວັນທີ 24 ທັນວາ 2014

 

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png