ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ທ່ານກອງສີ1    ກະຊວງສຶກສາທິການແລະກິລາ (ສສກ) ຈັດກອງປະຊຸມລະດັບວິຊາການຂອງໜ່ວຍງານວິຊາ​ການຂະແໜງການສຶກສາ​​ເມື່ອວັນທີ 16 ພະຈິກຜ່ານມາທີ່ໂຮງແຮມວຽງຈັນພາຊານະຄອນຫຼວງວຽງຈັນ, ໂດຍພາຍໃຕ້ການເປັນປະທານຂອງ​ ທ່ານ ຮສ.ປອ ກອງສີແສງມະນີ ຮອງລັດຖະມົນຕີກະຊວງສຶກສາທິການແລະກິລາ, ທ່ານນາງເຄເມັນຊີໂອລີແພນເລຂາເອກ, ຮັບຜິດຊອບວຽກງານການສຶກສາ ຈາກສະຖານທູດອອສເຕຣ​ເລຍ ປະຈຳ ສປປ ລາວແລະ ທ່ານ ບຣາຍອັນ ຟໍຣນາຣິ ຫົວໜ້າດ້ານການຮ່ວມມືຈາກສະຫະພາບຢູໂຣບປະຈຳ ສປປ ລາວ, ມີຫົວໜ້າຫ້ອງການ ກະຊວງສຶກສາທິການແລະ ກິລາ, ບັນດາ​ຫົວໜ້າ-ຮອງຫົວໜ້າກົມ, ຜູ້ອຳນວຍການ-ຮອງຜູ້ອຳນວຍການສະຖາບັນ, ສູນ, ຫົວໜ້າ-ຮອງ​ຫົວໜ້າ​ພະ​ແນ​ກ, ພະນັກງານ​ວິຊາ​ການ, ຜູ້ຕາງໜ້າຈາກກະຊວງອ້ອມຂ້າງສູນກາງ, ບັນດາຄູ່ຮ່ວມພັດທະນາ, ​ແຂກທີ່ຖືກເຊີນ ຕະຫຼອດຮອດພາກສ່ວນທີ່ກ່ຽວຂ້ອງເຂົ້າຮ່ວມ.

ການຈັດກອງປະຊຸມໃນຄັ້ງນີ້​, ກໍ່ເພື່ອເປັນການຮັບຮອງເອົາບົດຖະແຫຼ່ງການຮ່ວມແລະບົດລາຍງານຄວາມຄືບໜ້າໃນການຈັດຕັ້ງປະຕິບັດວຽກງານຂອງໜ່ວຍງານວິຊາການຂະແໜງການສຶກສາ; ນຳສະເໜີກ່ຽວກັບຄວາມຄືບໜ້າໃນການຈັດຕັ້ງປະຕິບັດວຽກງານໂພຊະນາການ (ລົງເລິກສະເພາະວຽກຂະແໜງການສຶກສາ) ​ເພື່ອກະກຽມໃຫ້ແກ່ກອງປະຊຸມໂຕະມົນປະຈຳປີ 2016; ລາຍງານການຂຶ້ນແຜນງົບປະມານປະຈຳປີທີ່ມີການຄິດໄລ່ມູນຄ່າແລະການເຊື່ອມສານລະຫວ່າງແຜນພັດທະນາຂະແໜງການສຶກສາ 5 ປີຄັ້ງທີ 8 (2016-2020) ​ແລະເປົ້າໝາຍພັດທະນາແບບຍືນຍົງ (SDGs) ​ເປົ້າໝາຍ 4; ລາຍງານສະພາບລວມກ່ຽວກັບການຈັດຕັ້ງປະຕິບັດວຽກງານການສ້າງຄູແລະການບັນຈຸຊັບຊ້ອນພະນັກງານ; ນຳສະເໜີກ່ຽວກັບຜົນການຈັດຕັ້ງປະຕິບັດວຽກງານຢູ່ຂັ້ນແຂວງທີ່ຕິດພັນກັບຫົວຂໍ້ຕ່າງໆຂອງກອງປະຊຸມໂຕະມົນປະຈຳປີ 2016 ພ້ອມທັງສົນທະນາປຶກສາຫາລືກ່ຽວກັບບາງປະເດັນທີ່ຄູ່ຮ່ວມພັດທະນາມີຄວາມຕ້ອງການນຳສະເໜີຕໍ່ພາກສ່ວນຕ່າງໆທີ່ກ່ຽວຂ້ອງຂອງພາກລັດເພື່ອຊອກຫາວິທີແກ້ໄຂຮ່ວມກັນແລະບັນຫາອື່ນໆທີ່ກ່ຽວຂ້ອງ.

