ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຕັກນິກ2ວິທະຍາໄລເຕັກນິກ (ວ.ລ) ແຂວງວຽງຈັນ ​ໄດ້​ຮັບ​ການ​ຊ່ວຍ​ເຫຼືອ​ໃນ​ການກໍ່ສ້າງຫ້ອງນໍ້າ ແລະ ບໍ່ນ້ຳບາດານ ໂຄງການຮ່ວມມືເພື່ອການພັດທະນາລາວ-ໄທ ໂດຍໄດ້ຮັບການຊ່ວຍເຫຼືອລ້າຈາກອົງການຮ່ວມມືລະຫວ່າງປະເທດຂອງຣາຊະອານາຈັກໄທ ຫຼື ໂຄງການໄທກາ ລວມມູນ​ຄ່າ ປະມານ 1 ຕື້ກວ່າກີບ.

ເມື່ອວັນທີ 10 ກຸມພາ ຜ່ານມາ ທີ່ວິທະຍາໄລເຕັກນິກ ແຂວງວຽງຈັນ (ເມືອງວຽງຄຳ) ໄດ້ມີພິທີມອບ-ຮັບຫ້ອງນໍ້າ ແລະ ບໍ່ນ້ຳບາດານ ໂຄງການຮ່ວມມືເພື່ອການພັດທະນາລາວ-ໄທ, ເຊິ່ງໃຫ້ກຽດມອບໂດຍທ່ານ ນົບພະດົນເທບພິທັກ ເອກອັກຄະຣາຊະທູດແຫ່ງຣາຊະອານາຈັກໄທ ປະຈຳ ສປປ ລາວ ແລະ ຮັບໂດຍທ່ານ ນາງ ແສງເດືອນຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ, ມີບັນດາຫົວໜ້າກົມ-ຮອງກົມ, ຜູ້ອຳນວຍການວິທະຍາໄລ ພ້ອມດ້ວຍພະນັກງານຄູ-ອາຈານ, ນັກຮຽນ-ນັກສຶກສາ ແລະ ພາກສ່ວນທີ່ກ່ຽວຂ້ອງທັງ 2 ຝ່າຍເຂົ້າຮ່ວມ

          ການມອບ-ຮັບຄັ້ງນີ້, ກໍ່ເພື່ອໃຫ້ນັກສຶກສາພາຍໃນວິທະຍາໄລເຕັກນິກ ແຂວງວຽງຈັນ ໄດ້ມີນໍ້າສະອາດ ແລະຫ້ອງນໍ້າໃຊ້ທີ່ຖືກຫຼັກອານາໄມ, ເຊິ່ງໂຄງການດັ່ງກ່າວແມ່ນເລີ່ມດຳເນີນກໍ່ສ້າງມາແຕ່ຕົ້ນປີ 2016 ແລະ ຮອດຕົ້ນປີ 2017 ຈຶ່ງສຳເລັດ. ໃນນັ້ນ, ປະກອບມີຫ້ອງນໍ້າ 36 ຫ້ອງ, ນໍ້າບາດານ 1 ບໍ່ ແລະ ອຸປະກອນຕອງນໍ້າ ລວມມູນຄ່າທັງໝົດ 4,75 ລ້ານບາດ (ສະກຸນເງິນໄທ) ຫຼື ປະມານ 1 ຕື້ກວ່າກີບ ໂດຍໄດ້ຮັບການຊ່ວຍເຫຼືອລ້າຈາກອົງການຮ່ວມມືລະຫວ່າງປະເທດຂອງຣາຊະອານາຈັກໄທ ຫຼື ໂຄງການໄທກາ.

ຜ່ານມາໂຄງການດັ່ງກ່າວກໍ່ໄດ້ໃຫ້ການຊ່ວຍເຫຼືອວິທະຍາໄລເຕັກນິກ ແຂວງວຽງຈັນ ໃນການປຸກອາຄານເຝິກງານ 5 ແຫ່ງ ແລະ ມອບອຸປະກອນເຕັກນິກປະກອບການຮຽນ-ການສອນ ເຊັ່ນ: ອຸປະກອນຊ່າງລົດຍົນ, ກົນຈັກ ແລະ ຊ່າງໄມ້ ແລະ ອື່ນໆ. ນອກຈາກນັ້ນ, ທາງວິທະຍາໄລຍັງໄດ້ສົ່ງຄູໄປເຝິກອົບຮົມທີ່ວິທະຍາໄລເຕັກນິກແຫ່ງຕ່າງໆຂອງໄທ, ເຊິ່ງກໍ່ໄດ້ຮັບການຮ່ວມມືເປັນຢ່າງດີ ແລະ ເຮັດໃຫ້ຄູຂອງວິທະຍາໄລເຕັກນິກແຂວງວຽງຈັນມີການພັດທະນາທາງດ້ານຄວາມຮູ້ ແລະ ຄວາມສາມາດຫຼາຍຂຶ້ນກວ່າເກົ່າ.

          ສຳລັບແຜນການຕໍ່ໜ້າ, ທາງໂຄງການໄທກາ ແລະ ກະຊວງສຶກສາທືການ ແລະ ກິລາຍັງຈະສືບຕໍ່ຮ່ວມມືກັນຕື່ມອີກ, ເຊິ່ງຍັງມີໂຄງການທີ່ຍັງບໍ່ທັນໄດ້ມອບ-ຮັບ ເຊັ່ນ: ໂຄງການສ້າງສວນສາທິດຢູ່ວິທະຍາໄລເຕັກນິກກະສິກຳດົງຄຳຊ້າງ, ກ່ຽວກັບອຸປະກອນການໂຮງແຮມ, ການທ່ອງທ່ຽວ.ນອກຈານີ້, ຍັງມີໂຄງການບໍ່ແຮ່ຕ່າງໆ, ເຊິ່ງຈະໄດ້ຮ່ວມມືກັບວິທະຍາໄລເຕັກນິກຊັບພະວິຊາ.

ເຕັກນິກ

ໂດຍ ໃບລົມ ມິ່ງມາລາ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png