ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

1ຄະນະຮັບຜິດຊອບ ສ້າງໂຮງຮຽນຊັ້ນມັດທະຍົມສຶກສາປອດ ຢາເສບຕິດສາມ​ ສົກຮຽນຕິດ​ຕໍ່​ກັນ ຈຳນວນ 21 ທ່ານໄດ້​ຮັບການປະດັບຫຼຽນໄຊແຮງງານ,ຫຼຽນ​ກາ​ແຮງ​ງານແລະຍ້ອງ ຍໍລັດຖະບານພາຍຫຼັງ​ມີ​ຜົນງານທີ່ໂດດເດັ່ນປະກອບສ່ວນ ເຂົ້າໃນ​ວຽກ​ງານ​ດັ່ງກ່າວ.

ເມື່ອວັນທີ 9 ມັງກອນ ຜ່ານມາ ທີ່ກະຊວງສຶກສາທິການ ແລະ ກິລາ ໄດ້ມີພິທີປະດັບຫຼຽນ ໄຊແຮງງານ ໃຫ້ແກ່ຄະນະຮັບຜິດຊອບ ສ້າງໂຮງຮຽນຊັ້ນມັດທະຍົມສຶກສາປອດຢາເສບຕິດ ສາມ​ສົກຮຽນ​ຕິດ​ຕໍ່​ກັນ ​ໂດຍ​ໃຫ້​ກຽດ​ມອບ​ຂອງ​ ພະນະທ່ານ ດຣ. ພັນ​ຄຳ ວິພາ​ວັນ ຮອງ​ນາຍົກລັດຖະມົນ​ຕີ, ລັດຖະມົນຕີ​ວ່າການ ກະຊວງ​ສຶກສາ​ທິການ ​ແລະ ກິລາ, ມີ​ບັນດາ​ລັດຖະມົນຕີ​ຊ່ວຍວ່າການ ກະຊວງ​ສຶກສາ​ທິການ ​ແລະ ກິລາ ພ້ອມ​ດ້ວຍຄະນະຮັບຜິດຊອບ ສ້າງໂຮງຮຽນຊັ້ນມັດທະຍົມສຶກສາ ປອດຢາເສບຕິດ ​ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

