ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ນາຍົກ          ລັດຖະບານລາວ ຈະເລັ່ງແກ້ໄຂໃນການພັດທະນາການສຶກສາຢູ່ເຂດຊົນນະບົດຫ່າງໄກສອກຫຼີກຫຼາຍແຫ່ງທີ່ເຫັນວ່າຍັງບໍ່ທັນເຮັດໄດ້ດີ ພ້ອມທັງສືບຕໍ່ເອົາໃຈໃສ່ວຽກງານຍົກຄຸນະພາບການສຶກສາ ແລະ ສາທາລະນະສຸກໃຫ້ທົ່ວເຖິງ ທັງຢູ່ສູນກາງ ແລະ ເຂດຊົນນະບົດຫ່າງໄກສອກຫຼີກ.

ອີງຕາມການບົດລາຍງານຫຍໍ້ຂອງທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ຕໍ່ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ 8 ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ 10 ເດືອນ, ຄາດຄະເນໝົດສົກປີ 2015-2016 ແລະ ແຜນການປະຈໍາປີ 2017 ໃນວັນທີ 24 ຕຸລາ ຜ່ານມາ ທີ່ສະພາແຫ່ງຊາດ ໃຫ້ຮູ້ວ່າ:

ພາຍຫຼັງສະພາແຫ່ງຊາດ ໄດ້ເລືອກຕັ້ງ ແລະ ຮັບຮອງເອົາຄະນະລັດຖະບານຊຸດໃໝ່ ໃນວັນທີ 20 ເມສາ 2016, ເພື່ອຈັດຕັ້ງຜັນຂະຫຍາຍມະຕິ X ຂອງພັກ, ແຜນພັດທະນາ 5 ປີ ຄັ້ງທີ 8 ໃຫ້ທ່ວງທັນກັບເວລານັ້ນ, ຜ່ານການກະກຽມເປັນເວລາ 1 ອາທິດ ລັດຖະບານຊຸດໃໝ່ ໄດ້ຮີບຮ້ອນຈັດກອງປະຊຸມຄັ້ງປະຖົມມະເລີກຂຶ້ນໃນລະຫວ່າງວັນທີ 28-29 ເມສາ 2016 ໂດຍໄດ້ຮັບຮອງເອົາແຜນດໍາເນີນງານຂອງລັດຖະບານໃນ 5 ປີຕໍ່ໜ້າ, ໂດຍໄດ້ວິໄຈສະພາບການຂອງການພັດທະນາເສດຖະກິດ-ສັງຄົມຂອງປະເທດຢ່າງຖີ່ຖ້ວນ ເພື່ອວາງເປົ້າໝາຍຕ່າງໆໃນການສືບຕໍ່ບໍລິຫານປະເທດໃຫ້ຕໍ່ເນື່ອງຈາກພື້ນຖານສໍາຄັນຕ່າງໆ ທີ່ລັດຖະບານຊຸດຜ່ານມາໄດ້ມີໄວ້ ແລະ ເວລາດຽວກັນ ກໍ່ໄດ້ສ້າງແຜນຮອງຮັບກັບສິ່ງທ້າທ້າຍຕ່າງໆທີ່ຈະເກີດຂຶ້ນ ໃນການປະຕິບັດແຜນ 2015-2016 ໃນບັ້ນທ້າຍຂອງແຜນການ ແລະ ວາງເປົ້າໝາຍຂອງ 3 ເດືອນຂ້າມຜ່ານທີ່ຈະເຖິງ, ແຜນພັດທະນາປີ 2017 ທີ່ໄດ້ເລີ່ມຈັດຕັ້ງປະຕິບັດຕາມປີປະຕິທິນໃຫ້ມີບາດກ້າວຂະຫຍາຍຕົວຕໍ່ເນື່ອງ, ປັດສະຈາກຮອຍຕໍ່ທີ່ຈະກາຍເປັນຊ່ອງວ່າງໃຫ້ແກ່ການຢຸດຈຶ້ງ ຫຼື ສະດຸດໄດ້ນັ້ນ, ລັດຖະບານໄດ້ສຸມໃສ່ການແກ້ໄຂບັນຫາຕ່າງໆຕາມ 7 ເປົ້າໝາຍ ແລະ ມາດຕະການທີ່ໄດ້ລາຍງານຕໍ່ສະພາແຫ່ງຊາດ ໃນວັນທີ 20 ເມສາ 2016 ພາຍຫຼັງເຂົ້າຮັບຕໍາແໜ່ງ. ທັງນີ້, ກ່ອນເຂົ້າບໍລິຫານປະເທດ ທ່ານນາຍົກໄດ້ຄົ້ນພົບບັນດາບັນຫາ ທີ່ຈະຕ້ອງໄດ້ສືບຕໍ່ແກ້ໄຂ ແລະ ລົງເລິກແກ້ໄຂຢ່າງຮີບດ່ວນ ເພື່ອກອບກູ້ເອົາສະຖຽນລະພາບຂອງເສດຖະກິດໃນປະເທດເຮົາໃຫ້ຄ່ອຍໆກ້າວເຂົ້າສູ່ຄວາມມີສະຖຽນລະພາບ ໂດຍຕ້ອງສ້າງສະຖຽນລະພາບທາງດ້ານເສດຖະກິດມະຫາພາກ. ພ້ອມກັນນີ້, 6 ເດືອນແຫ່ງການບໍລິຫານຮັບໃຊ້ປະເທດຊາດ ນອກຈາກການດໍາເນີນວຽກງານຈໍານວນໜຶ່ງແລ້ວ, ລັດຖະບານໄດ້ແກ້ໄຂບັນຫາຮີບດ່ວນຈຳນວນໜຶ່ງທີ່ມີລັກສະນະສະເພາະ ເປັນຕົ້ນແມ່ນ ແກ້ໄຂບັນຫາທີ່ເກີດຂຶ້ນໃນການບໍລິຫານງານທີ່ຜິດພາດຢູ່ບໍລິສັດໄຟຟ້າລາວໃຫ້ກັບຄືນເຂົ້າສູ່ປົກກະຕິ, ອອກຄຳສັ່ງເລກທີ 15/ນຍ, ລົງວັນທີ 13 ພຶດສະພາ 2016 ກ່ຽວກັບການຫ້າມສົ່ງໄມ້ທ່ອນ ແລະ ໄມ້ເຄິ່ງສຳເຫຼັດຮູບອອກຕ່າງປະເທດ, ຕົກລົງຢຸດຕິການໃຫ້ໂກຕາໄມ້ປະຈຳປີຢູ່ທົ່ວປະເທດ, ກວດກາການກະທຳຜິດໃນການລັກລອບຕັດໄມ້, ຂຸດຄົ້ນໄມ້ໃນທົ່ວປະເທດ, ລັດຖະບານໄດ້ອອກແຈ້ງການ ໃນການຢຸດຕິການຍົກເວັ້ນພາສີນຳເຂົ້ານ້ຳມັນເຊື້ອໄຟໃນທົ່ວປະເທດ ແລະ ທຸກໆກໍລະນີ ເວັ້ນເສຍແຕ່ໄດ້ກຳນົດໄວ້ໃນກົດໝາຍ, ຜົນສຳເລັດຂອງການເປັນປະທານອາຊຽນຕະຫຼອດປີ 2016 ຂອງລາວເຮົາ. ນອກຈາກນີ້, ທ່ານ ນາຍົກລັດຖະມົນຕີ ຍັງໄດ້ກ່າວໃຫ້ຮູ້ອີກວ່າ: ຄຽງຄູ່ກັບຜົ¬ນສຳເລັດທີ່ກ່າວມານັ້ນ, ລັດຖະບານ ກໍ່ຍັງເຫັນມີຂໍ້ຄົງຄ້າງຈຳ¬ນວນໜຶ່ງທີ່ຕ້ອງໄດ້¬ເອົາໃຈໃສ່ແກ້ໄຂ ເປັນຕົ້ນແມ່ນການພັດທະນາການສຶກສາຢູ່ເຂດຊົນນະບົດຫ່າງໄກສອກຫຼີກຫຼາຍແຫ່ງທີ່ຍັງບໍ່ທັນເຮັດໄດ້ດີ, ງົບປະມານ ໃນການບໍລິຫານໂຮງຮຽນຍັງບໍ່ພໍ, ຍັງຂາດຫ້ອງສະໝຸດ, ຫ້ອງທົດລອງ, ປຶ້ມແບບຮຽນ ແລະ ອຸປະກອນການຮຽນ-ການສອນ ຍັງມີຈຳກັດ ແລະ ຄຸນນະພາບການສິດສອນຍັງບໍ່ສູງ. ພ້ອມກັນນັ້ນ,ຈະສືບຕໍ່ສຸມໃສ່ການພັດທະນາທາງດ້ານວັດທະນະທຳ-ສັງຄົມ ແລະ ແກ້ໄຂຄວາມທຸກຍາກ ໂດຍເອົາໃຈໃສ່ວຽກງານຍົກຄຸນະພາບການສຶກສາ ແລະ ສາທາລະນະສຸກໃຫ້ທົ່ວເຖິງ ທັງຢູ່ສູນກາງ ແລະ ເຂດຊົນນະບົດຫ່າງໄກສອກຫຼີກ, ສຸມທຶນຮອນເຂົ້າໃສ່ການກໍ່ສ້າງພື້ນຖານໂຄງລ່າງທີ່ຈຳເປັນ ເປັນຕົ້ນແມ່ນໂຮງຮຽນ, ໂຮງໝໍ, ສຸກສາລາ ແລະ ສະໜອງເຄື່ອງມືອຸປະກອນການສຶກສາ ແລະ ການແພດ ໃຫ້ພຽງພໍໂດຍພື້ນຖານ, ສືບຕໍ່ຍົກລະດັບຄຸນະພາບຄູ ແລະ ຫຼກສູດການຮຽນ-ການສອນຂອງສະຖານການສຶກສາ ເລີ່ມແຕ່ອະນຸບານເຖິງມະຫາວິທະຍາໄລໃຫ້ຂຶ້ນສູ່ລະດັບໃໝ່, ແກ້ໄຂບັນດາສິ່ງຫຍໍ້ທໍ້ຕ່າງໆ ໃນຖັນແຖວການຮຽນ-ການສອນໃຫ້ເປັນຮູບປະທຳ, ແກ້ໄຂບັນຫາການຂາດແຄນແຮງງານ, ຄຸນນະພາບຂອງແຮງງານ ແລະ ສືບຕໍ່ປະຕິບັດນະໂຍບາຍສະຫວັດດີການສັງຄົມໃຫ້ດີຂຶ້ນ, ຊຸກຍູ້ໃຫ້ບັນດາຂະແໜງການ ເປັນເຈົ້າການໃນການຄົ້ນຄວ້າ, ປະສານສົມທົບ ແລະ ນຳໃຊ້ທ່າແຮງຂອງຂະແໜງການ ແລະ ທ່າແຮງຂອງທ້ອງຖິ່ນ ໂດຍສ້າງເປັນໂຄງການລະອຽດບັນຈຸເຂົ້າໃນແຜນ ເພື່ອຈັດຕັ້ງປະຕິບັດຢູ່ເຂດຊົນນະບົດຫ່າງໄກ ເພື່ອແກ້ໄຂຄວາມທຸກຍາກຂອງປະຊາຊົນ.

ຊົນນະບົດ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png