ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ປິດກິລາ3     ປີດສາກລົງຢ່າງເປັນທາງການແລ້ວ ງານມະຫາກຳກິລານັກຮຽນມັດທະຍົມສຶກສາທົ່ວປະເທດຄັ້ງທີ 6 ຫຼື ນົກກົກຄຳ ເກມ 2017 ທີ່ແຂວງບໍລິຄຳໄຊ ລະຫວ່າງວັນທີ 1-9 ກຸມພາ 2017. ຂະນະທີ່ນະຄອນຫຼວງວຽງຈັນ ຍັງຄອງເຈົ້າຫຼຽນຄໍາ ເປັນສະໄໝທີ 5 ໂດຍກວາດມາໄດ້ 26 ຫຼຽນຄຳ, 23 ຫຼຽນເງິນ ແລະ 29 ຫຼຽນທອງ ລວມ 78 ຫຼຽນ. ສ່ວນເຈົ້າພາບຄັ້ງຕໍ່ໄປ (ຄັ້ງທີ 7) ແມ່ນແຂວງສາລະວັນ ໃນປີ 2020.

ເມື່ອວັນທີ 9 ກຸມພາ ຜ່ານມາ ທີ່ສະໜາມກິລາ ມສ ສີທ່ານາໄຊ ເມືອງປາກຊັນ ແຂວງບໍລິຄຳໄຊ ໄດ້ມີພີທີປິດສາກງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ຢ່າງເປັນທາງການ ໂດຍໃຫ້ກຽດເຂົ້າຮ່ວມກ່າວປີດງານຂອງພະນະທ່ານ ພັນຄໍາ ວິພາວັນ ກຳມະການກົມການເມືອງສູນກາງພັກ, ຜູ້​ປະ​ຈຳ​ການຄະນະ​ເລ​ຂາ​ທິ​ການ​ສູນ​ກາງ​ພັກ, ຮອງປະທານປະເທດແຫ່ງ ສປປ ລາວ, ມີທ່ານ  ປອ. ກອງແກ້ວ ໄຊສົງຄາມ ກຳມະການສູນກາງພັກ ເຈົ້າແຂວງບໍລິຄຳໄຊ,ປະທານຈັດງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6, ທ່ານ ນາງ ແສງເດືອນ ຫຼ້າຈັນທະບູນ ກຳມະການສູນກາງພັກ  ລັດຖະມົນຕີກະຊວງສຶກສາທິການ ແລະ ກິລາ,  ພ້ອມດ້ວຍບັນດາການນຳພັກ-ລັດຂັ້ນສູນກາງ, ລັດຖະມົນຕີ, ເຈົ້າແຂວງ, ຮອງລັດຖະມົນຕີ, ຮອງເຈົ້າແຂວງ, ຄະນະຮັບຜິດຊອບຈັດງານ,  ຄະນະນໍານັກກິລາ, ນັກກິລາ ແລະ ບັນດາແຂກທີ່ຖືກເຊີນເຂົ້າຮ່ວມ.

