ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

srvrsr       ສະຖາບັນຄົ້ນຄວ້າວິທະຍາສາດການສຶກສາ (ສວສ) ກະຊວງ​ສຶກສາ​ທິການ ​ແລະ ກິລາ ສະເຫຼີມສະຫຼອງວັນສ້າງຕັ້ງ ແລະ ເຕີບໃຫຍ່ຂະຫຍາຍຕົວ ຄົບຮອບ 31 ປີ ແລະ ຍ້ອງຍໍຜົນງານ 30 ປີ ໃນວັນທີ 20 ກຸມພາ ຜ່ານມາ ທີ່ຫ້ອງປະຊຸມໃຫຍ່ຂອງສະຖາບັນດັ່ງກ່າວ, ໂດຍເປັນກຽດເຂົ້າຮ່ວມຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ສຈ.ປອ ບໍ່ແສງຄໍາ ວົງດາລາ ລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ  ແລະ ທ່ອງທ່ຽວ, ພ້ອມດ້ວຍບັນດາຮອງລັດຖະມົນຕີ, ຫົວໜ້າ-ຮອງຫົວໜ້າຫ້ອງການ, ກົມ, ສູນ, ສະຖາບັນ, ວິທະຍາໄລ, ໂຮງຮຽນ ແລະ ພາກສ່ວນກ່ຽວຂ້ອງຢ່າງ​ພ້ອມພຽງ.

ໂອກາດດັ່ງກ່າວ, ທ່ານ ປອ. ອ່ອນແກ້ວ ນວນນະວົງ ຜູ້ອໍານວຍການສະຖາບັນຄົ້ນຄວ້າວິທະຍາສາດການສຶກສາ ໄດ້ກ່າວວ່າ: ສະຖາບັນຄົ້ນຄວ້າວິທະຍາສາດການສຶກສາ ໄດ້ຮັບການສ້າງຕັ້ງຂຶ້ນໃນວັນທີ 20 ກຸມພາ 1986 ໂດຍມີມູນເຊື້ອອັນດີທາງດ້ານຄວາມສາມັກຄີເປັນປຶກແຜ່ນ, ມີຄວາມເປັນເອກະພາບກັນລະຫວ່າງຄະນະພັກ ແລະ ຄະນະອໍານວຍການສະຖາບັນ ລະຫວ່າງຄະນະນໍາຂັ້ນຕ່າງໆກັບອ້າຍ, ເອື້ອຍ, ນ້ອງພະນັກງານ ໂດຍສະຖາບັນມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍດີ. ສະຖາບັນຄົ້ນຄວ້າວິທະຍາສາດການສຶກສາ ໄດ້ສໍາເລັດໜ້າທີ່ການເມືອງຂອງຕົນໃນການປະກອບສ່ວນປະຕິຮູບລະບົບການສຶກສາ ເວົ້າລວມ, ເວົ້າສະເພາະແມ່ນການປະຕິຮູບຫຼັກສູດອະນຸບານ ແລະ ສາມັນສຶກສາໃນແຕ່ລະໄລຍະ, ຮັບປະກັນໃຫ້ການນໍາໃຊ້ປຶ້ມໃໝ່ເປັນໄປຕາມແຜນໃນແຕ່ລະປີໂດຍບໍ່ມີຄວາມຊ້າຫຼາຍ; ຫຼັກສູດ, ປຶ້ມແບບຮຽນ, ປຶ້ມຄູ່ມືຄູ, ສື່ສານການຮຽນ-ການສອນ ກໍ່ຄືການເຜີຍແຜ່ຂ່າວສານການສຶກສາທີ່ຜະລິດອອກ ລ້ວນແຕ່ຮັບປະກັນທາງດ້ານຄຸນະພາບ ແລະ ຄວາມສອດຄ່ອງທັງທາງດ້ານແນວທາງນະໂຍບາຍຂອງພັກ, ລະບຽບກົດໝາຍ, ວິຊາການ ແລະ ວິຊາຄູ ລວມທັງການນໍາໃຊ້ເຂົ້າໃນການຈັດຕັ້ງການຮຽນ-ການສອນໄດ້ຮັບຜົນດີ; ຜົນການຄົ້ນຄວ້າ ແລະ ປະເມີນຜົນກໍ່ລ້ວນແຕ່ເປັນທີ່ຍອມຮັບ ແລະ ຖືກນໍາໃຊ້ເຂົ້າໃນການປັບປຸງການສຶກສາຂອງລາວ.

