ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ສອນໄຊ      ທ້າວ ສອນໄຊ ມັງເຄືອ ນັກ​ກິລາ​ເທ​ຄວັນ​ໂດ​ທີ​ມຊາດ​ລາວ ຮຸ່ນ​ນໍ້າໜັກ 80 ກິ​ໂລກຣາມ ປະ​ເດີມ​ສະໜາມ​ທຳອິດຂອງ​ປີ 2017 ສ້າງຜົນງານໄດ້ຢ່າງໂດດເດັ່ນ ດ້ວຍການຄວ້າ​ຫຼຽນ​ຄຳ ​​ໃນ​ການ​ແຂ່ງຂັນ​ເທ​ຄວັນ​ໂດ​ຊີງ​ແຊ໋ມອາ​ຊຽນ ຄັ້ງ​ທີ 13 ຫຼື ASEAN TAEKWONDO CHAMPIONSHIPທີ່​ແຂວງ​ປິ​ນັງ ປະ​ເທດ​ມາ​ເລ​ເຊຍ ເປັນເຈົ້າພາບ ລະຫວ່າງວັນທີ 21-25 ​ມີນາຜ່ານມາເພື່ອເປັນ​ຂວັນ​ກຳລັງ​ໃຈ​ໃຫ້​ທັບ​ນັກ​ກິລາ​ເທ​ຄວັນ​ໂດ​ລາວ ກ່ອນ​ຮ່ວມ​ລ່າຜົນງານ​ໃນ​ງານ​ມະຫາ​ກຳ​ກິລາ​ແຫ່ງ​ຊາດ ຄັ້ງ​ທີ 29 ທີ່​ປະ​ເທດ​ມາ​ເລ​ເຊຍ ​ເປັນ​ເຈົ້າພາບ ​ໃນ​ທ້າຍປີນີ້.

ອີງ​ຕາມ​ຂໍ້​ມູນ​ຈາກ​ເວັບ​​ໄຊ໊ຂອງ​ສະຫະພັນກິລາ​ເທ​ຄວັນ​ໂດ​ແຫ່ງ​ຊາດ​ລາວ ​ແຈ້ງ​ໃຫ້​ຮູ້​ວ່າ: ສະຫະພັນກິລາ​ເທ​ຄວັນ​ໂດ​ແຫ່ງ​ຊາດ​ລາວ ​ໄດ້​ສົ່ງ ​ທ່ານ ຈັນທະ​ວົງ ປັນຍາ​ສິລິ ເລຂາທິການສະຫະພັນກິລາເທຄວັນໂດແຫ່ງຊາດ ເປັນຄະນະ​ນຳພາ ​ແລະ ທ່ານ ກິມ ຈົງ ວູ ຫົວໜ້າ​ຄູ​ເຝິກ ນຳທັບ​ນັກ​ກິລາ​ເທ​ຄວັນ​ໂດ​ທີ​ມຊາດ​ລາວ ​ໃນ​ຮຸ່ນ​ເຍົາວະ​ຊົນ 3 ລາຍການ ​ແລະ ຮຸ່ນ​ທົ່ວ​ໄປ 9 ລາຍການ ​ໃນ​ປະ​ເພດ​ຕໍ່ສູ້​ປ້ອງ​ກັນ​ຕົວ​ ​ແລະ ຟ້ອນ​ປຸ້ມ​ເຊ ເຂົ້າ​ຮ່ວມ​ການແຂ່ງຂັນ​ກິລາ​ເທ​ຄວັນ​ໂດ​ຊີງ​ແຊ໋ມອາ​ຊຽນ ຄັ້ງ​ທີ 13 ທີ່​ແຂວງ​ປິ​ນັງ ປະ​ເທດ​ມາ​ເລ​ເຊຍ ເປັນ​ເຈົ້າພາບ ​ລະຫວ່າງ​ວັນ​ທີ 21-25 ມີນາ 2017 ໂດຍ​ມີ 10 ປະ​ເທດ ​ໃນ​ຂົງ​ເຂດ​ອາ​ຊຽນ​ເຂົ້າ​ຮ່ວມ, ​ໃນ​ນັ້ນ ທັບ​ນັກ​ກິລາ​ເທ​ຄວັນ​ໂດ​ລາວ ສາມາດ​ສ້າງ​ຜົນງານຍາດ​ໄດ້ 1 ຫຼຽນ​ຄຳ ຈາກ​ທ້າວ ສອນ​ໄຊ ມັງ​ເຄືອ​ ລົງ​ແຂ່ງຂັນ​ໃນ​ຮຸ່ນ​ນໍ້າໜັກ 80 ກິ​ໂລກຣາມ ​ເຊິ່ງມີ 4 ປະ​ເທດ​ເຂົ້າ​ຮ່ວມ ປະກອບ​ມີ​ເຈົ້າພາບ ມາ​ເລ​ເຊຍ, ອິນ​ໂດ​ເນ​ເຊຍ, ກຳປູ​ເຈຍ ​ແລະ ລາວ. ເຊິ່ງການ​ແຂ່ງຂັນ​ແມ່ນ​ຄັດ​ເອົາ​ຜູ້​ຊະນະ ຜ່ານ​ເຂົ້າ​ໄປ​ຊີງ​ຫຼຽນ​ຄຳ ຜົາປາກົດ​ວ່າ ທ້າວ ສອນ​ໄຊ​ ມັງ​ເຄືອ ກໍ່ສ້າງ​ຜົນງານ​ໃຫ້​ບໍ່​ຜິດ​ຫວັງ ຮອບ​ທີ 1 ກໍ່​ເອົາ​ຊະນະນ໊ອກ ນັກ​ກິລາ​ຈາກ​ປະ​ເທດ​ກຳປູ​ເຈຍ ​ໃນ​ຍົກ​ທຳ​ອິດ ຜ່ານ​ເຂົ້າ​ຮອບ​ຊີງ​ຊະນະ​ເລີດ ພົບ​ກັບ ນັກ​ກິລາ​ເຈົ້າພາບ ​ແລະ ຂະນະ​ນັ້ນ ສຽງ​ເຊຍ​ຂອງ​ເຈົ້າພາບ ກໍ່​ບໍ່​ໄດ້​ສ້າງ​ຄວາມ​ກົດ​ດັນ​ໃຫ້ ສອນ​ໄຊ ​ເຊິ່ງກົງກັນຂ້າມ​ສົ່ງ​ຜົນ​ໃຫ້ ສອນ​ໄຊ ມີ​​ໃຈ​ຮຶ​ດສູ້​ຈົນ​ສາມາດ​ເອົາ​ຊະນະ ມາ​ເລ​ເຊຍ​ ​ໃນ 3 ຍົກ ດ້ວຍ 18-12 ຄະ​ແນນ ​ໄດ້​ຫຼຽນ​ຄຳ ​ໄປ​ຄ້ອງ​ຄໍຢ່າງ​ສົມ​ໃຈ. ຕໍ່ກັບຜົນງານໃນຄັ້ງ​ນີ້ ສອນ​ໄຊ ກ່າວ​ສະແດງຄວາມ​ຮູ້ສຶກ​ພາກພູມ​ໃຈທີ່ສຸດທີ່ຕົນເອງສາມາດເຮັດໄດ້ ແລະ ​ຂໍ​ມອບ​ເປັນ​ຂອງຂວັນ​ພິ​ເສດ​ໃຫ້​ຜູ້ນຳ​ພັກ-ລັດ ​ແລະ ພໍ່-​ແມ່​ປະຊາຊົນ​ຊາວ​ລາວ ທີ່​ພວມ​ການສະ​ເຫຼີມສະຫຼອງ​ວັນ​ສ້າງ​ຕັ້ງ​ພັກ​ປະຊາຊົນ ປະຕິວັດ​ລາວ ຄົບຮອບ 62 ປີ ຢ່າງ​ສຸດ​ໃຈ. ນອກຈາກ​ນັ້ນ, ກໍ່​ຍັງ​ມີນາ​ງ ທິດາ​ສະຫວັນ ສົດ​ທະ​ຈິດ ຮຸ່ນ​ນໍ້າໜັກ 62 ກິ​ໂລກຣາມ ກໍ່​ຍາດ​ໄດ້​ອີກ 1 ຫຼຽນ​ທອງ​.     

