ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

nrvr     ຄະນະພັກ, ຄະນະ​ນຳ, ພະນັກງານ ທະຫານ​-ຕຳຫຼວດ ​ແລະ ພໍ່-​ແມ່​ປະຊາຊົນ​ຊາວນະຄອນຫຼວງ​ວຽງ​ຈັນ (ນ.ວ) ຈັດພິທີຕ້ອນຮັບທັບນັກກິລານັກຮຽນ ນະຄອນຫຼວງ​ວຽງ​ຈັນ ຈຳນວນ 360 ຄົນ ຢ່າງສົມກຽດ ແລະ ເຕັມໄປດ້ວຍບັນຍາກາດທີ່ແສນອົບອຸ່ນ ພາຍຫຼັງເດີນທາງກັບເຖິງບ້ານເກີດເມືອງນອນ ຫຼັງຈາກປະກາດສັກດາຄອງເຈົ້າຫຼຽນຄຳໄວ້ໄດ້ສຳເລັດ ແລະ ເປັນແຊ໋ມເຈົ້າຫຼຽນຄຳ ສະໄໝທີ 5 ຕິດຕໍ່ກັນ ໃນງານມະຫາກຳກິລານັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ຫຼື ນົກກົກຄຳ ເກມ ທີ່ແຂວງບໍລິຄຳໄຊ ​ເປັນ​ເຈົ້າພາບ .

​ຫຼັງ​ຈາກ​ສຳ​ເລັດ​ພາລະກິດ​ອັນ​ຍິ່ງ​ໃຫຍ່ ກັບ​ຜົນງານການປ້ອງກັນ​ແຊ໋ມ​ເຈົ້າ​ຫຼຽນ​ຄຳ ສະ​ໄໝ​ທີ 5 ຕິດຕໍ່ກັນ ​ຂອງ​ທັບ​ນັກ​ກິລາ ນ.ວ ​ໃນ​ງານ​ກິລາ ນົກກົກ​ຄຳ ​ເກ​ມ ​ໄດ້​ເດີນທາງ​ຈາກແຂວງບໍລິຄຳໄຊ ກັບມາ​ເຖິງ​ບ້ານ​ເກີດ​ເມືອງ​ນອນ ນະຄອນຫຼວງວຽງຈັນ ຢ່າງປອດໄພ ເມື່ອວັນທີ 10 ກຸມພາ ຜ່ານ​ມາ ທີ່ສໍານັກງານຫ້ອງ​ວ່າການປົກຄອງ ນ.ວ, ຄະນະນັກກິລາດັ່ງກ່າວ ນຳ​ທັບ​ໂດຍ ​ທ່ານ ຊົມ​ພູ ​ແກ້ວ​ປັນຍາ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ນ.ວ ​ແລະ ທ່ານ ຄຳ​ສະຫວັນ ​ໂຄດ​ໄຊ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ນ.ວ ຜູ້​ຊີ້​ນຳ​ວຽກ​ງານ​ກິລານະຄອນຫຼວງ​ວຽງ​ຈັນ ພ້ອມ​ດ້ວຍ​ຄະນະ, ບັນດາ​ຄູ​ເຝິກ ​ແລະ ນັກ​ກິລາ ຈຳນວນ 360 ຄົນ ໄດ້ຮັບການຕ້ອນຮັບຢ່າງອົບອຸ່ນຈາກ  ທ່ານ ປອ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະນໍາ, ຂະແໜງ ການກ່ຽວຂ້ອງ, ພະນັກງານ, ທະຫານ-ຕຳຫຼວດ ແລະ ພໍ່-ແມ່ຜູ້ປົກຄອງນັກກິລາ ກໍ່ຄືຊາວນະຄອນຫຼວງວຽງຈັນ.

ໂອກາດນີ້, ທ່ານ ຄໍາສະຫວັນ ໂຄດໄຊ ກ່າວວ່າ: ງານມະຫະກຳກິລານັກຮຽນຄັ້ງນີ້ ຈັດຂຶ້ນ ລະຫວ່າງວັນທີ 1-9 ກຸມພາ 2017 ມີນັກກິລາເຂົ້າຮ່ວມແຂ່ງຂັນ 2.109 ຄົນ, ຄະນະນຳ 241 ຄົນ, ຄະນະວິຊາການ 357 ຄົນ, ຄູເຝິກ 419 ຄົນ ແລະ ກຳມະການ 551 ຄົນ ລວມແລ້ວທັງໝົດເປັນ 3.677 ຄົນ ຈາກ 17 ແຂວງ ແລະ 1 ນະຄອນຫຼວງວຽງຈັນ ມີແຂ່ງຂັນທັງໝົດ 12 ປະເພດກິລາ ປະກອບມີ: ກະຕໍ້, ປິ່ງປ່ອງ, ບານສົ່ງໃນຮົ່ມ ແລະ ຫາດຊາຍ, ໝາກເສິກ, ບານບ້ວງ, ເຕະບານ, ດອກປີກໄກ່, ເປຕັງ, ແລ່ນ-ລານ, ເທຄວັນໂດ, ໝາກຂ່າງ, ໜ້າເກັກ ທັງຍິງ ແລະ ຊາຍ ມີຊີງໄຊທັງໝົດ 428 ຫຼຽນ ໃນນີ້ ມີ 126 ຫຼຽນຄຳ, 126 ຫຼຽນເງິນ ແລະ 176 ຫຼຽນທອງ.

