ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ຮັກບີ້້1       ສປປ ລາວ ກໍ່​ຄື ສະຫະພັນ​ກິລາຣັກບີ້​ແຫ່ງ​ຊາດ​ລາວ ໄດ້ຮັບກຽດເປັນ​ເຈົ້າພາບ​ຈັດການ​ແຂ່ງຂັນ​ກິລາຣັກບີ້ ນາໆ​ຊາດ ກໍ່​ຄື ລາຍການ ​ເອ​ເຊຍ ຣັກບີ້​ເຊ​ເວັນ ​ໂທຣຟີ ປະ​ເພດ​ຍິງ 7 ຄົນ ​ແລະ ລາຍການ​ຊີງ​ແຊ໋ມສະ​ໂມ​ສອນ​ວຽງ​ຈັນ​ນາໆ​ຊາດ ຄັ້ງ​ທີ 10 ​ໃນ​ລະຫວ່າງ​ວັນ​ທີ 17-19 ກຸມພາ​ນີ້ ທີ່​ສະໜາມກິລາ​​ເຈົ້າ​ອານຸວົງ ​ນະຄອນຫຼວງ​ວຽງ​ຈັນ.

ເມື່ອວັນທີ 14 ກຸມພາ ຜ່ານມາ ທີ່ໂຮງແຮມ ເມີກ້ຽວ (​ໂນ​ໂວ​ເທວ​ເກົ່າ) ​ເມືອງ​ສີ​ໂຄດ​ຕະບອງ ນະຄອນຫຼວງ​ວຽງ​ຈັນ ໄດ້ມີພິທີຖະແຫຼງຂ່າວກ່ຽວກັບ ການກຽມ​ເປັນ​ເຈົ້າພາບ ຈັດ​ແຂ່ງຂັນກິລາ ຣັກບີ້ 2 ລາຍການ​ດັ່ງກ່າວ ພາຍໃຕ້ການເປັນປະທານຂອງ ທ່ານ ວິລະຢຸດ ຣາທິກຸນ ປະທານສະຫະພັນກິລາຣັກບີ້ແຫ່ງຊາດລາວ, ມີທ່ານ ນາງ ສຸກພະໄຊ ສິດທິໂມລາດາ ຮອງປະທານສະຫະພັນກິລາຣັກບີ້ແຫ່ງຊາດລາວ ພ້ອມດ້ວຍບັນດາ​ຄະນະ​ບໍລິຫານ​ງານ, ຄູ​ເຝິກ ​ແລະ ນັກກິລາ ຕະຫຼອດຮອດສື່ມວນຊົນເຂົ້າຮ່ວມ.

      ໂອກາດດັ່ງກ່າວ, ທ່ານ ວິລະຢຸດ ຣາທິກຸນ ໄດ້ກ່າວໃຫ້ຮູ້ວ່າ: ທາງສະຫະພັນກິລາຣັກບີ້ແຫ່ງຊາດລາວ ໄດ້ຮັບ ກຽດເປັນເຈົ້າພາບ ຈັດການແຂ່ງຂັນກິລາຣັກບີ້ ທີ່ມີຊື່ເອີ້ນວ່າ ເທສະການລາວຣັກບີ້ ຈະ​ຈັດ​ຂຶ້ນ ໃນລະຫວ່າງວັນທີ 17-19 ກຸມພານີ້ ທີ່ສະໜາມກິລາເຈົ້າອານຸວົງ, ເຊິ່ງເປັນການແຂ່ງຂັນ 2 ລາຍການ​ໃຫຍ່ ພ້ອມ​ກັນ ຄື: ລາຍການ ​ເອ​ເຊຍ ຣັກບີ້​ເຊ​ເວັນ ​ໂທຣຟີ ປະ​ເພດ​ຍິງ 7 ຄົນ ​ແລະ ລາຍການ​ຊີງ​ແຊ໋ມສະ​ໂມ​ສອນ​ວຽງ​ຈັນ​ນາໆ​ຊາດ ຄັ້ງ​ທີ 10 ປະ​ເພດ ​ທີ​ມຊາຍເຊິ່ງເປັນຄັ້ງປະຫວັດສາດ ທີ່ທາງສະຫະພັນກິລາຣັກບີ້ແຫ່ງຊາດລາວ ໄດ້ຮັບກຽດຈັດຂຶ້ນທີ່ ນະຄອນຫຼວງວຽງຈັນ ສຳລັບ​ລາຍການ ເອ​ເຊຍ ຣັກບີ້​ເຊ​ເວັນ ​ໂທຣຟີ ປະ​ເພດ​ຍິງ 7 ຄົນ ມີ​ທັງ​ໝົດ 6 ປະ​ເທດ​ເຂົ້າ​ຮ່ວມ ປະກອບ​ມີ ທີ​ມຊາດອິນເດຍ, ມາເລເຊຍ, ເນປານ,ປາກິສະຖານ, ສ ເກົາຫຼີ ​ແລະ ສປປ ລາວ ​ເຈົ້າພາບ. ຫຼັງຈາກການແຂ່ງຂັນຄັ້ງນີ້ຈົບລົງ ສະເພາະທີມຊາດລາວປະເພດຍິງຍັງຕ້ອງກຽມຕົວໃນການແຂ່ງ ຂັນທີ່ປະເທດສີລັງກາຈະ​ຈັດ​ຂຶ້ນ​ໃນເດືອນກັນຍາ ຫາ ຕຸລາ 2017. ຂະນະ​ທີ່ ລາຍການ​ຊີງ​ແຊ໋ມສະ​ໂມ​ສອນ​ວຽງ​ຈັນ​ນາໆ​ຊາດ ຄັ້ງ​ທີ 10 ມີ 10 ສະ​ໂມ​ສອນ​ເຂົ້າ​ຮ່ວມ ​ແບ່ງ​ເປັນ 2 ກຸ່ມ​ແຕ່ລະ​ກຸ່ມ​ແຂ່ງຂັນ​ພົບ​ກັນ​ໝົດ​ຄັດ​ເອົາ​ທີ 1-2 ຜ່ານ​ເຂົ້າ​ໄປ​ຫຼິ້ນ​ໃນ​ຮອບ​ຕໍ່​ໄປ.