​ ໃນ​ໂອກາດ​ດັ່ງກ່າວ, ທ່ານ ບຸນ​ສຸກ​ ທິລະ​ສັກ ຫົວໜ້າ​ກົມ​ພະລະ ​ແລະ ສິລະ​ປະ​ສຶກສາ, ທັງ​ເປັນ​ຫົວໜ້າ​ຄະນະ​ຮັບຜິດ​ຊອບ​ ສ້າງ​ໂຮງຮຽນ​ຊັ້ນ​ມັດທະຍົມ​ສຶກສາ​ເປັນ​ໂຮງຮຽນ​ປອດ​ຢາ​ເສບ​ຕິດ ​ໄດ້​ລາຍ​ງານ​ການ​ປະຕິບັດ​ວຽກ​ງານ​ໃນ​ໄລຍະ​ຜ່ານ​ມາ​ ​ໃຫ້​ຮູ້​ວ່າ: ການຈັດ​ຕັ້ງ​ປະຕິບັດ​ຜັນ​ຂະຫຍາຍ​ເນື້ອ​ໃນ 3 ຂໍ້​ແຂ່ງຂັນ ທີ່​ທາງ​ກະຊວງ ສສກ ​ວາງ​ອອກ ​​ໃຫ້​ຈັດ​ຕັ້ງ​ປະຕິບັດ​ເປັນ​ຜົນ​ຕົວ​ຈິງນັ້ນ ສັງ​ເກດ​ເຫັນ​ວ່າ​ຜູ້​ບໍລິຫານ​ການ​ສຶກສາ ​ແລະ ກິລາ ​ແຕ່ລະ​ຂັ້ນ ນັບ​ທັງ​ການຈັດ​ຕັ້ງ​ສັງຄົມ-ຜູ້​ປົກຄອງ​ນັກຮຽນ ລ້ວນ​ແຕ່​ເຫັນ​ຄວາມ​ຈຳ​ເປັນ ​ແລະ ຜົນ​ຮ້າຍ​ຜິດ​ໄພ​ອັນຕະລາຍ​ຂອງ​ສິ່ງ​ເສບ​ຕິດ​ຕໍ່​ໄວ​ໜຸ່ມ​ນັກຮຽນ-ນັກ​ສຶກສາ ຈຶ່ງ​ໄດ້​ພ້ອມ​ກັນ​ເອົາ​ໃຈ​ໃສ່​ຕັ້ງ​ເຜີຍ​ແຜ່​ບັນດາ​ມະຕິ​ຄຳ​ສັ່ງ​ຂອງ​ພັກ, ລະບຽບຂ​ອງລັດ ດ້ວຍ​ຮູບ​ການ​ຕ່າງໆ ​ໂດຍ​ຕິດ​ພັນ​ກັບ​ຂະ​ບວນການ​ເຄື່ອນ​ໄຫວ​ກິດຈະກຳ​ກິລາກາ​ຍະ​ກຳ, ສິລະ​ປະ-ວັນນະຄະດີ, ຂະ​ບວນ ການ​ແຂ່ງຂັນ​ວິທະຍາສາດ, ​ແຂ່ງຂັນ​ກັນ​ສ້າງ​ໂຮງຮຽນ​ຕົວ​ແບບ​ປອດຢາ​ເສບ​ຕິດ ​ແລະ ດຳ​ເນີນ​ການ​ກວດກາ​ດ້ວຍ​ຫຼາຍ​ຮູບ​ການ ​ເພື່ອ​ຊອກ​ຄົ້ນ​ຫາ​ກຸ່ມ​ສຽງ, ກຸ່ມ​ເປົ້າ​ໝາຍ ​ເພື່ອ​ແນ​ໃສ່​ສະກັດ​ກັ້ນ ​ແລະ ​ແກ້​ໄຂ ​ໂດຍ​ໄດ້​​ເລີ່​ມ​ແຕ່​ສົກຮຽນ 2011-2012 ມາ​ເຖິງ​ສົກຮຽນ 2013-2014 ມີ​ໂຮງຮຽນ​ຊັ້ນ​ມັດທະຍົມ​ສຶກສາສາມາດ​ຮັບຮອງ ​ແລະ ປະກາດ​ເປັນ​ໂຮງຮຽນ​ເຂັ້ມ​ແຂງ​ປອດ​ຢາ​ເສບ​ຕິດ​ໄດ້ທັງ​ໝົດ 819 ​ແຫ່ງ, ​ໃນ​ນີ້ ມີ​ໂຮງຮຽນ​ຖືກ​ຮັບຮອງ​ເປັນ​ໂຮງຮຽນ​ເຂັ້ມ​ແຂງ​ປອດ​ຢາ​ເສບ​ຕິດ 3 ສົກຮຽນ​ຕິດ​ຕໍ່​ກັນ ​ແຕ່​ສົກຮຽນ 2011-2014 ຈຳນວນ 241 ​ແຫ່ງ ​ໃນ​ທົ່ວ​ປະ​ເທດ.

ຈາກ ​ຜົນ​ສຳ​ເລັດ​ດັ່ງກ່າວ ຈຶ່ງ​ໄດ້ປະດັບຫຼຽນໄຊແຮງງານ, ຫຼຽນ​ກາ​ແຮງ​ງານ ແລະ ຍ້ອງຍໍ​ລັດຖະບານ ໃຫ້ແກ່ຄະນະຮັບຜິດຊອບທີ່​ສ້າງ ໂຮງຮຽນຊັ້ນມັດທະຍົມສຶກສາປອດຢາເສບຕິດ ຂັ້ນ​ກະຊວງ ​ໃຫ້​ຜູ້ທີ່​ມີ​ຜົນງານ​ດີ​ເດັ່ນ​ໃນ​ການຈັດ​ຕັ້ງ​ປະຕິບັດ ​ແລະ ຊີ້​ນຳ-ນຳພາ​ຂະ​ບວນການ​ດັ່ງກ່າວ ​ແຕ່​ຕົ້ນ​ຕະຫຼອດ​ມາ ຈຳນວນ 21 ທ່ານ, ຍິງ 8 ທ່ານ. ​ໃນ​ນັ້ນ, ປະດັບຫຼຽນໄຊແຮງງານຊັ້ນ II ຈຳນວນ 6 ທ່ານ, ຍິງ 1 ທ່ານ, ຫຼຽນ​ໄຊ​ແຮງ​ງານ​ຊັ້ນ III ມີ 4 ທ່ານ, ຫຼຽນ​ກາ​ແຮງ​ງານ ມີ 6 ທ່ານ, ຍິງ 3 ທ່ານ ​ແລະ ຍ້ອງຍໍ​ລັດຖະບານ ມີ 2 ທ່ານ.

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png