ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

    vientaine ພະ​ແນ​ກສຶກສາ​ທິການ ​ແລະ ກິລາ ນະຄອນຫຼວງ​ວຽງ​ຈັນ ກໍ່ຄືນະຄອນຫຼວງວຽງຈັນ (ນ.ວ) ວາງທິດ​ທາງ​ແຜນການ​ຢ່າງຮອບດ້ານ ​ໂດຍ​ສົມທົບ​ກັບຫ້ອງການສຶກສາ​ທິການ ​ແລະ ກິລາ 9 ຕົວ​ເມືອງ ອ້ອມ​ຂ້າງ​ ນ.ວວາງ 3 ຄາດໝາຍ ຈະສົ່ງນັກ​ກິລາຄົບ​ຕາມ​ຈຳນວນ​ທີ່ບັນຈຸ​ແຂ່ງຂັນ 12 ປະ​ເພດ ກຽມປ້ອງ​ກັນແຊ໋ມເຈົ້າຫຼຽນຄຳ ສະໄໝທີ 5 ໃນງານ​ມະຫາກຳ​ກິລາ​ນັກຮຽນ​ມັດທະຍົມ​ສຶກສາ​ທົ່ວ​ປະ​ເທດ ຄັ້ງ​ທີ 6 ທີ່​ແຂວງ​ບໍລິ​ຄຳ​ໄຊ ຮັບ​ກຽດ​ເປັນ​ເຈົ້າພາບ ລະຫວ່າງ​ວັນ​ທີ 1-9 ກຸມພາ 2017.

           ຕາມ​ການ​ເປີດ​ເຜີຍ​ຂອງ ທ່ານ ຄຳ​ສະຫວັນ ​ໂຄດ​ໄຊ ຮອງ​ຫົວໜ້າພະ​ແນ​ກສຶກສາ​ທິການ ​ແລະ ກິລາ ນະຄອນຫຼວງ​ວຽງ​ຈັນ ​ເມື່ອບໍ່ດົນມານີ້ວ່າ: ພາຍຫຼັງ​ທີ່​ໄດ້ສຳ​ເລັດ​ການເຂົ້າ​ຮ່ວມ​ກອງ​ປະຊຸມ​ເຕັກນິກ​ທົ່ວ​ປະ​ເທດ ​ເພື່ອ​ກະກຽມ​ຄວາມ​ພ້ອມ​ຈັດ​ງານມະຫາກຳກິລານັກຮຽນມັດທະຍົມສຶກສາທົ່ວ​ປະ​ເທດ ຄັ້ງ​ທີ 6 ທີ່​ແຂວງ​ບໍລິ​ຄຳ​ໄຊ ​ເປັນ​ເຈົ້າພາບ ກໍ່​ໄດ້​ຮຽກ​ຄະນະ​ຮັບຜິດຊອບ ທີ່ໄດ້ມີແຕ່ງ​ຕັ້ງ​ມອບ​ໝາຍ​ໜ້າ​ທີ່​ໃຫ້​ຈັດ​ຕັ້ງ​ປະຕິບັດ ​ເປັນ​ຕົ້ນ​ບັນດາ​ຄະນະ​ນຳ​ຫ້ອງການ​ສຶກສາ​ທິການ ​ແລະ ກິລາ 9 ຕົວ​ເມືອງ ​ເປັນ​ເຈົ້າ​ການ​ຮ່ວມ​ກັບຂະ​ແໜງ​ພະລະ ​ແລະ ສິລະ​ປະ​ສຶກສາ ​ພະ​ແນ​ກສຶກສາ​ທິການ ​ແລະ ກິລາ ນ.ວ ​ແລະ ກໍ່​ໄດ້​ມີການປືກສາ​ຫາລື​ວາງ​​ແຜນກັນຢ່າງຮອບດ້ານ​, ເຊິ່ງໄດ້ມີການຕົກລົງ​ເຫັນ​ດີ​ວາງ 3 ​ຄາດໝາຍ​ໃຫຍ່ ຄື: ​ໄລຍະ​ການ​ກະກຽມ, ການ​ນອນ​ສູນ ​ແລະ ການ​ເຂົ້າ​ຮ່ວມ​ແຂ່ງຂັນ​​ໃນ​ພາກປະຕິບັດ​ຕົວ​ຈິງ.ສ່ວນ​ແຜນ​ງົບປະມານ ​ແລະ ການ​ກຳນົດ​ນັກ​ກິລາ​ເຂົ້າ​ຮ່ວມ​ແຂ່ງຂັນ 12 ປະ​ເພດ ​ແມ່ນ​ໄດ້​ສະ​ເໜີ​ເຖິງ​ຄະນະ​ນຳ​ຂັ້ນ​ເທິງ​ເປັນ​ທີ່​ຮຽບຮ້ອຍ.

