ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ສຕລ     ທ່ານ ວີ​ເພັດ ສີ​ຫາ​ຈັກ ອະດີດປະທານ​ສະຫະພັນບານ​ເຕະ​ແຫ່ງ​ຊາດ​ລາວ (ສຕລ) ​​​ໄດ້ກັບ​ຄືນມາ​ເປັນປະທານ​ຄະນະ​ບໍລິຫານ​ງານ ສຕລ ຄົນ​ໃໝ່​ອີກ​ຄັ້ງ ຫຼັງ​ພົ້ນ​​ໂທ​ດທີ່ຖືກສະຫະພັນ​ບານ​ເຕະບານ​ນາໆ​ຊາດ ​ຫຼື ຟີ​ຟ່າ ສັ່ງ​ໃຫ້ຢຸດ​ພັກ​ຊົວຄາວ​​ກ່ຽວ​ກັບ​​ກໍລະນີ​ຖືກ​ກ່າວ​ຫາ​ວ່າ​ຕິດ​ສິນ​ບົນ ​​​ເປັນ​ເວລາ 2 ປີ ​​ແລະ ໃນ​ການ​ກັບ​ມາ​ຄັ້ງ​ນີ້ ​ໄດ້ໃຫ້​ຄຳໝັ້ນສັນຍາ​ວ່າ ​ຈະ​ສຸມ​ທຸກ​ກຳລັງ​ເຫື່ອ​ແຮງ ​ເພື່ອປັບປຸງ​ແກ້​ບັນຫາ​ຫຍໍ້​ທໍ້​ຕ່າງໆ​ໃຫ້​ໝົດ​ໄປ ​ໂດຍເນັ້ນ​ໜັກ​ແຜນ​ຍຸດ​ທະ​ສາ​ດ​ເກົ່າ​ສົ່ງເສີມການ​ພັດທະນາວົງ​ການ​ກິລາ​​ເຕະບານ​ລາວກ້າວ​ສູ່​ການ​ເປັນ​ອາຊີບ ກໍ່​ຄື ຍົກ​ສູງ​ບົດບາດ​ບານ​ລາວ​ກ້າວ​ທັນສາກົນ​ໃນ​ອະນາຄົດ.

​ເມື່ອຕອນບ່າຍຂອງວັນທີ 21 ກຸມພາ ຜ່ານ​ມາ ທີ່ຫ້ອງປະຊຸມສະຫະພັນບານເຕະແຫ່ງຊາດລາວ ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ, ໄດ້ມີກອງປະຊຸມວິສາມັນຄົບຄະນະບໍລິຫານງານ ສຕລ ແລະ ພິທີມອບ-ຮັບຕໍາແໜ່ງລະຫວ່າງ ທ່ານ ປະສາດໄຊ ພິລາພັນເດຊ ຮັກສາການປະທານສະຫະພັນບານເຕະແຫ່ງຊາດລາວ ແລະ ທ່ານ ວິເພັດ ສີຫາຈັກ​ ອະດີດປະທານສະຫະພັນບານເຕະແຫ່ງຊາດລາວ ກັບມາ​ຮັບໜ້າທີ່​ໃໝ່ອີກ​ຄັ້ງ, ເປັນກຽດເຂົ້າຮ່ວມຂອງທ່ານ ບົວລານ ສິລິປັນຍາ ຮອງລັດຖະມົນຕີ ກະຊວງສຶກສາທິການ ແລະ ກິລາ (ສສກ), ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ກະຊວງ ສສກພ້ອມ​ດ້ວຍຄະນະບໍລິຫານງານ ​ແລະ ພະນັກງານ ສຕລ, ຕະຫຼອດຮອດສື່ມວນຊົນເຂົ້າຮ່ວມ.

ພາຍຫຼັງທີ່ໄດ້ຮັບແຕ່ງເປັນປະທານສະຫະພັນບານເຕະແຫ່ງຊາດລາວ, ທ່ານ ວິເພັດ ສີຫາຈັກ ກໍ່ໄດ້ຖະແຫຼງຂ່າວຕໍ່ສື່ມວນຊົນກ່ຽວກັບ​ແຜນຍຸດທະສາດການພັດທະນາວົງ​ການກິລາເຕະບານ ​ໃນ ສປປ ລາວ ​ໃຫ້​ຮູ້​ວ່າ: ການ​ກັບມາ​ຮັບ​ໜ້າ​ທີ່​ໃໝ່​ຄັ້ງ​ນີ້, ກໍ່​ບໍ່​ແມ່ນ​​ເພື່ອ​ຈະ​ມາປ່ຽນ​​ແປງແຜນ​ຍຸດ​ທະ​ສາດ​ໃໝ່ ​ແຕ່ຕ້ອງ​ສືບ​ຕໍ່​​ເລັ່ງ​ເຫັນ​ຄວາມ​ສຳຄັນ​ຂອງ​ແຜນຍຸດ​ທະ​ສາດ​​ເກົ່າທີ່​ມີຢູ່ແລ້ວ ມາ​ປັບປຸງ​ໃຫ້​ມັນ​ດີ​ຂຶ້ນກວ່າ​ເກົ່າ ​ແລະ ຊອກ​ຫາ​ສິ່ງ​ໃໝ່ໆ ​ເພື່ອ​ເສີມ​ສ້າງ​ຍຸດ​ທະ​ສາດຂອງຄະນະ​ບໍລິຫານ​ງານຊຸ​ດ​ເກົ່າທີ່ ສ້າງ​ໄວ້ ​​ແນ​ໃສ່​ສົ່ງ​ເສີມ​ການພັດທະນາ​ໃຫ້​ດີ​ຂຶ້ນ​ຕາມ​ລຳດັບ ​ເວົ້າ​ລວມ, ​ເວົ້າ​ສະ​ເພາະ​ແມ່ນ​ຊຸກຍູ້ວົງ​ການ​ກິລາ​​ເຕະບານ​ລາວ ກ້າວ​ສູ່​ການ​ເປັນ​ອາຊີບ ຕາມ​ເປົ້າ​ໝາຍ​ທີ່​ວາງ​ໄວ້​ໃນ​ປີ 2018 ກໍ່​ຄື ຍົກ​ສູງ​ບົດບາດ​ບານ​ລາວ​ກ້າວ​ທັນສາກົນໃນ​ອະນາຄົດ.

ນອກຈາກ​ນັ້ນ, ທ່ານ​ປະທານ ສຕລ ກໍ່​ຍັງ​ໄດ້ຕອບ​ຄຳ​ຖາມ​ທີ່​ສື່​ມວນ​ຊົນ​ເຈາະ​ຈີ້ມ​ຫຼາຍ​ບັນຫາ ​​ເປັນ​ຕົ້ນ​​ແມ່ນບັນຫາ ຄູ​ເຝິກ 4 ຄົນ ​ແລະ ນັກ​ກິລາ 16 ຄົນ ທີ່ຖືກສະຫະພັນ​ບານ​ເຕະ​ເອ​ເຊຍ ຫຼື ​ເອ​ເອັຟຊີ ລົງ​ໂທດ​ຫ້າມ​ມາຫຍຸ້ງ​ກ່ຽວ​ກັບ​ວົງ​ການ​ກິລາ​ເຕະບານ​ຕະຫຼອດ​ຊີວິດ ​​ໃນ​ກໍລະນີ​ທີ່ມີ​ສ່ວນ​ກ່ຽວຂ້ອງ​ກັບ​ການລ໊ອກຜົນ​ບານ (ລົ້ມ​ບານ), ​ເຊິ່ງບັນຫາ​ດັ່ງກ່າວ, ກໍ່ຕ້ອງ​ແມ່ນທາງສະ​ໂມ​ສອນ​ທີ່​ກ່ຽວຂ້ອງ​ເປັນ​ເຈົ້າ​ການ​ໃນ​ການ​​ແກ້​ໄຂ​ບັນຫາຕ່າງໆ ​ເພື່ອ​ຍືນ​ອຸທອນ​ເຖິງ ​ເອ​ເອັຟຊີ ພ້ອມ​ທັງ​ສົມ​ທົບກັບ ສຕລ ​ເພື່ອ​ຊ່ວຍ​ກັນ​ແກ້​ໄຂ​ບັນຫາ​ໃຫ້​ມັນ​ຖືກຕ້ອງ. ສ່ວນ​ລາຍ​ລະອຽດການຈັດ​ແຂ່ງຂັນ ລາວ ພຣີ​ເມຍ​ລີກ 2017 ​ແມ່ນ​ຈະ​ເປີດ​ຂຶ້ນ​ຢ່າງເປັນ​ທາງ​ການ​ໃນ​ວັນ​ທີ 11 ມີນາ​ນີ້, ປັດຈຸບັນ​ມີ 8 ສະ​ໂມ​ສອນ​ແຈ້ງ​ເຂົ້າ​ຮ່ວມ​ແຂ່ງຂັນ ​ແລະ ຄາດ​ວ່າ​​ໃກ້​ຮອດ​ແຂ່ງຂັນ​ຕົວ​ຈິງຈະ​​ມີທີ​ມ​ແຈ້ງ​ຮ່ວມ​ຕື່ມ​ອີກ ​ແລະ ທາງ ສຕລ ກໍ່​ຈະ​ມີ​ການ​ຈັດ​ພິທີຖະ​ແຫຼ​ງຂ່າວ​​ໃຫ້​ສັງຄົມ​ໄດ້​ຊາບ​ຢ່າງ​ເປັນ​ທາງ​ການ.

ສຳລັບ​ ​ທ່ານ ວິເພັດ ສີຫາຈັກ ​ແມ່ນ​ໄດ້​ດຳ​ລົງ​ຕຳ​ແໜ່​ງ​ເປັນ​ປະທານ ສຕລ ມາ 1 ສະ​ໄໝ ຕັ້ງ​ແຕ່​ປີ 2012 ຈົນ​ຮອດ​ປີ 2015 ​ແລະ ກໍ່​ໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ຈາກ​ຄະນະ ກໍ່​ຄື ສະຫະພັນ​ບານ​ເຕະ​ນາໆ​ຊາດ ​ໃຫ້​ດຳລົງ​ຕຳ​ແໜ່​ງ​ອີກ​ຄັ້ງ ​ເປັນສະ​ໄໝທີ 2 ຕິດ​ຕໍ່​ກັນ (ເພີ່ມ​ອີກ 4 ປີ) ​ຕັ້ງແຕ່ປີ 2015-2019 ຈຶ່ງ​ຈະ​ຄົບ​ວາ​ໃນ​ການ​ເປັນ​ປະທານ ສຕລ.

ໂດຍ ອ້ວນ​ດຳ  

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png