ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ຕຽງ1          ສະມາຄົມມິດຕະພາບໄຊຕະມະ-ລາວ (ຍີ່ປຸ່ນ) ໄດ້ໃຫ້ການຊ່ວຍເຫຼືອຕຽງນອນຄົນເຈັບ ຈໍານວນ 527 ຊຸດ ແກ່ ສປປ ລາວ ກໍ່ຄື ກະຊວງສຶກສາທິການ ແລະ ກິລາ ແລ້ວມອບຕໍ່ໃຫ້ກະຊວງສາທາລະນະສຸກ ເພື່ອນຳໄປແຈກຢາຍ ແລະ ມອບຕໍ່ໃຫ້ບັນດາສຸກສາລາ, ໂຮງໝໍເມືອງ ແລະ ໂຮງໝໍແຂວງບ່ອນທີ່ມີຄວາມຈໍາເປັນ.

ພິທີມອບ-ຮັບຕຽງຄົນເຈັບດັ່ງກ່າວ,ໄດ້ມີຂຶ້ນໃນວັນທີ 28 ມີນາ ຜ່ານມາ ທີ່ສູນພາລາທິການ ການແພດ ກະຊວງສາທາລະນະສຸກ, ໂດຍຕາງໜ້າມອບຂອງທ່ານ ຊູຊູມຸ ທາກາມາຊິ ປະທານສະມາ ຄົມມິດຕະພາບໄຊຕະມະ-ລາວ ແລະ ຕາງໜ້າຮັບຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ທັງເປັນປະທານສະມາຄົມມິດຕະພາບ ລາວ-ຍີ່ປຸ່ນ ແລະ ທ່ານ ຮສ.ປອ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ,ເຊິ່ງ​​ໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ທອງສິງ ທໍາມະວົງ ອະດີດນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ທາເກຊິ ຫິກິຮາລະ ເອກອັກຄະລັດຖະທູດຍີ່ປຸ່ນ ປະຈໍາ ສປປ ລາວ ພ້ອມດ້ວຍບັນດາຮອງລັດຖະມົນຕີ, ຫົວໜ້າກົມ, ຄະນະກົມອ້ອມຂ້າງ.

ການຊ່ວຍເຫຼືອຄັ້ງນີ້, ທາງສະມາຄົມມິດຕະພາບຢີ່ປຸ່ນ-ລາວ ແຂວງໄຊຕະມະ ປະເທດຍີ່ປຸ່ນ ໄດ້ນໍາເອົາຕຽງນອນຄົນເຈັບຈໍານວນ 527 ຊຸດ ລວມມູນຄ່າ 2 ຕື້ກວ່າກີບ (350.000 ໂດລາສະຫະລັດ) ແລະ ລັດຖະບານຍີ່ປຸ່ນໄດ້ຊ່ວຍເຫຼືອຄ່າຂົນສົ່ງມູນຄ່າ 1 ຕື້ກວ່າກີບ (150.000 ໂດລາສະຫະລັດ) ເພື່ອມອບໃຫ້ແກ່ກະຊວງສຶກສາທິການ ແລະ ກິລາ ແລ້ວມອບຕໍ່ໃຫ້ກະຊວງສາທາລະນະສຸກ ເພື່ອນໍາໄປແຈກຢາຍ ແລະ ມອບຕໍ່ໃຫ້ບັນດາສຸກສາລາ, ໂຮງໝໍເມືອງ ແລະ ໂຮງໝໍແຂວງບ່ອນທີ່ມີຄວາມຈໍາເປັນ. ບັນດາຕຽງນອນຄົນເຈັບເຫຼົ່ານີ້ ຈະຊ່ວຍປະກອບສ່ວນເຂົ້າໃນການປັບປຸງການບໍລິການດ້ານສຸຂະພາບ ແລະ ຕອບສະໜອງອຸປະກອນທີ່ຍັງບໍ່ທັນພຽງພໍໃນເຂດຊົນນະບົດຂອງລາວ.

ໂອກາດນີ້, ທ່ານ ນາງ ແສງເດືອນ ຫຼ້າຈັນທະບູນ ກໍ່ໄດ້ກ່າວສະແດງຄວາມຂອບໃຈເປັນຢ່າງສູງຕໍ່ການຊ່ວຍເຫຼືອຂອງລັດຖະບານ ແລະ ປະຊາຊົນຍີ່ປຸ່ນດ້ວຍດີຕະຫຼອດມາ. ໃນຄັ້ງນີ້, ກໍ່ເປັນການປະກອບສ່ວນເຮັດໃຫ້ການບໍລິການຂອງພໍ່-ແມ່ປະຊາຊົນບັນດາເຜົ່າໃນເຂດຫ່າງໄກສອກຫຼີກ ນັບມື້ດີຂຶ້ນເລື້ອຍໆ. ນອກຈາກນີ້, ຍັງເປັນການເພີ່ມທະວີການພົວພັນລະຫວ່າງລາວ-ຍີ່ປຸ່ນໃຫ້ແໜ້ນແຟ້ນຂຶ້ນຕື່ມ.

 ຂະນະດຽວກັນ, ທ່ານ ຮສ.ປອ ບຸນກອງ ສີຫາວົງ ຍັງໄດ້ສະແດງຄວາມຂອບໃຈຕໍ່ສະມາຄົມມິດຕະພາບໄຊຕະມະ-ລາວ ແລະ ລັດຖະບານຍີ່ປຸ່ນທີ່ໄດ້ຊ່ວຍເຫຼືອໃນຄັ້ງນີ້, ເປັນການປະກອບສ່ວນເຮັດໃຫ້ການບໍລິການດ້ານສຸຂະພາບຂອງປະຊາຊົນບັນດາເຜົ່າ ມີຄຸນະພາບດີຂຶ້ນ ເຮັດໃຫ້ການຕາຍຂອງແມ່ ແລະ ເດັກຫຼຸດລົງ, ເຊິ່ງຈະນໍາໄປແຈກຢາຍ ແລະ ນໍາໃຊ້ໃຫ້ມີຜົນປະໂຫຍດສູງສຸດ.

ຕຽງ

(ສາວສະຫວັນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png