ປິດກິລາ2ໃນໂອກາດດັ່ງກ່າວ, ທ່ານ ປອ.  ກອງແກ້ວ ໄຊສົງຄາມ  ​ ໄດ້ກ່າວລາຍງານສະຫຼຸບຜົນສຳເລັດ​​ໃນການຈັດງານດັ່ງກ່າວ ວ່າ:  ງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6   ໄດ້ທຳການແຂ່ງຂັນກັນຢ່າງເປັນທາງການແຕ່ວັນທີ 1 ກຸມພາ 2017, ເຊິ່ງໄດ້ທຳການແຂ່ງຂັນໃນ  12 ປະເພດກິລາ.        ຜ່ານການແຂ່ງຂັນກັນ 9 ວັນ ສາມາດສະຫຼຸບຜົນງານຂອງນັກກິລາແຕ່ລະແຂວງ ໂດຍສະເພາະແມ່ນນັກກິລານະຄອນຫຼວງວຽງຈັນ ຍັງຄອງເຈົ້າຫຼຽນຄຳ ເປັນສະໄໝທີ 5ໂດຍຍາດມາໄດ້ 26 ຫຼຽນຄຳ, 23 ຫຼຽນເງິນ ແລະ 29 ຫຼຽນທອງ ລວມ 78 ຫຼຽນ;   ແຂວງສະຫວັນນະເຂດ ຍາດໄດ້  21  ຫຼຽນຄຳ, 24 ຫຼຽນເງິນ ແລະ 14 ຫຼຽນທອງ ລວມ 59 ຫຼຽນ ຢູ່ອັນດັບທີ 2;  ແຂວງບໍລິຄໍາໄຊ ເຈົ້າພາບ ຍາດໄດ້ 17 ຫຼຽນຄໍາ, 16 ຫຼຽນເງິນ ແລະ 22 ຫຼຽນທອງ ລວມ 55 ຫຼຽນ ຢູ່ອັນດັບທີ 3;  ແຂວງຈຳປາສັກ ຍາດໄດ້  10 ຫຼຽນຄຳ, 15 ຫຼຽນເງິນ ແລະ 16 ຫຼຽນທອງ  ລວມ 41 ຫຼຽນ ຢູ່ອັນດັບທີ 4;  ແຂວງອຸດົມໄຊ ຍາດໄດ້ 10  ຫຼຽນຄຳ,  9 ຫຼຽນເງິນ ແລະ 10 ຫຼຽນທອງ ລວມ 29 ຫຼຽນ ຢູ່ອັນດັບທີ 5; ແຂວງຊຽງຂວາງ ຍາດໄດ້ 10  ຫຼຽນຄຳ  4 ຫຼຽນເງິນ  ແລະ 13 ຫຼຽນທອງ  ລວມ 27 ຫຼຽນ ຢູ່ອັນດັບທີ 6; ແຂວງຫຼວງພະບາງ ຍາດໄດ້ 9  ຫຼຽນຄຳ, 6 ຫຼຽນເງິນ ແລະ  20 ຫຼຽນທອງ ລວມ 35 ຫຼຽນ ຢູ່ອັນດັບທີ 7; ແຂວງບໍ່ແກ້ວ  ຍາດໄດ້ 6  ຫຼຽນຄຳ,  3 ຫຼຽນເງິນ ແລະ 3 ຫຼຽນທອງ ລວມ 12  ຫຼຽນ ຢູ່ອັນດັບ 8; ແຂວງຫົວພັນ ຍາດໄດ້ 6  ຫຼຽນຄຳ, 1 ຫຼຽນເງິນ ແລະ 8 ຫຼຽນທອງ ລວມ 15 ຫຼຽນ ຢູ່ອັນດັບ 9; ແຂວງຄຳມ່ວນ  ຍາດມາໄດ້ 4  ຫຼຽນຄຳ,  8 ຫຼຽນເງິນ ແລະ 14 ຫຼຽນທອງ ລວມ 26 ຫຼຽນ ຢູ່ອັນດັບທີ 10; ແຂວງອັດຕະປື ຍາດໄດ້ 3  ຫຼຽນຄຳ, 4 ຫຼຽນເງິນ ແລະ 8 ຫຼຽນທອງ ລວມ 15 ຫຼຽນ ຢູ່ອັນດັບທີ 11; ແຂວງໄຊຍະບູລີ  ຍາດໄດ້ 2 ຫຼຽນຄຳ,   6 ຫຼຽນເງິນ ແລະ 7 ຫຼຽນທອງ ລວມ 15 ຫຼຽນ ຢູ່ອັນດັບ 12; ແຂວງສາລະວັນ  ຍາດໄດ້ 1  ຫຼຽນຄຳ,  1 ຫຼຽນເງິນ ແລະ 3 ຫຼຽນທອງ ລວມ 5 ຫຼຽນ ຢູ່ອັນດັບ 13; ແຂວງໄຊສົມບູນ  ຍາດໄດ້ 1  ຫຼຽນຄຳ ແລະ 1 ຫຼຽນທອງ ລວມ 2 ຫຼຽນ ຢູ່ອັນດັບທີ 14; ແຂວງວຽງຈັນ ຍາດໄດ້  3 ຫຼຽນເງິນ ແລະ 3 ຫຼຽນທອງ ລວມ 6 ຫຼຽນ ຢູ່ອັນດັບທີ 15; ແຂວງຫຼວງນໍ້າທາ ຍາດໄດ້ 2 ຫຼຽນເງິນ ແລະ 2 ຫຼຽນທອງ ລວມ 4 ຫຼຽນ ຢູ່ອັນດັບທີ 16;  ແຂວງຜົ້ງສາລີ ຍາດໄດ້ 1 ຫຼຽນເງິນ ແລະ 2 ຫຼຽນທອງ ລວມ 3 ຫຼຽນ ຢູ່ອັນດັບທີ 17 ແລະ     ແຂວງເຊກອງ ຍາດໄດ້ 1 ຫຼຽນທອງ  ຢູ່ອັນດັບທີ 18 ຈາກການຊີງໄຊກັນທັງໝົດ 126  ຫຼຽນຄຳ, 126 ຫຼຽນເງິນ ແລະ 176 ຫຼຽນທອງ.