      ຂະນະທີ່ ນາງ ສຸດ​ສະ​ດາ ສິລິ​ພົງ​ພັນ ນັກ​ກິລາຣັກບີ້ ຫົວໜ້າ​ທີ​ມຣັກບີ້ຍິງ ທີມຊາດ​ລາວ ​ໃຫ້​ຮູ້​ວ່າ: ມາ​ຮອດ​ເວລາ​ນີ້ ນັກ​ກິລາ​ທຸກ​ຄົນມີ​ກຳລັງ​ໃຈ ​ແລະ ​ມີ​ຄວາມ​ພ້ອມ​ຢ່າງ​ເຕັມ​ຮ້ອຍ​ເປີ​ເຊັນ ພາຍຫຼັງ​ພ້ອມ​ກັນ​ຂຸ້ນຂ້ຽວ​ເຝິກ​ແອບ​ເຝິກຊ້ອມ​ຢ່າງ​ໜັກ​ໜ່ວງ​ໃນ​ໄລຍະ​ທີ່​ຜ່ານ​ມາ. ​ແນວ​ໃດ​ກໍ່​ດີ, ​​ເຖິງ​ວ່າ​ງານ​ນີ້ ຈະ​ມີ​ນັກ​ກິລາ​ຈາກ​ປະ​ເທດ​ທີ່​ມີ​ການພັດທະນາກວ່າ ພວກ​ເຮົາ​ມາ​ກ່ອນ​ແລ້ວ ​ແຕ່​ກໍ່ຂໍ​ໃຫ້​ເຊື່ອ​ໝັ້ນ​ວ່າ​ພວກ​ນ້ອງ​ຈະ​ພ້ອມ​ກັນ​ຕັ້ງໜ້າ​ສູ້ຊົນ​ເຂົ້າ​ໃນ​ການ​ແຂ່ງຂັນ ​ເພື່ອ​ຍາດ​ເອົາໄຊຊະນະສ້າງ​ຜົນງານດີ​ເດັ່ນ​ໃຫ້​ແກ່​ປະ​ເທດ​ຊາດ.  ​

      ສຳລັບ​ການ​ແຂ່ງຂັນ​ລາຍການ​ດັ່ງກ່າວ ​ໄດ້​ຮັບການ​ສະໜັບສະໜູນ​ຫຼັກ​ຈາກ ຜະລິດ​ຕະພັນ​ໄຮ​ນີ​ເກນ, ​ໂຮງ​ແຮມ​ເມີ​ກ້ຽວ, ​ໂຮງຮຽນ​ໂຄ​ຄາ​ໂຄ​ລາ, ບໍລິສັດ ​ແດກ ​ແມນ​ຈິ​​ເມັນ ​ແອລແອລຊີ ​ແລະ ສະຫະພັນ​ກິລາຣັກບີ້​​ເອ​ເຊຍ.

 ​

ໂດຍ ອ້ວນ​ດຳ 

     

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png