          ສໍາ​ລັບ​ການວາງ 3 ​​ແຜນ​ຄາດ​ໝາຍ ​ເພື່ອ​ຈະ​ສູ້​ຊົນ​ກະກຽມ​ປ້ອງ​ກັນ​ແຊ໋ມສະ​ໄໝ​ທີ 5 ​ໃນ​ງານກິລານັກຮຽນທົ່ວປະເທດຄັ້ງນີ້ແມ່ນ​ເນັ້ນ​ໜັກ​ວຽກ​ງານຈຸດ​ສຸມ​ໃນ​ການ​ປະຕິບັດ​ການ​ໄລຍະ​ທຳ​ອິດ​ ​ໂດຍ​ສົມທົບ​ພົວພັນ​ກັບຫ້ອງການ​ສຶກສາ​ທິການ ​ແລະ ກິລາ 9 ຕົວ​ເມືອງ ​ໃຫ້​ເປັນ​ເຈົ້າ​ການ​ໃນ​ການຊີ້​ນຳ-ນຳພາ​ວິຊາ​ການ​ລົງ​ຄົ້ນ​ຫານັກ​ກິລາ​ດີ​ເດັ່ນ​ຕາມ​ທ້ອງ​ຖິ່ນ ​ເພື່ອ​ໃຫ້​ໄດ້​ຕາມ​ເປົ້າ​ໝາຍ. ໃນນີ້ສະເພາະ 4 ​ເມືອງ​ໃນ ແມ່ນໄດ້​ສົມທົບ​ກັບ​ບັນດາ​ໂຮງຮຽນ​ອ້ອມ​ຂ້າງ ​​ເປັນ​ຕົ້ນ​ແມ່ນ ມສ ຮ່ອງ​ຄ້າ, ມສ ວຽງ​ຈັນ, ​ມ ປາຍ ຈັນທະບູລີ (ປາຍ ​ເລກ 9), ມສ ລາວ-ຫວຽດ, ມສ ​ເຈົ້າ​ອານຸວົງ, ມສ ລຽວ​ໂຕ ​ແລະ ​ໂຮງຮຽນ​ອື່ນໆ ​ເພື່ອ​ຈັດ​ຕັ້ງ​ຄັດ​ເລືອກ​ນັກ​ກິລາ​ໃຫ້​ໄດ້​ຕາມ​ເປົ້າ​ໝາຍ ​ແລະ ​ເກັບ​ຕົວ​ເຝິກ​ແອບ​ຢ່າງ​ເປັນ​ລະບົບ. ຂະນະທີ່​ຈຳນວນ​ໜຶ່ງ​ກໍ່​ຈະ​ມີ​ການ​ເກັບ​ຕົວ​ເຝິກຊ້ອມ​ຢູ່​ທີ່ ສະ​ໂມ​ສອນ​ກິລາ​ໃນ​ຮົ່ມ ບຶງ​ຂະ​ຫຍອງ.

ສຳລັບການ​ແຂ່ງຂັນກິລານັກຮຽນທົ່ວປະເທດຄັ້ງ​ນີ້ ​ຈະດຳ​ເນີນລະຫວ່າງ​ວັນ​ທີ 1-9 ກຸມພາ 2017 ​ເຊິ່ງຄາດ​ວ່າ​ຈະມີນັກ​ກິລາຮ່ວມຊີງ​ໄຊ​ 17 ​ແຂວງ ​ແລະ 1 ນະຄອນຫຼວງ​ວຽງ​ຈັນ ​ແຂ່ງຂັນ​ທັງ​ໝົດ 12 ປະ​ເພດ​ກິລາ ປະກອບ​ມີ ບານ​ເຕະ, ບານ​ສົ່ງ, ກະຕໍ້, ​ເປ​ຕັງ, ປິ່ງ​ປ່ອງ, ບານບ້ວງ, ​ແລ່ນ-ລານ, ໜ້າ​ເກັກ, ໝາກ​ຂ່າງ, ໝາກ​ເສິກ, ດອກ​ປີກ​ໄກ່ ແລະ ​ເທ​ຄວັນ​ໂດ. ມີ​ການ​ຊີງ​ໄຊ​​ທັງໝົດ 138 ຫຼຽນ​ຄຳ ຈາກ 138 ລາຍການ.

 

​ໂດຍ:ອ້ວນ​ດຳ   

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png