ປິດກິລາຫຼັງຈາກນັ້ນ, ພະນະທ່ານ ພັນຄຳ ວິ​ພາ​ວັນ ກໍ່ໃຫ້ກຽດກ່າວປິດງານຢ່າງເປັນທາງການ ໂດຍທ່ານໄດ້ສະແດງຄວາມຍ້ອງຍໍຊົມເຊີຍຜົນງານ, ຜົນສຳເລັດຂອງຄະນະຮັບຜິດຊອບຈັດງານ, ຄະນະພັກ, ອຳນາດການປົກຄອງ, ພີ່ນ້ອງປະຊາຊົນຊາວແຂວງບໍລິຄຳໄຊ, ບັນດາທ່ານຄະນະນຳນັກກິລາ, ຄູເຝິກ, ນັກກິລາ, ຜູ້ປະກອບການ, ຜູ້ໃຫ້ການອຸປະຖໍາ-ສະໜັບສະໜູນ ຕະຫຼອດຮອດ ຄູ-ອາຈານ ແລະ ພີ່ນ້ອງປະຊາຊົນບັນດາເຜົ່າ ທີ່ໄດ້ປະກອບສ່ວນເຂົ້າໃນງານຄັ້ງນີ້ ຈົນມີຜົນສຳເລັດຕາມຈຸດປະສົງ ແລະ ລະດັບຄາດໝາຍຢ່າງຈົບງາມ.

ນອກຈາກນີ້, ຍັງໄດ້ມີການສວນສະໜາມຕ່າງໆ ພ້ອມທັງພິທີເຊີນທຸງຊາດ ແລະ ທຸງກິລາລົງຈາກຍອດເສົາ ແລະ ​ໄຟ​ໃນ​ອ່າງ​ທວນ​ໄຟ​​ກໍ່ຄ່ອຍໆມອດ​ລົງ  ກ່ອນທີ່ຈະມີພິທີມອບທຸງກິລາໃຫ້ແກ່​ແຂວງ​ສາລະ​ວັນ​ເປັນເຈົ້າພາບ ​ຄັ້ງ​ທີ 7 ໃນປີ 2020 ໂດຍໃຫ້ກຽດຮັບຂອງທ່ານ ສີ​ສຸ​ວັນ ວົງຈອມສີ​ເຈົ້າ​ແຂວງສາລະ​ວັນ, ເຊິ່ງທ່ານກໍ່ໄດ້ຕາງໜ້າໃຫ້ຄະນະພັກ-ອົງການປົກຄອງ ແລະ ປະຊາຊົນບັນດາເຜົ່າຊາວແຂວງສາລະວັນ ສະແດງຄວາມຮູ້ສຶກເປັນກຽດຢ່າງສູງ ແລະ ພາກພູມໃຈເປັນຢ່າງຍິງ ທີ່ລັດຖະບານ ກໍ່ຄື ກະຊວງສຶກສາທິການ ແລະ ກິລາ ໄດ້ມອບໝາຍໃຫ້ເປັນເຈົ້າພາບ ໃນປີ 2020, ເຊິ່ງເປັນພາລະກິດອັນໜັກໜ່ວງ ແລະ ມີກຽດສະຫງ່າ ທີ່ປຽບລົ້ນໄປດ້ວຍຄວາມເຊື່ອໝັ້ນ.