​          ໃນໂອກາດດັ່ງກ່າວ, ທ່ານຮສ.ປອກອງສີແສງມະນີໄດ້ກ່າວໃຫ້ຮູ້ວ່າ: ກອງ​ປະຊຸມ​ລະດັບ​ວິຊາ​ການ​ຂອງ​ໜ່ວຍ​ງານ​ວິຊາ​ການຂະ​ແໜງ​ການ​ສຶກສາໃນ​ຄັ້ງ​ນີ້,​ ແມ່ນ​ເປັນ​ກອງ​ປະຊຸມທີ່​ມີ​ຄວາມໝາຍ​ຄວາມ​ສໍາຄັນ​ຫຼາຍ ​ເພາະວ່າ​ບັນດາ​ຜູ້ເຂົ້າຮ່ວມ​ຈະ​ໄດ້​ຮັບ​ຟັງ​ການ​ລາຍ​ງານ ​ແລະ ຮັບຮອງ​ເອົາ​ບັນດາ​ເອກະສານ​ສໍາຄັນ​ຕ່າງ​ໆທີ່ກ່ຽວຂ້ອງກັບກອງປະຊຸມໂຕະມົນ ປະຈໍາປີ 2016 ​ໂດຍສະເພາະແມ່ນ ບົດລາຍງານຄວາມຄືບໜ້າ ແລະ ບົດຖະແຫຼງການຮ່ວມໃນການຈັດຕັ້ງປະຕິບັດວຽກງານຂອງໜ່ວຍງານວິຊາການຂະແໜງການສຶກສາໃນໄລຍະຜ່ານມາ ແລະ ບັນດາເນື້ອໃນຂອງເອກະສານສໍາຄັນອື່ນໆທີ່ກ່ຽວຂ້ອງ, ​ເຊິ່ງເນື້ອ​​ໃນ​ຈິດ​ໃຈ​ຫຼັກ​ທີ່​ກອງ​ປະຊຸມ​​ນໍາ​ມາສະ​ເໜີ, ຄົ້ນຄວ້າ​ປຶກສາ​ຫາລື ​ແລະ ຮັບຮອງ​ໃນກອງປະຊຸມ​ແມ່ນ​ມີ​ຄວາມ​ສໍາຄັນ​ຫຼາຍ​ໄດ້​ຕິດ​ພັນ​ກັບ​ພາລະ​ບົດບາດ​, ສິດ ​ແລະ ໜ້າ​ທີ່​ຄວາມ​ຮັບຜິດຊອບ​ໃນ​ການຈັດ​ຕັ້ງ​ປະຕິບັດ​ວຽກ​ງານດັ່ງກ່າວ​​ໂດຍ​ກົ​ງ. ດັ່ງ​ນັ້ນ, ຈຶ່ງຮຽກຮ້ອງໃຫ້​ບັນດາຜູ້​​ແທນທີ່ເຂົ້າຮ່ວມ​ກອງປະຊຸມຮ່ວມ​ມື ​ແລະ ປະກອບສ່ວນ​ແລກປ່ຽນ​ຄໍາ​ຄິດຄໍາ​ເຫັນ​ຢ່າງ​ກົງ​ໄປກົງ​ມາ ​ຕາມຄວາມ​ຮັບຜິດຊອບ​ຂອງ​ຕົນ ​ເພື່ອ​ເຮັດ​ໃຫ້ການ​ຈັດ​ຕັ້ງ​ປະຕິບັດ​ກອງປະຊຸມຄັ້ງນີ້ ບັນລຸ​ໄດ້​ຕາມ​ຈຸດປະສົງ ​ແລະ ​​ເປົ້າ​ໝາຍທີ່​ວາງ​ໄວ້​.