nrvrrໃນນີ້ສະເພາະ ນ.ວ ແມ່ນສົ່ງຄະນະນຳ, ຄູເຝິກ ແລະ ນັກກິລາ ເຂົ້າຮ່ວມທັງໝົດ 360 ຄົນ ໃນ 12 ປະເພດກິລາ. ຜ່ານການແຂ່ງຂັນຜົນປາກົດວ່າ: ທັບນັກກິລາ ນ.ວ ສາມາດສ້າງຜົນງານໄດ້ຢ່າງໂດດເດັ່ນ ຍາດມາໄດ້ 26 ຫຼຽນຄໍາ, 23 ຫຼຽນເງິນ ແລະ 29 ຫຼຽນທອງ ຄອງເຈົ້າຫຼຽນຄຳ  ສະໄໝທີ 5 ຕິດຕໍ່ກັນ. ໃນນັ້ນໄດ້ຈາກປະເພດກິລາແລ່ນ-ລານ 8 ຫຼຽນຄໍາ, ດອກປີກໄກ່ 7 ຫຼຽນຄຳ, ເທຄວັນໂດ 6 ຫຼຽນຄຳ, ປິ່ງປ່ອງ 2 ຫຼຽນຄຳ, ໝາກເສິກ 2 ຫຼຽນຄຳ ແລະ ບານບ້ວງ 1 ຫຼຽນຄຳ.

ສ່ວນ 23 ຫຼຽນເງິນ ແລະ 29 ຫຼຽນທອງ ໄດ້ຈາກ ປະເພດກິລາແລ່ນ-ລານ 7 ຫຼຽນເງິນ, 11 ຫຼຽນທອງ; ປິ່ງປ່ອງ 3 ຫຼຽນເງິນ 2,ຫຼຽນທອງ; ໝາກເສິກ 2 ຫຼຽນເງິນ ແລະ 3 ຫຼຽນທອງ; ເທຄວັນໂດ 2 ຫຼຽນເງິນ, 7 ຫຼຽນທອງ; ກະຕໍ້ 2 ຫຼຽນເງິນ, 2 ຫຼຽນທອງ; ດອກປີກໄກ່ 2 ຫຼຽນເງິນ;  ໝາກຂ່າງ 2 ຫຼຽນເງິນ; ເປຕັງ 1 ຫຼຽນເງິນ, 2 ຫຼຽນທອງ; ບານສົ່ງໃນຮົ່ມ 1 ຫຼຽນເງິນ ບານສົ່ງຫາດຊາຍຍິງ 1 ຫຼຽນເງິນ; ບານບ້ວງ 1 ຫຼຽນທອງ ແລະ ໜ້າເກັກ 1 ຫຼຽນທອງ.

ໂອກາດດັ່ງກ່າວ, ທ່ານເຈົ້າຄອງນະຄອນຫຼວງວຽງຈັນ ໄດ້ຍ້ອງຍໍຊົມເຊີຍ ແລະ ຕີລາຄາສູງຕໍ່ ຜົນງານຂອງທັບນັກກິລານັກຮຽນ ນ.ວ ທີ່ສາມາດຮັກສາມູນເຊື້ອໃນການປ້ອງກັນ ແຊ໋ມເຈົ້າຫຼຽນຄໍາສະໄໝທີ 5 ຕິດຕໍ່ກັນ. ແນວໃດກໍ່ຕາມ, ນັບຕໍ່ຈາກນີ້ໄປພວກເຮົາ ກໍ່ຍັງມີພາລະກິດ ອັນໃຫຍ່ຫຼວງ ໃນການທວງບັນລັງແຊ໋ມເຈົ້າຫຼຽນຄຳ ໃນງານມະຫາກຳກິລາແຫ່ງຊາດ ຄັ້ງທີ 11 ທີ່ ແຂວງຊຽງຂວາງ ຮັບກຽດເປັນເຈົ້າພາບ ໃນປີ 2018 ກັບມາຄືນ. ດັ່ງນັ້ນ, ຮຽກຮ້ອງມາຍັງຄະນະ ຮັບຜິດຊອບວຽກງານກິລາດັ່ງກ່າວ ພ້ອມກັນຖອດຖອນບົດຮຽນວຽກງານຕ່າງໆໃຫ້ລະອຽດ ເພື່ອ ເພີ່ມທະວີຄວາມຮັບຜິດຊອບສູງ ໃນການສ້າງແຜນພື້ນຖານໂຄງລ່າງໃຫ້ຖືກຕ້ອງຕາມລະບົບລະບຽບ ໃຫ້ສອດຄ່ອງກັບ 5 ຫຼັກມູນ ຂອງການສຶກສາ ທີ່ກະຊວງສຶກສາທິການ ແລະ ກິລາ ວາງອອກ ໃຫ້ປາກົດຜົນເປັນຈິງ ທັງນີ້, ກໍ່ເພື່ອເປັນການຮັກສາ​ມູນ​ເຊື້ອ ​ແລະ ສ້າງໄດ້ນັກກິລາດີເດັ່ນໃຫ້ໄດ້ຕາມ ເປົ້າໝາຍທີ່ວາງໄວ້.

ໂດຍ ອ້ວນດຳ   

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png