ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

        ບຸ​ຄະລາ​ກອນ ສະຫະພັນ​ເທ​ຄວັນ​ໂດ​ແຫ່ງ​ຊາດລາວ ຈຳນວນ 40 ຄົນ ທີ່​ມາ ຈາກ 8 ​ແຂວງ ​ແລະ 1 ນະຄອນຫຼວງ​ວຽງ​ຈັນ ພ້ອມ​ດ້ວຍ​ບັນດາ​ສະ​ໂມ​ສອນ​ອ້ອມ​ຂ້າງ​ສູນ​ກາງ ​ໄດ້​ຮັບ​ການ​ຍົກ​ລະດັບ​ຄວາມ​ສາມາດ​ດ້ານ​ເປັນ​ຄູ​ເຝິກ ຂັ້ນ​ພື້ນຖານ ​​ແລະ ຫຼັກສູດ​ການ​ສອບ​ສາຍ​ສີ ​ເພື່ອສົ່ງ​ເສີມ​ນັກ​ກິລາ​ໃຫ້​ມີ​ຄວາມ​ກ້າວໜ້າພັດທະນາ​ກາຍ​ເປັນ​ນັກ​ກິລາ​ລະດັບ​ອາຊີບ ກ້າວ​ສູ່​ທີ​ມຊາດ​ໃນ​ອະນາຄົດ.

          ​ໃນ​ຕອນ​ເຊົ້າ​ວັນ​ທີ 28 ມັງກອນ ຜ່ານ​ມາ ທີ່​ສະ​ໂມ​ສອນ​ໃນ​ຮົ່ມ​ບູຢອງ ວິທະຍາ​ເຂດ ດົງ​ໂດກ ​ເມືອງ​ໄຊ​ທານີ ນະ​ຄອຍນຫຼວງວຽງ​ຈັນ, ສະຫະພັນ​​ເທ​ຄວັນ​ໂດ​ແຫງຊາດລາວ ​ໄດ້​ເປີດ​ເຝິກອົບຮົມ​ຍົກ​ລະດັບ​ຄວາມ​ຮູ້​ຄວາມ​ສາມາດ​ໃຫ້​ບຸ​ຄະລາ​ກອນ ​ເທ​ຄວັນ​ໂດ​ລາວ ຮ່ວມ​ກັບສະຫະພັນ​​ເທ​ຄວັນ​ໂດ​​ໂລກ ພາຍ​ໃຕ້​ການ​ເປັນ​ປະທານ​ຂອງ​ທ່ານ ພົນ​ຈັດຕະວາ ວິ​ໄລ ດວງ​ມະນີ ປະທານ​ສະຫະພັນ​ເທ​ຄວັນ​ໂດ​ແຫ່ງ​ຊາດ, ມີ​ທ່ານ ກິມ ຈົງ ວູ ຊຽວຊານ​ກິລາ​ເທ​ຄວັນ​ໂດ ຈາກ​ສະຫະພັນ​ເທ​ຄວັນ​ໂດ​​ໂລກ ທັງ​ເປັນ​ຄູ​ເຝິກ​ທັບ​ນັກ​ກິລາ​ເທ​ຄັວນ​ໂດ​ທີ​ມຊາດ​ລາວ ພ້ອມ​ດ້ວຍ​ບັນດາ​ຄະນະ​ບໍລິຫານ​ງານ ​ແລະ ສຳ​ມະກອນ​​ເທ​ຄວັນ​ໂດ ຈາກ 8 ​ແຂວງ ​ແລະ 1 ນະຄອນຫຼວງ​ວຽງ​ຈັນ ຕະຫຼອດ​ຮອດ​ບັນດາ​ສະ​ໂມ​ສອນ​ອ້ອມ​ຂ້າງ​ສູນ​ກາງ ​ເຂົ້າ​ຮ່ວມ.

