ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ມຂມະຫາວິທະຍາ​ໄລ ສະຫວັນ​ນະ​ເຂດ (ມຂ) ​ແລະ ສະ​ຖາ​ບັນ​ເທັກ​ໂນ​ໂລ​ຢີ ​ແຫ່ງ​​ເອ​ເຊຍ ປຶກສາ​ຫາລື​ດ້ານ​ວິຊາ​ການ ​ເພື່ອ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ພະນັກງານ, ການ​ແລກປ່ຽນ​ພະນັກງານ ​ແລະ ນັກ​ສຶກສາ ​ໃນ​ການ​ໄປ​ສຶກສາ​ຕໍ່​ທີ່​ຕ່າງປະ​ເທດຂອງ​ 2 ສະ​ຖາ​ບັນ.

​ກອງ​ປະຊຸມ​ດັ່ງກ່າວ, ​ໄດ້​ມີ​ຂຶ້ນ ໃນ​ວັນ​ທີ 20 ກຸມພາ ຜ່ານ​ມາ​ທີ່​ຫ້ອງ​ປະຊຸມ ຕຶກອະທິການ​ບໍດີ ມະຫາວິທະຍາ​ໄລ​ສະຫວັນ​ນະ​ເຂດ, ​ໂດຍພາຍໃຕ້ການເປັນປະທານ ຂອງທ່ານ ຮສ.ປອ ບຸນປົງ ແກ້ວໂຣດົມ ອະທິການບໍດີ ມະຫາວິທະຍາໄລ ສະຫວັນນະເຂດແລະ ທ່ານ ສຈ.ປອ ວໍລະ​ສັກ ກະ​​ໂນກ-ນຸຄູນ​ໄຊ ອະທິການບໍດີ ສະຖາບັນເທັກໂນໂລຢີ ແຫ່ງເອເຊຍ ມີບັນດາຄະນະ ແລະ ພະນັກງານວິຊາການທັງ 2 ຝ່າຍເຂົ້າຮ່ວມ.

ທ່ານ ຮສ.ປອ ບຸນປົງ ແກ້ວໂຣດົມ ໄດ້ກ່າວໃຫ້ຮູ້ວ່າ: ການ​ພົບ​ປະ​ຄັ້ງ​ນີ້, ເປັນການປະຕິບັດຕາມຂອບເຂດສິດໃນການພົວພັນ​ເຊັນສັນຍາຮ່ວມມືດ້ານວິຊາການກັບສະຖາບັນການສຶກສາຫຼື ສະຖາບັນຄົ້ນຄວ້າວິທະຍາສາດຕ່າງໆ ທັງພາຍໃນ ແລະ ຕ່າງປະເທດ. ສະນັ້ນ, ການຮ່ວມມືລະຫວ່າງ ມະຫາວິທະຍາໄລສະຫວັນນະເຂດ (ມຂ) ​ແລະ ສະ​ຖາ​ບັນ​ເທັກ​ໂນ​ໂລ​ຢີ ​ແຫ່ງ​ເອເຊຍຄັ້ງນີ້ ແມ່ນຢູ່ພາຍໃຕ້ຂອບຂອງກົດໝາຍທຸກປະການ, ເຊິ່ງ 2 ສະຖາບັນໄດ້ເລີ່ມການຮ່ວມມືແຕ່ປີ 2010 ໃນການພັດທະນາ ແລະ ຈັດຕັ້ງປະຕິບັດຫຼັກສູດ Poverty Reduction and Agriculture Management (PRAM) ສາມາດສ້າງນັກສຶກສາທີ່ຈົບໄປແລ້ວ 34 ຄົນ. ດັ່ງນັ້ນ, ການຈັດກອງປະຊຸມຄັ້ງນີ້ ກໍ່ເພື່ອປຶກສາຫາລືຂອບເຂດຂອງການຮ່ວມມື, ກຳນົດກິດຈະກຳ, ວິທີການຈັດຕັ້ງປະຕິບັດ ແລະ ເຊັນບົດບັນທຶກຜົນຂອງການປຶກສາຫາລືລະຫວ່າງ 2 ຝ່າຍ ໂດຍແນ່ໃສ່ສ້າງຄວາມເຂັ້ມແຂງໃຫ້ແກ່ພະນັກງານ, ການແລກປ່ຽນພະນັກງານ ແລະ ນັກສຶກສາ (ໃຫ້ທຶນໃນການໄປສຶກສາຕໍ່), ຈັດໂຄງການ​ເຝິກອົບຮົມສະເພາະ, ວິທີສິດສອນພາສາອັງກິດ ຫຼື ວິທີສ້າງຫຼັກສູດວິສະວະກຳ ແລະ ຊອກຫາແຫຼ່ງທຶນຮ່ວມກັນໃນການສ້າງບົດວິໃຈ.

ນອກຈາກ​ນີ້, ກອງປະຊຸມຍັງໄດ້ກຳນົດຂອບເຂດເວລາໃນການດຳເນີນຕາມຂັ້ນຕອນ ເພື່ອເຊັນບົດບັນທຶກຄວາມເຂົ້າໃຈໃນຕໍ່ໜ້າ ກ້າວໄປສູ້ການເຊັນບົດບັນທຶກ MOU ໃນອະນາຄົດ.

ໂດຍ: ພູວອນ ດຳລົງບຸນ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png