ທ່ານ ຈັນທະ​ວົງ ປັນຍາ​ສິລິ ​​ໃຫ້​ສຳພາດ​ວ່າ: ຕໍ່ກັບຜົນງານ​ຂອງ ສອນ​ໄຊ ມັງ​ເຄືອ ໃນຄັ້ງ​ນີ້ ​ແມ່ນ​ເປັນ​ນິໝາຍ​ອັນ​ດີ​ກ່ອນ​ຈະ​​ເຂົ້າ​ຮ່ວມ​ງານ​ມະຫາ​ກຳ​ກິລາ​ຊີ​ເກ​ມ ຄັ້ງ​ທີ 29 ທີ່​ປະ​ເທດ​ມາ​ເລ​ເຊຍ ​ເຊິ່ງໃນ​ພາບ​ລວມ​ແລ້ວ ພວກ​ເຮົາຫາ​ກໍ່​ເລີ່​ມຕົ້ນ​ເຂົ້າ​ເຝິກຊ້ອມ​ໃນ​ກາງ​ເດືອນມີນາ ​ແລະ ກໍ່​ຊ້ອມ​ແບບບໍ່ປົກກະຕິ ​​ເນື່ອງ​ຈາກຂາດງົບປະມານ​ ແຕ່​ພວກ​ເຮົາ​ກໍ່ສາມາດສ້າງ​ຜົນງານ​ໄດ້​ດີ​ ທັງ​ນີ້, ກໍ່​ຍ້ອນ​ຄວາມ​ເອົາ​ໃຈ​ໃສ່​ຂອງຄູ​ເຝິກ ​ແລະ ​ບັນດາ​ນັກ​ກິລາ. ນັບ​ຈາກ​ນີ້​ໄປ ​ເລີ່​ມນັບ​ຖ້ອຍ​ຫຼັງ​ໃຫ້​ນັກ​ກິລາ​ໃນ​ການ​ຂຸ້ນຂ້ຽວ​​ເຝິກຊ້ອມ ຫຼັງ​ຈາກ​ປີ​ໃໝ່ລາວ ສຳ​ເລັດ​ລົງ​ແລ້ວ ກໍ່​ຈະ​ຮຽກ​ຕົວ​ນັກ​ກິລາ​ເຂົ້າ​ນອນ​ສູນເລີ່​ມຊ້ອມ​ປົກກະຕິ. ຫຼັງ​ຈາກ​ນັ້ນ, ກໍ່​ຈະ​ສົ່ງຮ່ວມ​ແຂ່ງຂັນລາຍການ​ຊີ​ງ​ແຊ໋ມ​ໂລກ ທີ່​ ສ ​ເກົາຫຼີ ພ້ອມ​ທັງ​ສືບ​ຕໍ່​ເກັບຕົວ​ທີ່​ປະ​ເທດ​ດັ່ງກ່າວ ກ່ອນກັບ​ມາ​ຮ່ວມ​ຊີ​ເກ​ມ ທີ່​ມາ​ເລ​ເຊຍ.  

​ໂດຍ ອ້ວນ​ດຳ  

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png