          ​ໂອກາດ​ນີ້, ທ່ານ ຈັນທະ​ວົງ ປັນຍາ​ສິລິ ​ເລຂາທິການ​ສະຫະພັນ​ເທ​ຄວັນ​ໂດ​ແຫ່ງ​ຊາດ​ລາວ ກ່າວ​ວ່າ: ສຳລັບ​ການ​ເປີດ​ເຝິກອົບຮົມ​ຄັ້ງ​ນີ້ ​ແມ່ນ​ຈັດ​ຂຶ້ນ​ທຸກ​ປີ ​​ໂດຍ​ການ​ສະໜັບສະໜູນ​ຫຼັກ​ຂອງ​ສະ ຫະພັນ​ເທ​ຄວັນ​ໂດ​​ໂລກ ​ແລະ ພິ​ເສດ ​ໃນ​ປີ​ນີ້ ສຳ​ມະ​ນາກ​ອນລາວ ຈະ​ໄດ້​ຮຽນຮູ້ທາງ​ດ້ານ​ການ​ເປັນ​ຄູ​ເຝິກ​ຂັ້ນ​ພື້ນຖານ ​ແລະ ຫຼັກສູດ​ການ​ສອບ​ເສັງ​ສາຍ​ແຕ່​ລະ​ສີ ​ແລະ ​ແຕ່​ລະ​ດັ້ນ ​ທີ່​ເນັ້ນ​ໜັກດ້ານ​ເທັກ​ນິກ, ທັກ​ສະ ​ແລະ ຍຸດ​ທະວິທີ​ການ​​ເຂົ້າ​ຮ່ວມ​ແຂ່ງຂັນ ກິລາ​ເທ​ຄວັນ​ໂດ ປະ​ເພດ​ຕໍ່ສູ້​ປ້ອງ​ກັນ​ຕົວ ​ເນື່ອງ​ຈາກ​​​ໃນ​ປັດຈຸບັນ ສະຫະພັນ​ເທ​ຄວັນ​ໂດ​ໂລກ ​ໄດ້​ມີ​ການ​ປັບ​ປ່ຽນ​ກະຕິ​ໃໝ່. ດັ່ງ​ນັ້ນ, ຈຶ່ງ​ຕ້ອງ​ປັບປຸງ​ສະພາບ​ການ​ໃຫ້​ຄູ​ເຝິກ​ນຳ​ເອົາ​ຄວາມ​ຮູ້​ຄວາມ​ສາມາດ​ໄປທີ່​ຮຽນ​ໃນ​ຄັ້ງ​ນີ້ ​ເຜີຍ​ແຜ່​ສິດສອນ ​ໃຫ້​ນັກ​ກິລາ​ໃນ​ທ້ອງ​ຖິ້ນຂອງ​ຕົນ ​ໃຫ້ມີ​ການ​ພັດທະນາ​ສອດ​ຄ່ອງ​ກັບ​ຕົວ​ຈິງ ກ່ອນ​ຈະ​ພັດທະນາ​ຕົນ​ເອງ​ກ້າວ​ສູ່​ລະດັບ​ອາຊີບ ​ແລະ ກ້າວ​ມາ​ເປັນ​ນັກ​ກິລາ​ທີ​ມຊາດ​ໃນ​ອະນາຄົດ.

          ​ໃນ​ການ​ເຝິກອົບຮົມ​ດັ່ງກ່າວ ​ແມ່ນຈະ​ດຳເນີນ​ເປັນ​ເວລາ 4 ວັນ ລະ​ຫວ່າງ​ວັນ​ທີ 28-31 ມັງກອນ 2016 ​​ເຊິ່ງສຳ​ມະ​ນາກ​ອນ ຈຳນວນ 40 ຄົນ ​ແມ່ນ​ມາ​ຈາກສະຫະພັນ​ເທ​ຄວັນ​ໂດ 8 ​ແຂວງ ​ແລະ 1 ນະຄອນຫຼວງ​ວຽງ​ຈັນ ຄື: ​ຫຼວງ​ພະ​ບາງ, ບໍ່​ແກ້ວ, ອຸດົມ​ໄຊ, ຊຽງ​ຂວາງ, ບໍລິ​ຄຳ​ໄຊ, ຄຳ​ມ່ວນ, ສະຫວັນ​ນະ​ເຂດ, ຈຳປາ​ສັກ ​ແລະ 1 ນະຄອນຫຼວງ​ວຽງ​ຈັນ. ນອກຈາກ​ນັ້ນ, ກໍ່​ຍັງ​ມີ​ບັນດາ​ສະ​ໂມ​ສອນ​ອ້ອມ​ຂ້າງ​ສູນ​ກາງ ​ເຂົ້າ​ຮ່ວມ.

 

 

​ໂດຍ ອ້ວນ​ດຳ    

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png