          ນອກນັ້ນ, ທ່ານຍັງໄດ້ກ່າວໃຫ້ຮູ້ຕື່ມອີກວ່າ: ລັດຖະບານ​ອອສເຕຣເລຍແລະ ສະຫະພາບຢູໂຣບໄດ້​ຮ່ວມເຮັດ​ວຽກ​ກັບກະຊວງສຶກສາທິການແລະ ກິລາ ເພື່ອພັດທະນາ​ວຽກ​ງານການ​ສຶກສາ​ຂອງລາວຢ່າງ​ໄກ້​ຊິດດ້ວຍ​ດີ​ຕະຫຼອດ​ມາ, ​ເຊິ່ງໃນໄລຍະຜ່ານມາລັດຖະບານ​ອອສເຕເລຍ, ສະຫະພາບຢູໂຣບ ​ແລະ ບັນດາ​ຄູ່​ຮ່ວມ​ພັດທະນາ​ຕ່າງໆໄດ້​ໃຫ້ການ​ສະໜັບສະໜູນ​ຕໍ່ຂະແໜງການສຶກສາ ​ແລະ ກິລາ​ຫຼາຍ​ດ້ານ​ເປັນຕົ້ນແມ່ນໃຫ້ທຶນການ​ສະໜັບສະໜູນ​​ທາງ​ດ້ານຊ່ຽວຊານເພື່ອສ້າງ​ຄວາມ​ອາດ​ສາມາດ​ໃຫ້​ແກ່​ວຽກ​ງານ​ການ​ຕິດຕາມ​ປະ​ເມີນ​ຜົນ ​ແລະ ວຽກ​ງານ​​ແຜນການ-ການ​ເງິນ, ໃຫ້ທຶນການ​ສະໜັບສະໜູນ​​​ເພື່ອ​ຈັດ​ຕັ້ງ​ປະຕິບັດ​ຫຼາຍ​ໂຄງການແລະ ແຜນງານ​ໂດຍ​ສະ​ເພາະ​ໄດ້ສຸມ​ໃສ່​​ພັດທະນາວຽກ​ງານ​ການ​ສຶກສາ​ຂັ້ນ​ພື້ນຖານ​. ຫຼັງ​ການ​ສຶກສາ​ຂັ້ນ​ພື້ນຖານ ​ແລະ ວຽກ​ງານ​ອື່ນໆສາມາດ​ເວົ້າ​ໄດ້​ວ່າ​ໂຄງການ ແລະ ແຜນງານດັ່ງກ່າວ ເປັນຕົວ​ແບບ​ທີ່​ດີ​ໃນ​ການຈັດ​ຕັ້ງ​ປະຕິບັດ​ໃຫ້​ແກ່​ການ​ພັດທະນາ​ຂະ​ແໜງ​ການ​ສຶກສາ​ເ​ບັນລຸ​ໄດ້​ ​ແລະ ແກ້​ໄຂຄວາມ​ແຕກ​ໂຕນ​ດ້ານ​ການ​ເຂົ້າ​ເຖິງການ​ສຶກສາ​ຂັ້ນ​ພື້ນຖານ, ຫຼັງການສຶກສາຂັ້ນພື້ນຖານ ​ໂດຍ​ສະ​ເພາະ​ໃນ​ບັນດາ​ເມືອງ​ທີ່ຢູ່​ເຂດ​ຊົນລະ​ບົດ​ຮ່າງ​ໄກ​ສອກຫຼີກ ​​​ແລະ ຕົວ​ເມືອງ​ໄດ້​ມີ​ກາ​ນພັດທະນາ ​ແລະ ສາມາດ​ຫຍັບ​ເຂົ້າຫາ​ກັນ​ເທື່ອ​ລະ​ກ້າວ, ​​ເຫັນວ່າເປັນ​ການ​ຊ່ວຍ​ເຫຼືອ​ທີ່​ມີ​ຜົນ​ປະ​ໂຫຍ​ດອັນ​ໃຫຍ່​ຫຼວງ​ເຂົ້າ​​ໃນ​ກາ​ນຈັດ​ຕັ້ງ​ປະຕິບັດວິໃສທັດ, ນະໂຍບາຍ, ຍຸດທະສາດ ແລະ ​ແຜນ​ພັດທະນາ​ຂະ​ແໜງ​ການ​ສຶກສາ ​ແລະ ກິລາ 5 ປີ, ຄັ້ງ​ທີ 8 (2016-2020) ​ເພື່ອ​ເຮັດ​ໃຫ້​ບັດ​ລຸ​ຕາມ​ແຜນການ​ທີ່​ວາງ​ໄວ້.ທ່ານກອງສີ

(ສາວແກ້ວອຸດົມ)                              

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png