ສຳລັບລາຍການສະແດງສິລະປະວັນນະຄະດີ ໃນພີທີປິດດັ່ງກ່າວ, ແຂວງບໍລິຄຳໄຊ ເຈົ້າພາບ ໄດ້ຈັດສະແດງ 5 ລາຍການ ຄື:ລາຍການ​ທີ 1 ແມ່ນ ປິດ​ສະ​ໜາ​ລຳ​ສາ​ລະ​ວັນ ສະແດງເຖິງຄວາມສາມັກຄີ, ວິຖີຊີວິດ ແລະ ຮີດຄອງປະເພນີ ທີ່ໄດ້ສືບທອດກັນມາແຕ່ບັນພະບູລຸດຂອງຊາວແຂວງສາວະວັນ, ລຳສາລະວັນ ສະ​ແດງ​ໂດຍ​ນ້ອງ​ນັກຮຽນ ຈຳນວນ32ຄົນຈາກ ​ມສ ສາລະວັນ ແລະ ມສ ອົງແກ້ວ; ລາຍການ​ທີ 2 ເປັນບົດເພງ ​ນັດ​ພົບ​ກັນ​ປີ 2020ສະແດງເຖິງການເຊີນຊວນນັກກິລາ ເຂົ້າຮ່ວມງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 7ປີ 2020 ສະ​ແດງ​ໂດຍ​ນ້ອງ​ນັກຮຽນຈຳນວນ32ຄົນຈາກ​ ມສ ສາລະວັນ ແລະ ມສ ອົງແກ້ວ; ລາຍການ​ທີ 3 ເປັນບົດຟ້ອນ ຮ່ວມ​ໃຈ​ສະຫຼອງ​ໄຊ”​ສະແດງເຖິງບັນດານັກຮຽນ, ຄູ-ອາຈານ, ທະຫານຕຳຫຼວດ, ພໍ່-ແມ່ປະຊາຊົນ, ແພດໝໍ ແລະ ທຸກຊັ້ນຄົນພາກັນມ່ວນຊື່ນສະຫຼອງຜົນສຳເລັດຂອງງານມະຫະກຳກິລານັກຮຽນໃນຄັ້ງນີ້ ສະ​ແດງ​ໂດຍ​ນ້ອງ​ນັກຮຽນຈຳນວນ 210 ຄົນຈາກ​ໂຮງ​ຮຽນ ມ​ສ ສີ​ທ່າ​ນາ​ໄຊ; ລາຍການທີ 4 ເປັນບົດຟ້ອນລູກຫຼານ​ລຸງ ​ສີ​ສົມ​ພອນ ລໍ​ວັນ​ໄຊ ຫ່າງ​ໄກ​ສິ່ງ​ເສບ​ຕິດ ເພື່ອສືບທອດພາລະກິດຂອງຊາດສະແດງເຖິງຄວາມເຂັ້ມແຂງ, ແຂງແຮງ, ມີລະບຽບວິໃນຂອງນ້ອງນັກຮຽນ ທີ່ມີຄວາມມັກຮັກໃນສິລະປະປ້ອງກັນຕົວຂອງລາວ, ສະ​ແດງ​ໂດຍ​ນ້ອງ​ນັກຮຽນຈຳນວນ 210 ຄົນຈາກ​ໂຮງ​ຮຽນ ມ​ສ ສີ​ທ່າ​ນາ​ໄຊ ແລະ ປີດທ້າຍກັນທີບົດຟ້ອນ ອະນາຄົດຂອງຊາດສະແດງເຖິງພະລັງຄວາມສາມັກຄີຂອງບັນດານ້ອງນັກຮຽນທີ່ມັກຮັກໃນການຫຼິ້ນກິລາ ແລະ ເອົາໃຈໃສ່ໃນການຮ່ຳຮຽນ ເພື່ອກາຍເປັນໜໍ່ແໜງຂອງປະເທດຊາດ, ສະແດງໂດຍນ້ອງນັກຮຽນຈຳນວນ 420 ຄົນ ຈາກໂຮງຮຽນ ມສ ສີທ່ານາໄຊ.

ປິດກິລາ1

(ໂດຍ ສັກດາວົງ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png