ໃນພິທີດັ່ງກ່າວ, ຍັງໄດ້ມີການມອບຫຼຽນໄຊແຮງງານຊັ້ນ 2 ໃຫ້ຜູ້ທີ່ມີຜົນງານ ແລະ ຄຸນຄວາມດີ ຈໍານວນ 32 ທ່ານ; ມອບຫຼຽນໄຊແຮງງານຊັ້ນ 3 ຈໍານວນ 23 ທ່ານ; ມອບຫຼຽນກາແຮງງານ ຈໍານວນ 19 ທ່ານ; ຍ້ອງຍໍຂັ້ນລັດຖະບານ ຈໍານວນ 15 ທ່ານ; ຍ້ອງຍໍຂັ້ນກະຊວງ ຈໍານວນ 74 ທ່ານ ແລະ ຢັ້ງຢືນຜົນງານໃຫ້ພະນັກງານທີ່ປະກອບສ່ວນຮ່ວມມື ແລະ ຊ່ວຍເຫຼືອ ສວສ ໃນການຄົ້ນຄວ້າພັດທະນາຫຼັກສູດ ແລະ ສື່ການຮຽນ-ການສອນ ຈໍານວນ 244 ທ່ານ.

ນອກຈາກນີ້, ທ່ານ ນາງ ແສງເດືອນ ຫຼ້າຈັນທະບູນ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ການຈັດງານສະເຫຼີມສະຫຼອງວັນສ້າງຕັ້ງ ແລະ ເຕີບໃຫຍ່ຂະຫຍາຍຕົວ ຄົບຮອບ 31 ປີ ແລະ ຍ້ອງຍໍຜົນງານ 30 ປີ ຄັ້ງນີ້, ທີ່ເປັນເຫດການສໍາຄັນທາງປະຫວັດສາດອີກເຫດການໜຶ່ງຂອງຂະແໜງການສຶກສາ ແລະ ເປັນບັນຍາກາດທີ່ພົ້ນເດັ່ນຕໍ່ເນື່ອງຈາກຜົນສໍາເລັດຂອງການປະຕິບັດແນວທາງນະໂຍບາຍການສຶກສາຂອງພັກ, ຍຸດທະສາດ ແລະ ແຜນພັດທະນາການສຶກສາຂອງລັດຖະບານ ໃນຕະຫຼອດ 3 ທົດສະຫວັດກວ່າຜ່ານມາ, ພ້ອມທັງ​ໄດ້ເນັ້ນໜັກໃຫ້ສະຖາບັນຄົ້ນຄວ້າວິທະຍາສາດການສຶກສາຈົງສືບຕໍ່ກ້າວຂຶ້ນດ້ວຍບາດກ້າວບຸກທະລຸທີ່ຕັ້ງໜ້າ, ໜັກແໜ້ນ ແລະ ເຂັ້ມແຂງ; ເພີ່ມຄວາມເຊື່ອໝັ້ນ ແລະ ສັດທາຂອງປະຊາຊົນຕໍ່ບົດບາດຂອງສະຖາບັນໃຫ້ນັບມື້ນັບສູງຂຶ້ນ, ປະກອບສ່ວນເປັນເສນາທິການທີ່ເຂັ້ມແຂງໃຫ້ແກ່ຄະນະພັກ ກໍ່ຄື ກະຊວງສຶກສາທິການ ແລະ ກິລາ ໃນການພັດທະນາຫຼັກສູດ, ສື່ການຮຽນ-ການສອນ, ປະເມີນຜົນສໍາເລັດດ້ານການສຶກສາສໍາລັບການສຶກສາກ່ອນໄວຮຽນ ແລະ ສາມັນສຶກສາ ປະກອບສ່ວນເຂົ້າໃນການພັດທະນາຄຸນະພາບການສຶກສາຂອງຊາດໃຫ້ປະສົບຜົນສໍາເລັດຕາມຈຸດໝາຍທີ່ວາງໄວ້.

srvrsr2

(ສາວສະຫວັນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png